لە بابەتی پێش ئەم بابەتەو چەند بابەتێكیر دەسگای KGB سۆڤێتم بە نمونە هێناوەتەوە، كە لەناو ئەو دەسگایە لە سەردەمی ڕژێمە ستالینییەكە بەشێكیان دروست كردبوو تایبەت بە داهێنانی ”نەكتەو گاڵتەو گەپ”! نوكتەو گاڵتەو گەپ، لەسەر ئەوانەی تۆمەتێكیان ئەخستنە پاڵیان و بڕیاری كوشتن یان نەفیی كردنیان ئەدان! هەموو كۆمەڵگایان كردبووە بەشێك لە سیستەمە تۆتالیتاریی و دیكتارۆرییەكە، هەموو تاكێكیشیان كردبووە ستالین و پیاوكوژەكانی سیستەمەكە.
ڕژێمەكەی ستالین، قەسابخانەكەو كۆچە زۆرە ملێیەكەی ئەنجام ئەدا. ئەو بەشەی لەناو دەزگای KGB دروستكرابوو بە نوكتە، نوكتەكانی دروستەكردو ئەیخستە ناو خەڵكەوە. خەڵكەكەش، بە گاڵتەو گەپەوە نوكتەكانیان ئەگێڕایەوەو قا قا پێئەكەنین! بەم جۆرە، زیاتر لە چەندین ملیۆن كەس بە دەستی ڕژێمەكەی ستالین و بەشداریی زۆربەی كۆمەڵگا، هەر بە گاڵتەو بۆ بەرهەمێنانی نوكتەو پێكەنین، كرانە قوربانیی.
پێرێ لە چاوپێكەوتنكەكەی كەرەكەی جەلال تاڵەبانی-بافڵ، دانی بەدودانا، لەناو دەزگای زانیاریی بەشێك دروستكراوە بەس كاری لەسەر دروستكردنی توهمەی ئەخلاقیی ” بەرپرس، كادرو ئەندامانی ینك”، كردووە! هیچ گومانیش لەوە نییە، كە چەندین مەلەف و تەهمەی ئەخلاقیان لەسەر سەركردەو بەرپرس و ئەندامانی حیزبەكانی تریش و هەر كەسێك كە لە كۆمەڵگا بە ئەمانجیان گرتووە، دروستنەكردووە.
لە بابەتی پێشتردا، بە یەقینییەوە، وتم;
گۆڤەند، شەخسێك نیەو گروپێكە، وە دەسگایەكی گەورەی وەك دەسگای پاراستنی بنەماڵەی بارزانیی لە پشتەوەیە.
لەپاڵ كارە تیرۆریستییەكانی ئەو دەسگایە، چەندنگروپ و باند و گروپیترو گورگی تەنیا دروست بوون و خەریكی تیرۆرایزكردن وپارە پەیدا كردنن. . هەرچۆن، لە ئەمریكا، ڕەیپەست و منالبازەكان و سریاڵ كیڵەرەكان، ئیلهام لە تاوانەكانی تاوانكارەكانی پێش خۆیان وەرەگرن.
ئەمشەو لە بەرنامەی پارلەمانی خەڵك-ئێن ئاڕتی، یەكێك لە میوانەكان قوربانییەكی دەستی ئەو گروپە مافیایی و تیرۆریستییە بوو. میوانێكیتریشیان ڕائید ڕێباز بوو، بە بیانوی ئەوەی هێشتا ئەم فەزاحەتە گەورەیەی دەسگای پاراستن، كە چەندین ساڵە لە كاردان و خەریكی بڵاو كردنەوەی ترس و تۆقاندن و ژیانی دەیان و سەدان كوڕو كچیان خستۆتە مەترسییەوە، لە لێكۆڵینەوەدایە! ڕائید ڕێباز، یەك زانیاری و یەك دڵنیایی بە خەڵك نەدا، كە نزیك بن لە دەستگیركردنی ئەم باندە!
بۆ؟چونكە ڕائید ڕێباز باشەزانێت ئەو گروپ و تاقمە لەناو دەسگای پاراستنەوەو بە بەرنامەی تۆكمەوە ئەو كارانە ئەنجام ئەدەن و ئیشی ئەم بەلاڕێدابردن و چەواشەكردنی خەڵكە.
نەك هەر ئەوە، بەڵكو پەنجەی بۆ قوربانییەكان درێژەكرد، كە خەتای خۆیانەو هوشیارییان نیەو نابێت كەسێك نایناسن ئاددی بكەن و وەڵامی بدەنەوە!
یەكێك لەو وانانەی كە دایك و باوك بە مناڵەكانی ئەدات، ئەمەیە;
كوڕم، كچم، قسە لەگەڵ كەسێكی نەناسراو مەكە، یان وەڵامی مەدەرەوەو متمانەی پێمەكە .
