بڵی عەلی کەریمی گێل و نەزان بێت یا فرانسو ئۆڵاند؟. ... ڕەشید قازی

{تێبێنی! ئەم نوسراوەیە لە ولامی نوسراوەکەی عەلی کەریمی کە لەخۆارەوەدا هاتۆە سەبارەت بە هاتنی فرنسوا ئۆلاند بۆ هەریم کوردستان نوسراوە.} دونیایەکی سەیرە گولم!!

کوتم لە سالی ٢٠١٧٧دا کۆتری ئاشتی بالی نەرم و نیانی خۆی بەسەر دۆنیای شەر و ئاژاوە و ئاشتی و دڵرەشیدا دەکێشی و بۆ ساتێک قەلەمی روناکبیرانم وانەکانی شیعر و غەزەلەم بۆ دەهۆننەوە و منی رێبواری ماندوو نەسای زامداری خەباتیش بەدور لە خۆین و فرمێسک و گریان گۆرایلی موسیقا و شادی ئەو سەردەمە دەبم و بۆ ساتیک بە دور لە سەردەم و سەدە خۆێناویەکان بزەیەکی خۆشی و دڵگر دەخەمە سەر لیوانم و گولێکی خۆشەویستی لە سینگی ئاژن ئاژن بوی یارە ژیکلەکانەکم دەچەقینم و دەردی دووری و وەک داستانەکانی شاهنامەی فردەوسی و ئالب ئەرسەلانی رۆمی بۆ باس دەکەم تا بۆ هەمیشە غەمی دوری منی بە دەست شنەبای فەراموشی بسپیری .
بەلێنیم دابوو بە گولم کە لە بەربەیانی سالی نۆیدا لاپەرەیەکی دیکە بۆ ژیانی تازە تێکەل بە بۆنی گەزیزە و سۆسن و هەلالە و بەیبەونەوە بۆ بەدیاری بێنم. مەخابن یەستا ١٢ کاتژمیر بەسەر سالی تازەمدا تێنەپەریبو قەلەمی چەقبەستو عەلی ناویکی بیر تەسکی چەپی راهاتو لە ئیدەئیلۆژی مارکسی و ئیسلامی حەز و خولیاکانمی لێ شلەژاندم و بە نوکی خامەی رەشی دەستی هەوالێکی دورە پەریزی فەرانسەویم لێ ڕەش و تال کردم.
ئایی گولم وەرە سەیر بکە
کێ لە هەزارەی سێهەم لێمبۆتە روناکبیری کورد و باسی ئەخلاق و کۆیلە و سیاسەت دەکات و کێ لیم بۆتە ئازادیخۆوا کە تا دۆێنی گالتەجاریان بە هەزر و بیری خەلک دەکرد و خەلکیان بە نێو گۆران بەرەو سەرا و شەقامەکانی شاردا هاندا و برست و هەناسەیان لە خەلکی شارە قارەمانەکەی هەڵمەت و قوربانی بری و لە ئوتاقی فەرمانی گۆرانخۆازنەوە فەرمانی نافەرمانیان بە خەلک لەدژی جەستی ماندوی نیشتمان بی داهاتوو دەدا تاکو کورد هێچکات نەحەسێتەوە و بۆ ساتێکی پەنجەکانی دەست لە ئازاردانی یەکتر دەست هەلنەگرن و گێڵانە و نەزانانە و راستەخۆی ئاشی نفرەت و شەڕ و ئاژاوەیان بە فیتی ولاتی پەت و سیدرارە بۆ کورد هەڵدەسوراند.
ئایی گولم لە کۆی تا بۆت باس بکەم کە ئەوکات عەلی و مەشدی و حەمەکان لە رادیوو تلویزۆنەکانی هەریمەوە بە لا شەویلکەی زاریان گەفای دوژمانەیەتی هەولیر و سولیمانی هەلدەرشت و لە زورنای شەریان دەژنی و تۆوی دوبەرکیان پەرە پێ دەدا کە زۆریش هات بەرەو لەندن و ستکهۆم لاقە قونەیان دەر دەکرد و یەستا سەردانەکەی سەرۆککۆماری فەرانسە بۆ هەمان مەلبەندی بە قەولی ئەوان کە سەرۆک عەشیرەیەک رێبەری دەکات دەخەنە ژێر پرسیار. تۆ بلێ ئەوانیش لە مەکتەبی کۆماری ئیسلامی ڕاهاتبێن و کردنەوەی درگای جیهانی دەرەوە بەرووی کوردان بە کوفر بزانن و چاویان دینتی وەها سەرکەوتنێکی کە بە خۆێنی تاکی کورد پێکهاتۆە نەبی؟.
