ژهوزانه‌كا ... تریفه دۆسكی
ژهوزانه‌كا ته‌ڕ و بنه‌فشی بۆته
ببوره
ئێكه‌م
جاره. . ناما دنڤێسم بۆ كوڕه‌كی
په‌یڤ ژلێڤێن من دره‌ڤن وه‌ك چویچكێن برسی. .
سلاڤ بۆ ساكۆیی ته یی بارانی
بۆ گوڤارا دناڤ ده‌ستێت ته‌دا. .
ئۆه
چه‌ند خه‌ریبیا بێهنا جگارێن ته‌دكه‌م
دگه‌ل بای هه‌لكێشم و مه‌ست ببم
نزانم بۆچی به‌ر پێنووسی من ناچی
دنڤیسم زارۆك دبیته
هۆشه‌نگ
دنڤیسم په‌رتوك دبیته
هۆشه‌نگ
كه‌فتیمه دچه‌رخا ده‌می ته‌دا
ببوره من
دڤێت ژڤی باروڤی ماچا بره‌ڤم
و لزڤرۆكا ته‌یا ده‌می بێمه ده‌ر
ببمه گوله‌كا
بوهاری و ل به‌هه‌شتی یاریا بكه‌م دگه‌ل وه‌رزا
بنڤم
پایزی ژكراسی پیراتیی
رابكێشم
دژی زڤستانی رابوه‌ستم
تو یی سه‌یری؟
وه‌ك چبكا ئاڤی ژ بن
مه‌مله‌كه‌تا من ده‌ردكه‌ڤی
و ئه‌ز تێهنییا بارانه‌كا هوزانێن ته مه تاكو
هوزان
په‌یڤی بكوژیت
و ماچ لێڤی بسوژیت. .
و لدوماهیی چه‌وا ناما من بگه‌هته
ته…؟
