ئەمەوێ بگەم بە سوپاسێکت دا و
لە مەرگی خۆمە ترسم مۆڵەتم پێنەدات!
ئەمەوێ بگەم بە خزمەتێکت دا و
لە بەختی خۆمە ترسم یاریم پێبکات!
ئەمەوێ بگەم بە فەرمانێکت دا و
لە تەقدیری خۆمە ترسم دەرفەتم نەدا!
ئەمەوێ بگەم بە کارێکت دا و
لە ڕێگاکەی خۆمە ترسم ژیانم دابخات!
ئەمەوێ بگەم بە ئەمرێکت دا و
لە ھێزی خۆمە ترسم درۆم لەگەڵدا بکا!
ئەمەوێ بگەم بە سێبەرێکت دا و
لە ھەنگاوی خۆمە ترسم بەرەو چاڵم ببات!
ئەمەوێ بگەم بە سەفەرێکت دا و
لە ڕۆژگاری خۆمە ترسم ئابڕوم لەکەداربکا!
ئەمەوێ بگەم بە سڵاوێکت دا و
لە چارەنوسم بەگومانم خەجاڵەتم بکا!
ئەمەوێ بگەم بە دیدارێکت دا و
لە قەدەری خۆم شکم ھەیە دونیام لێ تاریکبا!
ئەمەوێ بگەم بە کۆشکی (خۆشەویستی)تۆدا و
لە شانسی خۆم نا ئومێدم
نەک لە پایەی گەورەیی تۆ پاشا گیان!