ئایی گولم بزانە کی لافی و گەزافی سکۆلاریزم و ئازدی دەژنیە کە یەستاش لە دورەوە کۆبیسی تاقە دەنگی تەقەیەک نەبوە بەلام هەنگاوەکانی ریبەریکی کورد و حیزبەکە کە بەهەزارا شەهیدیان لە پێناو پارستنی گێانی عەلی ناوەکان کردۆتە قوربانی بە کۆیەلە و بنەمالە و عەشایر دەناسینی . تۆ بلی عەلی کەریمەیەکان یەستاش لە سایە سەری وەها کۆیلەیەکەوە نانی و جیرەو وسەولەی ڕۆژانەیان پێنادرێت؟. بەراستی ئەمڕۆ عەلی کەریمیەکان خاوەنی بێئەخلاقترین قەلەم بەدەست و روناکبیری کوردن یا بەقەلی ئەوان بارزانی کۆیلە کە لە سەنگەرەکانەوە بە درێژایە ١١٥٠ کیلۆمیتر سەر و گێانی عەلی دەپاراست تا لە سولیمانی را بە فیتی ئەربابەکانی نان بخۆات و نادینیش بدرێنێت. !
گولم دەبێ چەند عەیب بێ بۆ روناکبیریکی کورد کە باس لە دیموکرات و سێکولار و ئازادی و ژن و عەدالەت و دادپەروەری و کۆمەلگای ئازاد و رەها دەکات . . . شەرعیەتی بە سەرۆک هەریمەکەی کە براکوژی کردە خەتی سور ئازادی و ئەمنیەتی بۆ هەریم دابین کرد و لە دەریای توفاناوی رۆژهەلاتی ناوین کاریکی کرد سەرکردەکانی جیهانی بچنە هەمان هەولیری کە حەلی کەریمیەکان ناویان نابوو "گەورەترین گوندی کوردستان" وا بە سەرۆک خێل و نەزان و کۆیلە ناوی بەرن. ئایا عەلیەکان خاوەن کۆیلەی بیری هەزری نەزانین یا هەمان بارزانی کۆیلە لە هەمو هەلبژاردنەکاندا لە سەروی یەک میلۆن دەنگی هیناوەتە. تۆ بلی ئیوەی کمۆنیست و چەپەکان وەک مێگەلە مەر وابن کە بێ ئەم ڵاو ئەوڵا کۆرایەلی شۆانەکانیان لە موسکەو و تاران و دیمشق دەبن و مافی سەربەخۆی بە گونجاو نازانن یا بارزانی کە لە نیو دلی خەلکی فەقیر و هەژاری خۆیدا خاوەن جێگە و پێگەیە وباسی سەربەخۆی و ئازادی و رفراندۆم و مافەکانی بۆ خەلکی خۆیی دەکات؟.
ئایی گولم نازانی دڵم چەندە تەنگە کە ئەگەر تا دۆێنی بەدەستی چەکی نەزانی دەمنالاند و جەستەم ئاژن ئاژن دەبوو ئێمرۆ بە دەست چەکی زانست خەریکە لە هەناسەش دەکەوم و ژیان و حەز و خولیاکانم خەریکن دەبنەوە ئارازی قەلەمی نەزانێک کە گۆیا روناکبیرە و بەردی رەزگاری ئاو و خاک و نەتەوەکەم لە سینگ دەدات.
ئایی گولم
دونیاکەم زۆر شیواە کە وەها بە ناو روناکبیریکی بیر تەسکی ڕاهاتو لە مەکەتەبی چەپی راستی چەپان دیسان بە قەلەمی ژەهراوی هاوپەیمانەتی و دۆستایەتی دوو گەلی و کورد و فەرانسەوەی بە شەرمەزاری مێژو هینایە ئەژمار و جەستەی فرانسوا میتران دۆستی و یاری کۆنی کورد و دانیل میترانی دایکی کوردانی لە مەرقەدەکەیدا وەئازار خستەوە. سەردانی فرانسوا ئوڵاند بەۆ هەریمی کوردستان بە شەرمەزارێک بە خەلکی کورد دەزانیت. ئایی زەمانە ڕوت ڕەش بێت کەوا لە ئاسمانی سور و خۆێناوی کورد و لە جەستەی دایکی نیشتماندا وەها زۆلە قەلەم بەدەستانێک لەدایک دەبن. دەبنە ئالاهەلگرانی شۆرشی نۆی بەلام ئەوانەی لە جەستەیان لە پێناو نیشتماندا خۆین دەتکیە بە کۆیلە و نەزان لەقەلم بدرین. تۆ بلێ عەلی کەریمیەکان خۆرەتاو روناکی نەتەوەکەم بن یا هەوریکی چلکن و بژێون شەرمەسار بۆ گەل و نیشتمان؟.
تۆ بلێ فرانسوا ئۆلاند بە قەدرایە عەلی کەریمی شارەزای بەسەر بەرژەوەندی ولاتەکەیدا نەبێت؟.