لیژنه‌هاوبه‌شه‌كانی قائیمقامیه‌تی سلێمانی ده‌ست به‌سه‌ر بڕێكی زۆر "فنگه‌ر" په‌تاته‌ی ئاماده‌كراودا ده‌گرن كه "كه‌ڕووی" كردووه و پاش پشكنین ده‌ركه‌وت گونجاو نییه بۆ خواردن، له‌سه‌ر فه‌رمانی قائیمقامی سلێمانیش بڕیاردرا له‌ناوببرێت،
ئازاد نه‌بی نوێنه‌ری ته‌ندروستی و ئه‌ندامی لیژنه‌ی باڵا له لیژنه‌هاوبه‌شه‌كانی قائیمقامیه‌تی سلێمانی رایگه‌یاند: له چه‌ند رۆژی رابردوودا له یه‌كێك له كۆگاكانی شاری سلێمانی له‌لایه‌ن "لیژنه‌ی دوو" ده‌ستیان گرتووه به سه‌ر بڕی "177" كارتۆن "فنگه‌ر" په‌تاته‌ی ئاماده‌كراودا كه ده‌كاته "442" كگم و دوای پشكنین ده‌ركه‌وت سه‌رجه‌م كارتۆنه‌كان كه‌ڕووی كردووه و گونجاو نیه بۆ خواردن، ئازاد نه‌بی ووتیشی: "فنگه‌ره‌كه" به‌رهه‌می هاورده‌كراوه و به‌هۆی خراپ عه‌مباركردنی كه‌ڕووی كردووه، به‌ڵام پێش ئه‌وه‌ی له بازاڕدا ساخبكرێته‌وه توانیان ده‌ستی به‌سه‌ردا بگرن و خاوه‌نه‌كه‌شی رووبه‌ڕووی سزای یاسایی بكه‌نه‌وه،
نوێنه‌ری ته‌ندروستی و ئه‌ندامی لیژنه‌ی باڵا له لیژنه‌هاوبه‌شه‌كانی قائیمقامیه‌تی سلێمانی ده‌شڵێت: له‌سه‌ر فه‌رمانی قائیمقامی سلێمانی بڕیاری له‌ناوبردنی هه‌موو بڕه فنگه‌ره‌كه دراوه و له نزیكترین كاتدا له‌ناوچه‌ی تانجه‌رۆی شاری سلێمانی له‌ناوده‌برێت.
راگه‌یاندنی قائیمقامیه‌تی سلێمانی
