بانگەوازێك بۆ سەرجەم ئەو رۆژنامەنووس و كەناڵ و نووسینگانەی پێشێلكاریان بەرامبەر كراوە. .
پاش هێوربوونەوەی بارودۆخی ناوچەكە، داواكارین لەسەرجەم ئەو رۆژنامەنووسانەی پێشێلكاریان بەرامبەر كراوە (رۆژانی 18 و 19 و رۆژانی دوایی مانگی دیسەمبەر) لەلایەن هێزە ئەمنییەكان یان خۆپیشاندەرانەوە، ناوو بەروارو شوێنی پێشێلكاریەكەیان بەدۆكیۆمێنتەوە یان بەڵگەوە بنێرن بۆ لقی سلێمانی بەمەبەستی تۆماركردنی سكاڵای یاسایی وبەدواداچوون وتۆماركردنیان لەناو دۆسیەی پێشێلكاریەكاندا. .
هەروەها داوا لەو كەناڵ و نوسینگەی كەناڵانەش دەكەین كە سوتێنراون یان تاڵانكراون یان داخراون لەلایەن حكومەت وخۆپیشاندەرانەوە، بەهەمان شێوە نووسراومان بۆ بكەن و بەیانی زەرەرو زیان هاوپێچ بكەن تا وەك پێشێلكاری تۆماریان بكەین و بە دواداچوون بۆ سكاڵاو كەیسەكانیان بكەین. .
ئەم كەیسانە سنووری لقەكەمان واتە ناو شاری سلێمانی و دەوروبەری لەگەڵ سنووری ئیدارەی ڕاپەرین دەگرێتەوە. .
لە گەڵ داوای هێمنی و ئارامی بۆ دۆخەكەو سەلامەتی بۆ سەرجەم ئەندامەكانمان
https://www.facebook.com/sulaymaniy.sandika/
كاروان انور
سكرتێری لقی سلێمانی
سەندیكای رۆژنامەنووسانی كوردستان
2/1/2018