به‌رپرسانی په‌نتاگۆن به ڕۆژنامه‌ی واشنتۆن پۆستیان ڕاگه‌یاندووه، ئه‌گه‌ری زۆره که ئه‌مریکا بڕیار بدات به ناردنی هێزی تایبه‌تی ئه‌مریکا بۆ سووریا و یه‌کلاییکردنه‌وه‌ی شه‌ڕی دژ به داعش.
به‌رپرسانی پەنتاگۆن ڕایانگه‌یاندووه له کۆتایی ئه‌م مانگه‌دا ڕاسپارده و پێشنیاره‌کانی په‌نتاگۆن له‌سه‌ر شه‌ڕ له سووریا دژ به داعش به دۆناڵد ترامپ سەرۆکی ئەمریکا ده‌گات و دوا بڕیاریش هه‌ر ده‌مێنێته‌وه سه‌ر ئیمزاکردنی ئه‌و له‌سه‌ر هه‌ر پێشنیارێکی له‌و شێوه‌یه، چونکه سه‌رۆک ترامپ مه‌به‌ستیه‌تی شه‌ڕی دژ به‌داعش خێرایی پێ بدرێت و زوو یه‌کلایی بکرێته‌وه بۆیه ئه‌گه‌ری ناردنی هێز له ئارادایە.هه‌روه‌ها، وتووشیانه که جه‌نه‌راڵ جێمس ماتیس وه‌زیری به‌رگریش به هه‌مان شێوه له‌گه‌ڵ شه‌ڕێکی یه‌کلاکه‌ره‌وه‌یه دژی داعش.