کوردستان - هۆڵەندا +9647707681313 +31619651691 kurdistannet@hotmail.com
Menu
{loadmoduleid ? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string:? string: ? ? ? ? ? ? ? ? ? ? ? ? ? ? ? ? ? ? ? ? ? ?}

مێژووی ئاڵای کوردستان دەگەڕێتەوە بۆ پێش کۆماری کوردستان .. بەکر شوانی

Pin It
 
 
تەماشاکردنی هەر لاپەڕەیەکی ڕۆژنامەکانی تورکیا لە سەردەمی دامەزراندنی کۆمارەوە تا ئەمڕۆ، وەک لێکردنەوەی قەتماغەی برینێکی جەستەی کورد وایە و ئازارێکی زۆری هەیە، بەڵام هەمان کات ئەو ڕۆژنامانە، بێ ویستی خۆیان، زۆر ڕاستی و بابەتی گرنگیان بۆ مێژوو تۆمار کردووە.
بۆ نموونە، ڕۆژنامەی "ڤاکیت" لە ژمارەی ڕۆژی ١٧ی ٨ی ١٩٣٠دا هەواڵێکی دەربارەی ئۆپەراسیۆنی هاوبەشی سوپای تورکیا و ئێران دژ بە شۆڕشگێڕانی ئاگری بڵاو کردووەتەوە. ئەو ڕۆژنامەیە لەگەڵ هەواڵەکەدا وێنەی ئاڵایەکیشی داناوە و لەژێریدا نووسراوە (ئاڵای کۆماری خۆییبوون). لەسەر ئاڵاکەیش وشەی (خۆیبوون) دەبیندرێت.
وەک دەبیندرێت، ئاڵاکە هەمان ئەو ئاڵایەیە کە ئەمڕۆ بە ئاڵای کوردستان ناسراوە. کەواتە مێژووی ئاڵای کوردستان بەلایەنی کەمەوە دەگەڕێتەوە بۆ ١٦ ساڵ بەر لە ڕاگەیاندنی کۆماری کوردستان و ئاڵای بزووتنەوەیەک بووە کە ٩٢ ساڵ لەمەوبەر شۆڕشی گەورەی ئاگریی بەرپا کردووە و هەزاران قوربانی لە ڕێگەی ڕزگاری و سەربەخۆییدا بەخشیوە.
من بەش حاڵی خۆم، وەک ڕێز و وەفاداری بۆ هەموو شەهیدانی شۆڕشی ئاگری و دۆڵی زیلان، هەمیشە ڕێزم لەم ئاڵایە گرتووە و دەگرم.
ئەوانەیش کە لەم سەردەمەدا سووکایەتی پێ دەکەن و بە ئاڵای دەسەڵاتی هاوچەرخی کوردی دادەنێن، مێژوو و لۆژیک وا دەخوازێت بە بۆچوونی خۆیاندا بچنەوە و تەنانەت لە هەر خۆپێشاندانێکدا بە ئەندازەی ژمارەی بەشدرابووان، ئەم ئاڵایە بەرز بکەنەوە.
سەرچاوە: ئەرشیڤی ڕۆژنامەی ڤاکیت. لینک لە کۆمێنتە.

We have 47 guests and no members online