ئەم وانەیە، بۆمناڵانێك ئەبێت كە هێشتا تەمەنێكی مناڵیان هەیە، نەك كوڕو كچانێك كە هەژدە سالیان تێپەڕاندبێت. دنیای تەكنەلۆژیا، بۆ مناڵ مەترسییە، كە باوك و دایك پێویستە چاودێری مناڵەكانیان بكەن، سەیری چی ئەكەن؟ هاوڕێكانیان كێن؟ كام تۆڕە كۆمەڵایەتیانە بەكاردێنن و بۆچی و هتد. . تا لە ڕەیپەست و سایۆپاتیك و هتد بیانپارێزن.
وە ئەگەر توشی هەر هەڵەیەك بوون، نە دایك و باوك و نە كۆمەڵگا سەرزەنشتیان ناكەن، چونكە ئەوانە قوربانین و دامودەسگا ئەمنییەكان دێنە سەرخەت و بە پشتیوانی دایك و باوكی قوربانییەكە و كۆمەڵگا، تاوانكار ئەدۆزرێتەوەو توندترین سزا ئەدرێت.
بەڵام، مرۆڤ كە تەمەنی ئەگاتە ١٨ ساڵ، ئازادە لەوەی كام تۆڕی كۆمەڵایەتی بەكاردێنێت، كێ ئەكات بە هاوڕێی، كێ ئەكات بە خۆشەویستی، چۆن مامەڵەی هاوڕێیەتی و دۆستایەتی و پەیوەندییەكانی ئەكات. . .
كاتێك، سایكۆپاتیكێك، دەروون نەخۆشێك، بە هەر هۆكارێك هەڕەشە لە كچە یان كوڕە ئەكات و ژیانی ئەخاتە مەترسییەوەو ئەیەوێت كەرامەتی بشكێنێت یان قازانجی مادیی لێ بكات و هتد. . دەسگا ئەمنییەكان سەرزەنشتی ناكەن، قەحبەو حیزی ناكەن، كۆمەڵگا پێی ناڵێن ناشەریفیت و قەحبەیت و هتد. . دایك و باوك و براكەی نایكوژن یان سجنی بكەن، بەڵكو هەموو بە یەك دەست لە پشتی قوربانییەكە ئەبن و تاوانكارو دەروون نەخۆشەكە ئەدۆزنەوەو توندترین سزای ئەدەن.
هێزە ئەمنییەكان نایەن بە كچە یان كوڕە بڵێن، تۆڕی كۆمەڵایەتی بەكار مەهێنەو یان كەس ئادد مەكەو هوشیاربەو چی و چی، ئەوان باشەزانن ئەوە بەشێكە لە ئازادیی ئەو كەسە، بەشێكە لە جۆری ژیانی ئەوە ئیشی ئەمان نیە تەداخول لە ژیانی شەخسی بكەن، بەڵكو ئەركی ئەوانە كاتێك بە هەر جۆرێك ژیان و كەسایەتی ئەكەوێتە بەر هەڕەشەو تیرۆروە، خێرا كەسی تاوانبار بدۆزنەوەو توندترین سزای بدەن.
لەم سەردەمی تەكنۆلۆژیاو پێشكەوتنی زانستەدا، زۆربەی ناسین و هاوڕێیەتی و خۆشەویستی و پەیوەندییە ڕۆمانسی و سێكسییەكان، لە ڕێگای تۆڕە كۆمەڵایەتییەكانەوەیە، لەمبەری دنیا بۆ ئەوبەری دنیا.
ئەی بۆچی لە ئەمریكاو ئەوروپاو لاتینی ئەمریكا، كەسێك نابینن یان نابیستن، هەڕەشە لە كچێك بكات كە ڤیدیۆی سێكسیی یان وێنەی بڵاو ئەكاتەوە؟ لە كاتێك زۆرترین مومارەسەی چێژ و سێكس لە تۆڕە كۆمەڵایەتییەكان ئەكرێت و لە ڕێگای تەكنەلۆژیاوەیە.
بۆچی كەس ناترسێت ؟ بۆچی كەس بەوە ناترسێنرێت؟ بۆچی داوای پارەو ئاڵتوون و هتد بەو شتانە ناكرێت و هتد. .
چونكە، كۆمەڵگاكانی ئەو قاڕەو وڵاتانە، لە ” داب و نەریتە دواكەوتوو جاهیلییەكان، لە ئایین و مەزهەبە ئۆرتەدۆسییەكان، لە كولتووری وەحشیگەریی و كۆنەپەرستییەكان و هتد خۆیان ڕزگار كردووەو بە بەها بەرزو باڵاو ئازادەكانەوە ئەژین.
كاتێكیش كەسێك تاوانێكی وا ئەكات، بەو بەهایانەی سیستەمەكەیاندروستكردووەو یاساكانیان داڕشتوو، دەست و قاچی ئەشێكنن و ئەیخەنە زیندان.
