من وشه‌هیدیك ... هیوا كه‌ركوكی

 

من و شه‌هیدێك هه‌ردوكمان مردووین

هه‌ردوك بێ رۆح و بێ هه‌ناسه‌ین

ئه‌و له‌ ژێر گڵدا من له‌ سه‌ر زه‌وی

ئه‌و دێلی ده‌ستی خوداوه‌نده‌

من دیلی ده‌ستی مروڤه‌كان

ئه‌و هیچێ نه‌برد له‌ گه‌ڵ خۆیدا

منیش هێچم نیه‌ له‌ زه‌ویدا

ئه‌و بێ ده‌نگه‌

منیش بێ ده‌نگ كرام

ئه‌و هاواریش بكات كه‌س گۆی لێ نیه‌

من هاوارم به‌ند كراوه‌

من له‌گه‌ل ئه‌ودا هه‌ڤاڵ وهاۆری بووم

ئه‌و كاروانه‌كه‌ی پێش من بڕی

ئه‌و راكشاوه‌ ئارامه‌

منێش له‌سه‌ر پێم بێ ئارامم

من ده‌بینم ده‌بیستم هیچم پێ ناكرێ

ئه‌ویش بێ ئاگا هیچێ پێ ناوترێ

من باكم نه‌بۆ به‌رامبه‌ر دۆژمن

ئه‌ویش بێ باك بۆ له‌ ئاستی دۆژمن

ئه‌و بێ ئاگایه‌ له‌ هاوریانی

بۆنه‌ جه‌لادی گیان هه‌ڤالإنی

ئه‌و بێ ئاگایه‌ له‌م ئازادیه‌

له‌ كۆنه‌ به‌عسی و گشت فایلچیه‌

ئه‌و هه‌ر به‌ پاكێ چو شه‌هید كرا

ئیمه‌یان ێیس كرد تیرورمان ده‌كه‌ن

ئه‌و خه‌باتی دژ خاینه‌كان ئه‌كرد

ئیمه‌ گشت بووینه‌ هاوڕی خاینان

ئه‌و تێكه‌ڵ نه‌بوو به‌ نابوته‌كان

ئیمه‌یان خسته‌ ژێر ده‌ستی ئه‌وان

ئه‌و یه‌ك جار مردوو شه‌هید بوو

ئیمه‌ هه‌مۆ رۆژ بۆ خۆمان ده‌مرین

ئیمه‌ گشت بۆ نان بێ ده‌نگ كراوین

ئه‌و به‌ برسێتێ شه‌هید كراوه‌

ئیمه‌ زگ زڵ و كه‌له‌مان گه‌وره‌

ئه‌و زگ و سه‌ری پڕ بوو له‌ گوڵه‌

ئه‌و كه‌ شه‌هید بوو دوو عانه‌ی نه‌بوو

ئیمه‌ سه‌رمان شۆره‌ بۆ ماڵ و سامان

ئه‌و خۆی شه‌هید كرد تا ئێمه‌ بژێن

ئیمه‌ وا بێرمان لای ژن و ماڵه‌