ده‌تۆ وه‌ره براكه‌ی من‌

  ده‌ست درێژكه‌ین بۆ یه‌كتری

  كه‌من و تۆ جه‌سته‌یه‌كین

  با له‌یه‌كتر جـــیا نه‌كرێین

  دوور له‌ یه‌ك و بـڕبـڕ نه‌كرێین

  وا من و تۆ یه‌ك قۆناغین

  یه‌ك ئاسمان و یه‌ك به‌هارین

  هه‌واری من‌ هه‌رهی تۆیه‌

  هی تۆش هیمن و یه‌ك هێمایه‌

  قوربانی من هه‌ر هی تویه‌و

  هی تۆش هه‌روا له‌ ڕێم دایه‌

  ئامانجی من هیوای تۆیه‌‌

  ئاواتی تۆش رێگه‌ی منه‌‌

  خاكمان یه‌كه و لێك جیانین

  گشتمان به‌ره‌و‌ شوێنێك ده‌ڕۆین

  به‌ره‌و ڕۆژی ڕوونمان ده‌ڕۆین

  هه‌ردو ئه‌شقی كه‌نارێكین

  كه‌ سه‌رتاپای فرده‌وسێكه‌

  هه‌رچی زامی كۆن و نوێیه‌

  له‌و به‌هه‌شته هه‌توان ده‌بێ

  جا من و تۆ كه‌ په‌یڤێكین

  و‌ه‌ك دوو چاوی مرۆڤێكن

  لێك جیانین و وه‌كو یه‌كین

  ده‌سا وه‌ره با ئامێزی

  خۆشه‌ویستی له‌ یه‌ك بگرین

  با نه‌یاران نه‌بنه دڕكی به‌كرۆكه‌یی

  له‌ یه‌كترمان جیا نه‌كه‌ن

  با دڕدڕ و له‌تمان نه‌كه‌ن

  تۆ بۆ من به‌و منیش بۆ تۆ

  با ڕزگاری وسه‌ر‌به‌خۆیی

  وه‌ده‌ست بێـنیـن

  بۆ هه‌میشه‌ ده‌ست له‌ ده‌ست و

  هه‌ستی پاك بین

شادی  ‌بێـنیـن

به‌رلین : به‌یادی ئازاره‌كانی دووبه‌ره‌كێ پێشكه‌شه‌ به‌ هه‌موو كوردێكی دلسۆز