بەپێی هەواڵێکی (الغد پرس)، شێخ مزاحم الحویت وته‌بێژ به‌ناوی هۆزە عه‌ره‌به‌كانی نه‌ینه‌وا له به‌یاننامه‌یه‌كدا ڕایگه‌یاند: هه‌ر كاتێك نووری مالیكی بگه‌ڕێته‌وه سه‌ر ده‌سه‌ڵات، ئێمه جیابوونه‌وه‌ی خۆمان ڕاده‌گه‌یه‌نین و ئەوکات داوا له ئیداره‌ی ناوخۆیی پارێزگای نەینەوا ده‌كه‌ین ناسنامە و ڕەگەزنامە بگوازرێته‌وه بۆ پارێزگاكانی هه‌رێمی کوردستان.
هه‌روه‌ها ده‌ڵێت : هۆشداری ده‌ده‌ین له‌باره‌ی جارێكیتر گه‌ڕانه‌وه‌ی مالیكی و ده‌سه‌ڵات گرتنه‌ده‌ست له‌به‌رئه‌وه‌ی جارێكیتر پارێزگاكان ده‌فرۆشێته‌وه به گروپی تیرۆریستیی داعش و لەو بارەیەوە داوای کرد كه حكومه‌ت لێپێچینه‌وه له مالیكی بكات له‌باره‌ی ئه‌و تاوانانه‌ی كردوویه‌تی.
