کوردستان - هۆڵەندا +9647707681313 +31619651691 kurdistannet@hotmail.com
Menu
{loadmoduleid ? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string: ? ? ? ? ? ? ? ? ? ? ? ? ? ? ? ? ? ? ? ? ? ?}

خۆڵبارین لە خۆرھەڵاتی ناوەڕاست ... بورھان شیخ رەئوف

Pin It

گەردەلوول و گێژەڵووڵکەو خۆڵبارین ھەموو ناوچەی خۆرھەڵاتی ناوەڕاستی گرتۆتەوە ھەر لە عێراق و ئێران و سوریاوە تا  عەرەبستانی سعوودیە ،بەجۆرێک ھەزاران کەس ڕوویان کردە نەخۆشخانەکان ، ھەموو گەشتە ئاسمانیەکان لە فرۆکەخانەکانەوە وەستێنران ،ئەم خۆڵبارینە بووە مایەی سەرسووڕمانی دانیشتووان ، شارەزایان و کاربەدەستان گەیشتوونەتە ئەو بڕوایەی کەئەمە ئاکامی گۆڕانکارییەکانی کەشوھەواو خراپ ھەڵسوکەوتی حکومەتەکانە لە گەڵیدا .
ئێستا ڕەنگی پرتەقاڵی لە شارە گەورەکانی تاران و بەغداو ریاز و شام نیشانەی ھاتنی شەپۆلێکی تازەی خۆڵبارینە ، جاران لە کۆتایی وەرزی بەھارو سەرەتای ھاویندا ئەم گێژەڵووڵکانە دەھاتن بەڵام ئێستا بە تایبەتی لە مانگی ئازاری ٢٠٢٢ ەوە ھەفتانە دووبارە دەبێتەوە .
لە عێراق حکومەت  مۆڵەتی گشتی ڕاگەیاند و ھاوڵاتیان و کارمەندانی خۆی ئاگادار کردەوە کە لە ماڵەکانیاندا بمێننەوە ، خۆیان ئامادە بکەن بۆ گێژەڵووڵکەی دەیەم کەلە دوومانگی ڕابردوودا بەرەو ڕووی وڵاتەکەیان بووەتەوە ، تەنانەت وتەبێژی وەزارەتی تەندروستی ڕایگەیاند تا ئێستا زیاتر لە ھەزار کەس تووشی تەنگەنەفەسی بوون  و چارەسەری پێویستیان بۆ کراوە.
لە کوەیەتیش فڕۆکەخانە نێودەوڵەتی بۆجاری دووەم ھەموو گەشتەکانی خۆی وەستاند بە ھۆی خراپی کەشوھەواو خۆڵبارینەوە ، تەنانەت کوەیتیەکان  وێنەی ڤیدیوییان بڵاوکردبووەو کە ھەموو شەقامەکان چۆڵ بوون لە ھاوڵاتیان بەھۆی کەمبوونەوەی مەودای بینین  .
دەستەی پێشبینی کەشناسی سعودیە رایگەیاندبوو کە مەودای بینین کەم دەبێتەوە تا ئاستی سفر لە سەر رێگاکانی ریازی پایتەخت لەم ھەفتەیەدا ، بۆیە شۆفێرەکانیان ئاگادارکردەوە لە پابەند بوون بە ڕادەی خێرایی ،لە لایەکی ترەوە زیاتر لە ١٢٨٥ کەس سەردانی نەخۆشخانەکانیان کردبوو بە ھۆی تەنگەنەفەسی و بوونی کێشە لە ھەناسەداندا .
شارەزایان و پسپۆران ھۆکاری ئەم خۆڵبارینە دەگەڕێننەوە بۆ گۆڕانکارییەکانی کەشوھەواو وشکە ساڵی و بەرزبوونەوەی پلەکانی گەرما ،لە لایەکی ترەوە عێراق یەکێکە لەو پێنج  وڵاتەی لەسەر ئاستی جیھان  کە زۆرترین کاریگەری گۆڕانکارییەکانی  کەشوھەواو و بەبیانبوونیان  لە سەرە ،بە ھۆی بێ بارانی و بەرزبوونەوەی پلەکانی گەرما کە لە ڕۆژەکانی وەرزی ھاویندا دەگاتە سەروی پەنجا پلەی سەدی .
ئێرانیش ھەفتە پێشوو قوتابخانەو فەرمانگە حکومیەکانی تارانی پایتەختی داخست  بە ھۆی گەردەلوولی خۆڵەوە کە وڵاتەکەی گرتەوە ، دەیان گەشتی فڕۆکەوانی ھەڵوەشێنرایەوە ،زیاتر لە ھەشت سەد کەس سەردانی نەخۆشخانەکانیان کرد بە ھۆی کێشە لە ھەناسەداندا ، ناوچەی خوزستانی بیاباناوی لە خۆرئاوای ئێران گەورەترین زیانی بەرکەوت .
لە سوریاش نەخۆشخانەکان خرانە دۆخی ئامادەباشیەوە بۆ پێشوازی ھەموو ئەوانەی کێشەیان لە کۆئەندامی ھەناسەدا ھەیە بە تایبەتی ڕەبو ، دوای ئەوەی پارێزگای دیرزۆری نزیک سنووری عێراق خۆڵبارین گرتیەوە .
لە کۆتاییدا بە ھۆی خراپ بەڕێوەبردنی سەرچاوەکانی ئاو و ژینگە عێراق  زەرەرمەندترین وڵاتانی ناوچەی خۆرھەڵاتی ناوەڕاستە ، ئێستاش تاکە ڕێگە چارە بۆ خۆپارێزی لە خۆڵبارین ، ڕووپۆشکردنی زەوی بە ڕووەک و سەوزایی بە شێوەیەکی  فراوان و چڕ بۆ کەمکردنەوەی تەوژمی با و بەرگرتن لە گەردەلوولی خۆڵین .

 

 

 

We have 77 guests and no members online