سـه‌فــه‌ر برینی خستۆته سه‌ر ڕازیبوونم
….
شیعری:
حه‌مه‌شوان شه‌ریف
Hamashwan1@hotmail. com
19
07 05
سوید- کونگێلف
سه‌فه‌ر
ئه‌ی برینه‌کانی خوێن لێڕۆیشتوم
که‌ئه‌تزانی من
له
هه‌رزه‌یمدا قه‌ده‌ر به دڵمه‌وه نیشتۆته‌وه و
ته‌وێڵم بۆ هه‌میشه چرایه‌کی لێ دانه‌گیرساوه
چاوم
به‌س مه‌راقی ئه‌بینی و
به خه‌مناکترین شێوه لوول ده‌بوم
تا
ده‌نوستم!
ئاخر بۆ؟:
بۆ ئاوێکی ساردت له‌دوامه‌وه ڕۆنه‌کرد
بۆ هه‌نجیرێکت نه خسته ده‌می تاڵمه‌وه
بۆ ئێوارانت بۆ کردمه ناو بوخچه‌یه‌ک
ئاگره‌وه!،؟.
سه‌فه‌ر
ته‌نیا
تاکه‌که‌سێک هه‌بێت له‌مردن هه‌ڵهاتبێت منم
به‌ڵێ ئـــا
گومانم لاشیرینه و
ژیان
شیرین تره بۆ به‌راورد!،
من له‌مێژه‌یاخی بووم و
له
به‌ر خۆمه‌وه گۆرانی بۆ به‌رد ده‌ڵێم
شه‌ڵاڵی تافگه‌یه‌کی ئه‌وینی وڵات تینووه بۆ بینینم
کچێک به به جێهێڵانم
چه‌که‌ره‌یی کرد و
لــه‌تاو دووریم
گوڵ
له‌سه‌ر که‌مه‌ری ڕووا
که‌چی
دڵم
ئاوڕێکی
لێنه‌دایه‌وه!،
له خۆم نابوورم
په‌پوله ئاسا
من
ده‌بێ وه‌رزێک بژیم
تا ماسیه‌کانی ئه‌و ده‌ڤه‌ره پێکه‌نین له‌لێویانه‌وه
نه‌یبه‌ستێ!.
من. . . منی له‌ت
*
ڕووبارێ ناسکیم لێده‌ڕژێ و
به‌دیار نیگایه‌که‌وه شکاوم!؟.
سه‌فه‌ر پرواندومی و دڵم هه‌ر ده‌یه‌وێ لێبدات!،
تۆ باوه پیاره‌م سه‌فه‌ر
خاڵیت
کردمه‌وه له پێکه‌نین
له‌ڕوانینی جوانی سروشتدا چاره‌که‌سه‌ده‌یه‌ک دواتخستم
له کانی ولێوی ئافره‌تدا
نه‌تهێڵا
ماجێسته‌ره‌که‌م درێژه‌پێبه‌م و
سیمای ڕۆزیایی کچم* سیمبوڵێکی گه‌یومبێ بۆ ئاکام!
سه‌فه‌ر
له‌کوێوه
ڕۆشیتم. . له‌دوامه‌وه مه‌یه!
من به‌رپێم ئاگره
له‌هه‌ر شوێنێ بمه‌وێ له‌شی بێئومێدم ڕاده‌خه‌م و
تۆزقاڵێک ئه‌ستێره‌یه‌ک له‌جێگه‌ی خۆی ناجوڵێنم
له خۆرێک ناپاڕێمه‌وه گه‌رمی بدات به‌له‌شی به‌ستووم
له دوای منداڵه برسیه‌کانه‌وه ڕێده‌که‌م و
سرووده‌کانی نان ده‌جووین و تف بۆ سوڵتان ڕۆده‌که‌ین
ئافه‌رم میله‌ت
له‌دروێنه‌ی گه‌نمه‌کان و گه‌ڵاشکێنی سپێده‌تان
خۆشبوون!
له‌و
شۆڕشه داگیرساوه دا
چ؟
شتێکی به‌هاتان بۆ هێناوین
له‌و کوانه‌دا
له
خۆڵه‌مێش زیاتر!؟.
به خوێنی ڕژاوی شه‌هیده‌کان
ئاڵایه‌کتان
به‌رزکرده‌وه که بڕبوو له جوامێری و
میهره‌بانی
ئه‌فسوس به شه‌رمه‌وه له دڵی ئاسماندا هه‌ڵیده‌که‌ن!،
ئافه‌رم گه‌ل
کوا زانیوتانه چ دوژمنێک سێبه‌رتانه!
کوا ئه‌وه‌نیه نا تانبینم
لافاوی ده‌نگتان بڕژێته سه‌ر شۆسته‌کان
کوا؟ نا تانبینم
گڕتان نابێ به‌کلکی ئه‌و پیاوه‌ی واینیازه
بێبه‌سوڵتانی ئه‌نفال. . . . .
سه‌فه‌ر
به
ڕقه‌وه تێم مه‌ڕوانه و
تۆپه‌ڵه به‌فری ئه‌م بیرکردنه‌وانه‌م مه‌توێنه‌ره‌وه
من
ئومێد
له دڵمه‌وه ده‌ڕژێ بۆ ئه‌وێ!
ئازار له‌سه‌ر ده‌ستم ده‌نوێ و
تۆش ئه‌ی سه‌فه‌ر
هێور هێور خوێنم بکه‌ره ناو ئه‌و شووشه‌یه‌یی
به گه‌وره‌یی لێ ینوسراوه
مه‌راق
م ه ر ا ق. . . . . . . . . . . . . . . . . . . .
. . . . . . . . . .
