کوردستان - هۆڵەندا +9647707681313 +31619651691 kurdistannet@hotmail.com
Menu
{loadmoduleid ? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string: ? ? ? ? ? ? ? ? ? ? ? ? ? ? ? ? ? ? ? ? ? ?}

یاسای قەدەغەکردنی ئاسایکردنەوەی پەیوەندیەکان لەگەڵ ئیسرائیل دژی ھەموو بنەماکانی مافی مرۆڤ و ئاشتی و پێکەوەژیانە. .. مەریوان نەقشبەندی*

Pin It
 
 
بڕگە و مادەکانی یاسای قەدەغەکردنی ئاسایکردنەوەی پەیوەندیەکان لەگەڵ ئیسرائیل کەئەنجومەنی نوێنەرانی عیراق رۆژی ١١/٥/٢٠٢٢خوێندنەوەی یەکەمی بۆ کرد و بڕیارە لەرۆژانی داھاتو دەنگی لەسەر بدات،جگە لەوەی یاسایەکی بەئیمتیاز ئێرانیە،دژی ھەموو بنەماکانی ئاشتی و پێکەوەژیان و ئازادی رۆژنامەوانی و ئازادی بیروڕایە و لەیاسای پەسەندکردنی حەشدی شەعبی وەک ھێزێکی چەکداری رەسمی عیراق مەترسیدارترە و تەنانەت پێچەوانەی دەستوری عیراقیشە چونکە بڕگەکانی ئەم یاسایە تەنھا قەدەغەی پەیوەندی دبلۆماسی و سیاسی و ئابوری و سەربازی لەگەڵ ئیسرائیل نیە بەڵکو قەدەغەی ھەموو جۆرەکانی پەیوەندیە کۆمەڵایەتی و ئاینی و کلتوریەکانیش دەگرێتەوە و ئەو تایبەتمەندیە لەبەرچاو نەگیراوە کە نزیکەی دوو ملیۆن عەرەب و نیو ملیۆن کورد و سەدان ھەزار مەسیحی لەئیسرائیل دەژین و سەردانی مزگەوتی ئەقسا لای موسڵمانەکان و بیت لحم بۆ مەسیحیەکان وەک حەجکردن وایە و گەورەترین رەوەندی عیراقی بەکورد و عەرەب و مەسیحیەوە لەئیسرائیل دەژین،بۆیە دەبو یاسای قەدەغەکردنی پەیوەندی سیاسی و سەربازی و ئابوری لەگەڵ ڕژێمی ئێستای ئێران لەپێش ھەر یاسایەکی تری ئەم خولەی ئەنجومەنی نوێنەرانی عیراقەوە بوایە چونکە ھێشتا تەپوتۆزی موشەکە بالیستیەکانی سوپای پاسدارانی ئێران و گروپەکانی سەر بەئێران لەعیراقدا نەنیشتۆتەوە و خوێنی نزیکەی ٦٠٠ گەنجی عیراقی شۆڕشی تشرین لەناوەڕاست و باشووری عیراق کەبەدەست گروپە وەلائیەکانی سەر بەئێران شەھید کران وشک نەبۆتەوە و ڕژێمی ئێران دەیەوێ تەواوی عیراق بکاتە حەوشەی پشتەوەی خۆی،بۆیە داواکارم ئەندامانی ئەنجومەنی نوێنەران و ھێزە ئازادیخواز و ئاشتیخوازە رەسەنەکانی عیراق نەکەونە ژێرباری ئەم پرۆژە ئێرانیە مەترسیدارە
*نوسەر و چالاکی بواری ئاشتی و پێکەوەژیان
١٢/٥/٢٠٢٢
تێبینی:ئەم بابەتە بۆچونی شەخسی خۆمە وەک ھاوڵاتیەکی عیراقی و ھیچ پەیوەندی بەحکومەت و دامەزراوەیەکی رەسمی نیە

We have 116 guests and no members online