بۆ نمونە، تاوانبارێك كەسێك ڕەیپ بكات، یان دەستدرێژیی بكاتە سەر هەر مناڵێك، دوای گرتنو زیندانی كردن و تەواو بوونی ماوەی زیندانەكەشی، بچێتە هەر گەڕەكێك، پۆلیس دانیشتوانی ئەو ناوچەیە ئاگادار ئەكات ئاگایان لە خۆیان و مناڵەكانیان بێت چونكە ڕەیپەستێك یان مناڵبازێك هاتۆتە ئەو گەڕەكە، بەو جۆرە ئەو لەكەیەی پێوە ئەبێت و لە ڕێگای خەڵكەوە بێزاری ئەكەن، بەردوام خەریكی ماڵ باركردن و خۆشاردنەوەیە، جگەلەوەی بەردەوام ئیمزای پۆلیس و چاودێری پۆلیسی لەسەرەو دەیان كۆت و بەندیتر، كە تا ئەمرێت نایەڵن بحەسێتەوە.
ئەگەر تاوانی گەورەشی ئەنجامدابێت، تا ئەمرێت لە زیندانە. لە ئەمریكا، سزاكان قورسترە، تا لە سێدارەدانیش ئەڕوات.
ئێستا، ببینن، یەكێك لە قوربانییەكان-ڕام ئاكرەیی، ئازایانەو جەریئانە هاتۆتە سەر شاشەی تیڤی و بەرەو ڕووی ئەو گروپەی پاراستن بۆتەوە، كۆمەڵگایەكی ژنكوژ، ڕەیپەست، دەروون نەخۆش، سایۆپاتیك، جنێوفرۆش و پەروەردەی دەزگاكانی پاراستن و زانیاریی، قەحبەو حیز و لەشفرۆش و هتد ئەكەن و دەستخۆشی لە تاوانكاران ئەكەن!
لە تۆڕە كۆمەڵایەتییەكان، لە ڕێگای دەیانی وەك حەمكۆی دەروون نەخۆشەوە، قوربانییەكان ئەكرێن بە گاڵتەو گەپ و كۆمیدیا! تەماشای KGB كوردیی بكەن، چۆن كەرامەتی مرۆڤی كورد ئەشكێنێت و تێرۆرایزیی تاك بەتاكی كۆمەڵگا ئەكات. .
تەماشا بكەن، چۆن كۆمەڵگایەكی دەروون نەخۆش و ژنكوژو جنێوفرۆش و تیرۆستییان دروست كردووەو كردونی بە بەشێك لە فەساد كردن و بڵاو كردنەوەی ترس و تۆقاندن و گێڕانەوەی تاواناكانیان بە نوكتەو گاڵتەگەپ!
یەك كەسێك لەوانە نیە، كە جنێو بەم قوربانیانە ئەدەن و دەستخۆشی لە دەزگای پاراستن ئەكەن، خۆیان یان دایك و خوشكیان یان برایان یان هاوسەریان، ژیانیان پڕ نەبێت لە نهێنی، هیچ دوورنیە سبەی بە جۆرێك لە جۆرەكان خۆیان یان ئەندامێكی خێزانەكانیان نەبنە قوربانی كەسێك یان تاقم و گروپێكیتر، ئەوكات خۆش بە حاڵیان! لە خۆیان بپرسن;
لە كوێدا گەواد بوون؟ قەحبە بوون؟ حیزبوون و هتد. . ئەی بۆ ئەو خەڵكە قەحبەو حیزیان ئەكەن و دەستخۆشی لە تاوانبارەكانیان ئەكەن!
دەسەڵات و حیزب و بنەماڵەو سیستەم و مافیاو چەتەو دەزگا ئەمنییەكان و هتد . . بەرهەمی ئەو خەڵكە، تیرۆریست و بێمێشك و نەخۆش و ژنكوژ و مرۆڤكوژ و كەرامەتشكێنەرەیە. . بۆچی گلەیی ئەكەیت، كە زیاتر لە سی ساڵە كەرامەتت ئەشكێنن سوك و ڕسوایان كردوون؟؟؟
شێروان شێروانی وتی;
لەژێر هەڕەشەی شەرەفا ئیعترافیان پێ كردووم. .
ڕەنگە دەزگای پاراستن و زانیاریی ڕووتت نەكەنەوە، بەڵام بە دوری مەزانە سبەینێ لەسەر شەڕێك یان دەمەقاڵێیەك لەگەڵ كوڕی بەرپرسێك یان سەرمایەدارێك، یا نتوهمەیەكی دروستكراو بتبەنە زیندان و بەتڵت تێبڕن یان بە دەستدرێژی بۆسەر دایكت یان خوشكت یان هاوسەرت، كەرامەتت بشكێنن.
لۆمەیان مەكە، چونكە تۆ خۆشت وایت، دەستت بە تایپێك ئەگات و ڕەیپەكەیت، جنێوەدەیت، قوربانییەكان قەحبەو حیزەكەیت و هتد . .
ئه‌و بابه‌تانه‌ی له کوردستان نێت دا بڵاوده‌کرێنه‌وه، بیروبۆچوونی خاوه‌نه‌کانیانه، کوردستان نێت لێی به‌رپرسیار نییه.
