پۆلیسی ئه‌ڵمانیا ڕایگه‌یاند، ، له ناوچه‌یه‌کی سه‌رسنووری نه‌مسا و ئه‌ڵمانیا پۆلیس بەهانای ١٩ کۆچبه‌رەوە ڕۆیشت که پێنجیان منداڵ بوون و له‌لایه‌ن قاچاخچییه‌کانه‌وه له گه‌راجی ئۆتۆمۆبێل فڕێ درابوون کە پله‌ی گه‌رما له‌وێ بیست پلە لە ژێر سفرەوە بوو.به‌پێی وتەی پۆلیسی ئه‌ڵمانیا، ئه‌وه کاری قاچاخچییه‌کانه کە کۆچبه‌ره‌کان به‌وشێوه‌یه لە به‌ر سه‌رما جێدەهێڵن.
ئاژانسی ڕۆیته‌رز بڵاویکردووه‌ته‌وه که ئه‌و کۆچبەرانە هه‌ر یه‌که ٥٠٠-٨٠٠ یۆرۆیان داوه‌ته قاچاخچییه‌کان تا له ئیتالیاوه بیانگه‌یه‌نێته ئه‌ڵمانیا، به‌ڵام به ئۆتۆمۆبێلێک له‌و شوێنه دابه‌زێنراون و له سه‌رما ڕه‌ق هه‌ڵاتوون.
