|
رونكردنه‌وه‌یه‌ك بۆ كوردستان پۆست ... له مه‌ریوان نه‌قشبه‌ندیه‌وه
Mariwan_na@yahoo. com
نوسینێك
به‌ناوی منه‌وه له‌سایته‌كه‌تان بڵاوكراوه‌ته‌وه باس له 31 ی ئاب
ده‌كات، ئێوه‌ش (به‌سوپاسه‌وه) به‌بی سانسۆر بڵاوتان كردۆته‌وه و نازانم
ئاخۆ له ناونیشان و
ئیمێله‌كه‌م دڵنیابوون یان نا؟!چونكه من پێشتر به‌و ئیمێله كه ئێستا بۆ
جه‌نابتانم
ناردوه چه‌ند بابه‌تێكم بۆ ره‌وانه كردوون و ئێستاش هه‌مان ئیمێلم
هه‌یه، هیوادارم
ئه‌مه په‌یوه‌ندی به‌سایته‌كه‌ی ئێوه‌وه نه‌بێت و به‌شێوه‌یه‌كی
(ئه‌نقه‌ست) ئه‌و بابه‌ته‌تان
به‌ناوی منه‌وه بڵاو نه‌كردبێته‌وه، له‌گه‌ڵ ئه‌وه‌شدا من پێم وایه
پێویست ناكات
به‌دواداچوون له‌سه‌ر ئه‌و بابه‌ته بنووسم كه‌به‌ناوی منه‌وه و
(به‌وێنه‌یه‌كیشه‌وه) بڵاوتان
كردۆته‌وه، چونكه خه‌ڵكی كوردستان و زۆربه‌ی خوێنه‌رانی نوسینه‌كانی من
باش ده‌زانن كه
ئه‌وه‌ی بڵاوكراوه‌ته‌وه شێوازی نووسینی من نیه‌و چه‌ند به‌ڕێزێكیش
به‌ئیمێل
په‌یوه‌ندیان پێوه‌كردووم و سه‌رسورمانی خۆیان له‌و نوسینه‌ی كه‌به‌ناوی
منه‌وه بڵاو
كراوه‌ته‌وه، ده‌ربڕیوه. داواكارم له‌مه‌ودوا پێش بڵاوكردنه‌وه‌ی
بابه‌ته‌كان له ناونیشان و
ئیمێلی نوسه‌ران دڵنیابن، راستیه‌كی دیكه‌ش هه‌یه ده‌مه‌وی دوپاتی
بكه‌مه‌وه ئه‌ویش
مه‌سه‌له‌ی شه‌ری ناوخۆیه كه‌من هه‌موو خوێنه‌رانی نووسینه‌كانم دڵنیا
ده‌كه‌مه‌وه من
یه‌ك
بابه‌تم
له‌سه‌ر شه‌ری ناوخۆ بڵاونه‌كردۆته‌وه و بڵاویش ناكه‌مه‌وه كاری منیش زۆر
له‌وه گه‌وره‌تره كه‌به موهاته‌رات و ناوزڕاندن و شه‌ره‌جوێن خۆم خه‌ریك
بكه‌م، كورد ئێستا
پێویستی به‌قه‌ڵه‌مێكی خه‌مخۆر و نه‌ته‌وه‌یی هه‌یه كه‌چاره‌سه‌ری
مه‌سه‌له چاره‌نووسسازه‌كان
بكات و گه‌نده‌ڵیه‌كانی ناو دام و ده‌زگاكانی كوردستان بخاته پێشچاو و
هه‌وڵی
چاره‌سه‌ریان بۆ بدۆزێته‌وه، هه‌رگیز ئسلوبی من ئه‌وه‌نده نزم نیه خۆم
به (روَشنبیر و
روناكبیر وشتی له‌م بابه‌ته) وه‌سف بكه‌م، هیوادارم ئه‌م جۆره هه‌ڵانه
له‌ڕێگای
سایته‌كه‌تانه‌وه دووباره نه‌بێته‌وه چونكه میسداقیه‌تی هه‌ر سایتێكی
ئه‌لكترۆنی له‌سه‌نگ و
قورسایی نوسینه‌كاندایه و هه‌ركاتێك ئه‌م قورساییه نه‌ما سایته‌كه‌ش
خوێنه‌ری نامێنێت
ئه‌وكاته‌ش هه‌رچی بڵاوده‌كرێته‌وه به هه‌ڵبه‌ستراو ده‌بینرێت.
| 
