زیاتر لە 70 خوێندکاری خۆی بۆ تاقیکردنەوەیەکی گرنگ هەڵبژارد، پێشتر یش پشکنینی دەروونی بۆ هەموویان کرد تاوەکو دڵنیا بێت هیچ کامێکیان نەخۆشی دەماریان نیە، ئەم تاقیکردنەوەیە ماوەی شەش ڕۆژی خایاند .

خوێندکارەکان کران بە دوو گروپەوە، گروپێکیانی کرا بە پاسەوانی زیندان و گروپەکەی تریشی بە زیندانی .

لە ماوەی ئەو شەش ڕۆژەدا چاودێری هەردوو گروپەکە کرا.

لەئەنجامی تاقیکرنەوەکە زیمباردۆ بۆی دەرکەوت ئەو خوێندکارانەی وەک پاسەوانی زیندان داندرابوون ئیستغلالی دەسەڵاتەکەیان دەکرد , وە زۆر بە خراپی مامەڵەیان لەگەڵ هاوڕێکانیان دەکرد .

لەئەنجامی ئەم تاقیکردنەوەیە بەودەرەنجامە گەیشتن" هەموو مرۆڤێکی باش ئەگەر دەسەڵاتی بدرێتێ چاودێری لەسەر نەبێت رەنگە ببێتە کەسێکی بەدو شەڕانگێز " .

ئەم تاقکردنەوەیە پێمان دەڵێ مرۆڤ ناتوانێ خۆی ڕەوشت و هەڵسوکەوتەکانی ئاراستە بکات , بەڵکو ئەو بارودۆخەی کەسەکەی تێدا دەژێت بەسەریدا دەسەپێنێ .

ئەم تاقیکردنەوەیەی زیمباردۆ بۆ دەرووناسەکانی تریش زۆر گرنگ و سەرنج ڕاکێش بوو، چونکە تاقیکردنەوەکە سەلماندی ئەوە بارودۆخە خێرو شەڕ دروست دەکات نەوەکو بە پێچەوانەوە .

دەرنجامی ئەم تاقی کرنەوەیە، سەلماندی سنووری نێوان خێرو شەڕ زۆر بچووکە، هەموو کەسێکی مرۆڤ دۆست زۆر نزیکە بە هۆی باردۆخێکی زۆر بچووکەوە ببێتە جەلادێکی خوێنڕێژ .

زیمباردۆ پێی وایە ئەو کەسەی دەچێتە نێو جیهانی شەڕانگێزی و بەدکارییەوە بە چەند قۆناغێک دا تێدەپەڕێ .  . .

1- هەناوی یەکەم بە تاوانی زۆر سادەوە دەست پێ دەکات , وەک خۆدزینەوە لە پارەدان لە نێو پاس و میترۆدا , یاخود قۆپیە کردن لە کاتی تاقیکردنەوە .

2- لە هەنگاوی دووەم کەسەکە هەوڵ ئەدان ڕووپۆشێکی دەستکرد بۆ خۆی دروست دەکا , واتە دەیەوێ ناخی ڕاستەقینەی خۆی لە دەوروبەرەکەی بشارێتەوە بۆ ئەوەی خەڵکی بە حەزە خراپەکانی نەزانن .

3- لە هەنگاوی سێیەم هەوڵ ئەدات خۆی لەبەرپرسیاریەتی بدزێتەوە .

4- ئەم کەسانەی دەبنە شەڕانگێز هەمیشە گوێڕایەڵیەکی کوێرانەیان هەیە بۆ کەسانی سەروی خۆیان .

5- شوێن کەوتنی کوێرانەی دابونەیتە باوەکان .

6- ئەو کەسانەی دەبنە خراپەکار زۆربەی کات کەسانی کەمتەرخەم و بێ موبالاتن .

7- جەلاد و شەڕانگێزەکان هەمیشە گرێی دەروونی وەک ڕق و کینەو حەزی تۆڵەکردنەوە و چەپاندنیان هەیە .

زیمباردۆ لە کتێبی " کاریگەری شەیتان " دەڵێ " دەکرێ باردۆخە سەختەکان فریشتە بکاتە شەیتان و شەیتانیش بکاتە فریشتە "

ئەو مرۆڤانەی لافی پاکیەتی و باشی و مرۆڤ دۆستی ئەدەن ئەگەر بارودۆخیان بگۆڕی یاخود ژینگەکەیان بگۆڕی لەوانەیە ببنە ڕاوێژکاری شەیتان .

بە گوێرەی بیردۆزەکانی فیلیپ زیمباردۆ هیچ مرۆڤێکی پڕاوپڕ باش و پڕاوپڕ خراپ بوونی نیە , مرۆڤەکان تێکەڵەیەکن لە هەردووکیان .  " .