کوردستان - هۆڵەندا +9647707681313 +31619651691 kurdistannet@hotmail.com
Menu
{loadmoduleid ? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string: ? ? ? ? ? ? ? ? ? ? ? ? ? ? ? ? ? ? ? ? ? ?}

کورتە وەڵامێک وەک برووسکە بۆ : ھاوخوێن و ھاوچارەنووسەکانم لە ھەڵەبجە و ھەر شوێنێکی تر بن. . . هەڵۆ بەرزنجی

Pin It

 

گوایە ئەم کەسەی لەم وێنەیەدا دیارە، قسەکەشی خراوەتە ڕوو، ئەوە بیرکردنەوەیەتی. . . ((((وەک کەسوکاری قوربانی ھەڵەبجە: گەردنی سەدام ئازاد دەکات))))?!?!?!?!?!

دەزگایەکی میدیایش وەک ھەنگوینی لە کلۆرە داردا دۆزیبێتەوە لەخۆشیدا نازانێ چ رۆنی بدات لە قەلبی!.  .

کۆمەڵێ نەزان و ساویلکە و بێژووش دەھۆڵی بۆ دەکوتن و سەرچۆپی مەرگی کوردیان بەستووە. . .

بەڕاستی کارەساتە! تکاندنی ئابڕوو و شوورەییە! ئەمە سواڵی پارەیە،

جا ئەگەر ئەوە بەغدا چنگێ پوولی دایتێ! ئایا تۆ خوێنی خوشک و برا و کوڕو کچ و مێرد و ژنتان بە پارە دەفرۆشن؟؟!!

نا نا ئێوە جگە لەوەی دروست تۆ قوربانی ھەڵەبجە و ئەنفال و کوردایەتیت!، ھەر لە ڕقی دەسەڵاتی کوردی، دەتەوێ لە بکوژ و ستەمکار و خوێنمژەکەم خۆش بیت و گەردنی ئازاد بکەیت!!. . بەڕاستی من ھێشتا کەسم نەدیوە، وەک ئێوە لەداخی منداڵی دراوسێ، ورگی منداڵی خۆی بدڕێ. .

بەگشتی حاڵەتەکە لەنێوان دوو بڕگەدایە:

ئەگەر توڕەیت، ھەقی خۆتە!، بەس خۆ نابێ منداڵەت بکەیتەوە بە قوربانیەکی نوێ! بەڵکو بەئامۆژگاری و پشوودرێژی ھەوڵی لەگەڵ دا دەدەیت، بێتە سەر ڕێی ڕاست. .

یاخود . . راسپێردراوی و قورمیشکراوی بۆ ئامانجێک بەکارت دێنن! یاخود حەزت بەوەیە ڕۆڵ و تەمسیل بگێڕی. . .

ھاوچارەنووسەکەم : ئێوە باش دەزانن گەر ئێوەش لە داگیرکەر و زاڵم و بکوژ و دوژمنانتان خۆش بن ! ئەوا میللەت و مێژوو لێیان خۆش نابن! خودی شەھید و قوربانییەکانی دراوسێتان، گوندەکەت و شارەکەت، کەسوکارت لێیان خۆش نابن. . .

تۆ دەزانی جگە لە پەڵەیەکی شەرمەزاری ھیچی ترت لەم ھەڵوێستە بۆ نەماوەتەوە. . .

ئاخر ھیچ (جولەکەیەک) لە (ھیتلەر )خۆش نەبووە. . .

ھیچ (ئەرمەنییەک) لە (سوڵتان عەبدولحەمید و ئەتاتورک) خۆش نەبووە!

ھیچ (عەرەبێک) لە (موشەدایان و شارۆن) خۆش نەبووە!

ھیچ (ڕۆژھەڵاتییەک) لە (خومەینی و خاڵخاڵی) خۆش نەبووە!

ھیچ (رۆژئاواییەک) لە (ئەسەد و رێوی) باوک و کوڕ خۆش نەبووە. . . ؟؟؟!!!!

یاخود ئەم ڕۆڵە خراپ و ریسواییەتان پێ دەگێڕن ھیچی تر نین. . .

بنەماڵەی شەھیدانی سەربەرزی کوردایەتی سەرگەرمی درێژەدانن بە خەبات و سەنگەریان چۆڵ نەکردووە، داوای ھەقی رەوای نەتەوەکەیان دەکەن. . .

ئێوە بۆ ئامانجێکی گڵاو بەکار دەھێنرێن! ئێوە خۆتان کردۆتە قەرەقۆزی گەمەیەکی تا سەر ئێسک ناشیرین و نزم و گوماناوی !.  .

من ئێستا دەزانم بەدەست ئازاری ویژدانتەوە( گەر ھەتبێت)!! چۆن تلاوتل دەکەن. .

ئێستا دەزانی چ کڵاوێکت لەسەر نراوە؟!.  .

ئێستا دەزانی سەرت بەسەقەتی تاشتراوە و ئاوێنەشت دراوەتە دەست؟!.  .

ئێستا دەزانی رووی ناو کۆمەڵت نییە!

ھەڵەبجەییەکان، ئەنفالکراوەکان قێزت لێ دەکەنەوە!!!

ئاخر شەڕی دەسەڵاتێکی گەندەڵ و دز بەو جۆرە نییە؟!. . تۆش ئامانجت دادپەروەری و خۆشگوزەرانی کۆمەڵگەکەت نییە؟!. . بەڵکو چنگێ پولی ڕەزالەتی و سووک و سەلیمی و ھەوڵ دەدەیت بۆ بەدیھێنانی ئامانجی پیس و دۆڕاوی سەر شانۆی سیاسی!.  .  .

گومانم ھەست تۆ و ئێوە ھەڵەبجەیی و ئەنفالکراو بن!

نا، نا ھەڵەبجەییەکان :سەرکەش و قارەمانی کوردایەتین. . . کوردبوون ھێندە ئاسان نییە، ئێوە بیکەنە بەردەبازی دەروونی نەخۆش و مەرامی چڵکنی خۆتان و کەسیش لە داگیرکەر و دوژمن و بکوژی و کاولکەری نیشتمانی خۆی نابورێ. . .

سەدام و عەلی کیمیاوی دروشمەکانی عروبە، وان لەناو زێرابی شەقام و کۆڵان و دەشت و دۆڵی ھەڵەبجەی مەرگ بەزێن و گەرمیانی سەربەرزی کوردایەتی دا. . .

ملیۆنەھا سڵاو بۆ گیانی شەھیدانی ھەڵەبجە و ئەنفال و بزاڤی ڕزگاریخوازی کورد. . .

ڕووڕەشی بۆ خاکفرۆش و خۆفرۆش و تابووری پێنجەم لە کوردستان دا. . . ؟

 

We have 114 guests and no members online