|
چما مام جه‌لال حوکمێ سێداره‌دانا سه‌دام ئیمزا ناکه‌ت؟ ... محی الدین
احمد
به‌ختی مه هه‌ره‌م یێ ره‌شه! به‌دبه‌ختی و چاره‌ره‌شیا مه ب درێژیا
دیرۆکێ هۆسا یا ده‌رباز بوی. ژبه‌ر کو مه سه‌رۆک و رێبه‌رێن وه کو مام
جه‌لال هه‌بونه، هیڤیدارهه‌ر هۆسا ژی به‌رده‌وام نه‌بیت و دیرۆک ژی خۆ نوی
نه‌که‌ته ڤه.
گه‌لێ کورد ب درێژیا دیرۆکێ خه‌بات، به‌رخۆدان و شۆره‌ش ل دژی داگیرکه‌ران
به‌رپا کرنه. راستی گه‌له‌ک ده‌رده‌سه‌ری و شکه‌ستنا هاتیه، به‌لێ قه‌ت و
قه‌ت بێ هیڤی وئومێد نه‌بوویه، هه‌ر یێ ل سه‌ر خه‌باتا خۆ به‌رده‌ومه.
شکه‌ستیه و رابویه‌ڤه. کوشتن، سۆتن، ده‌به‌ده‌ری، قرکرن به‌هرا مه
بوویه، به‌لێ هنده‌ک جاران سه‌رکه‌تن ژی ب ده‌ست خۆ ئینایه.
یا ژ هه‌میێ گرنگ تر ئه‌وه، کو زمان و ئێکگرتنا ناسناما کوردایه‌تیا خۆ
پاراستیه.
هه‌ر تشتێ کو ل ده‌ست دوژمنان هاتیه ل به‌رامبه‌ر مه ته‌خسیری نه‌کریه.
به‌لێ چ رژێمێن حکومه‌تێن ئیراقێ وه‌کو سه‌دام ده‌ستێ وی ب خوینا کوردان
سۆر نه‌بویه، باوه‌رنام ژی ببیت.
مه هه‌میان چاڤ ل وێ رۆژێ بۆ کو رۆژه‌ک بهێت سه‌دام و ده‌سته‌کا وی
بکه‌ڤنه ده‌ستێن کوردان و تۆلا خۆ ژێ بستینین.
ئێک ژ خۆشترین و گه‌شترین رۆژ د ژیانا گه‌لێ مه دا، ئه‌و رۆژ بۆ کو
سه‌دام ب ئێخسیری و ره‌زیلی و سه‌رشۆری ل سه‌ر شاشین تێله‌ڤزۆنێ هاتیه
نیشاندان. وێ رۆژێ برینێن دایکێن گه‌له‌ک شه‌هید، ئه‌نفالبویان و بێ
سه‌روشوینێن گه‌لێ ما ساخ بونوه‌ڤه و ئاخینکێن خۆشیێ به‌ردان.
دیسان ئه‌و رۆژا کۆ مام جه‌لال بۆیه سه‌رۆک کۆمارێ ئیراقێ ژی، یا خۆش
بوو. گه‌لێ مه هیڤی هه‌بوون کو ئێدی دێ رۆژا هه‌لاویستنا سه‌دام ژی بینن،
نه‌خاسمه ئه‌گه‌ر ئیمزایا کورده‌کی ل بن وێ هه‌لاویستنێ بیت. به‌رێ هه‌می
کوردان یی ل وێ رۆژی کو ببینن، قرکا سه‌دام د که‌ڤیته ناڤ خلفا سێپێکێ و
ئه‌زمانێ وی شۆر دبیت و دبیته ده‌رس و عیبره‌ت ژ بۆ هه‌می دوژمنێن کورد و
کوردستانێ. هه‌تا ئه‌و ژی بزانن قرکرن به س بارا کوردان نابیت و دی رۆژا
وان ژی هێت.
مخابن و سه‌د جاران مخابن، هه‌ر گاڤ نه گاڤه‌کێ، سه‌رۆکێ ئیراقێ یێ ب
نه‌ژاد کورد، دێ خه‌نجه‌ره‌کێ ل دلێ ته‌ڤایا ملله‌تێ کورد ده‌ت، دێ خه‌ونێن
زارۆکێن شه‌هیدان ژه‌هر که‌ت.
گاڤ بۆ ب گاڤێ دی هه‌ڤپه‌یڤینان د گه‌ل رۆژنامه و تێله‌ڤزیۆنان که‌ت، دێ
وی خه‌به‌رێ ژه‌هر کری به‌ڵاڤ که‌ت و دێ که‌رمکه‌ت: ئه‌گه‌ر حوکمێ
سێداره‌دانێ ل سه‌ر سه‌دام هاته برین، ئه‌ز وی حوکمی ئیمزا ناکه‌م و دێ وێ
هه‌فتیێ ئیجازێ وه‌رگرم و دێ وی مافی ده‌مه جێگره‌کێ خۆ!
چ حیکمه‌ت و زانین و فه‌لسه‌فه ل پشت ڤێ گۆتنێ هه‌نه! ئه‌گه‌ر جه‌نابێ
ته نه‌وێریت وێ ئیمزایێ بکه‌ی، ئاشکرا بێژه ئه‌ز نه‌وێرم.
ئه‌گه‌ر په‌یمانه‌ک د ناڤبه‌را ته و سه‌دام دا هه‌یه، یان رۆژێن
ته‌نگاڤی هاریکاریا وه کریه و هون ژ وێ ته‌نگاڤیێ ده‌رباز کرنه، وێ ژی
بێژن و ئاشکرا بکه.
ئه‌گه‌ر ئه‌مریکی رێکێ ژ وه دگرن و به‌ربه‌ستن، راست و ره‌وان به‌لاڤ
بکه.
جه‌نابی وه دبێژیت هه‌قێ سه‌دام هه‌یه رۆژێ 20 جاران بێت هه‌لاویستن. وی
تاونێن مه‌زن ل به‌رامبه‌ر کوردان کرنه. 20 جاران بزاڤا کوشتنا من کریه.
ب سه‌دان ئه‌گه‌ر هه‌نه، کو سه‌دام پێ بێت ئیعدام کرن.
به‌لێ سه‌رۆک تاله‌بانی ئیمزایا خۆ ل بن ئیعدام کرنا سه‌دام ناکه‌ت، جیگری
خۆ عادل عه‌بدوئه‌لمه‌هدی هه‌سپاردیه کو ڤی کاری ل جها سه‌رۆک تاله‌بانی
بکه‌ت. ژبه‌ر کو رۆژه‌کێ ل رۆژان ده‌مێ کو سه‌رۆکێ ئێکه‌تیا نیشتیمانیا
کوردستانێ بۆ جارناما نه‌هێلانا ئیعدام کرنا ناڤنه‌ته‌وی ئیمزا کریه. ئه‌و
وێ سۆزێ ناشکێنیت، ئێدی پاشدا ناڤه‌گه‌ریت و خودانێ ۆسا خۆیه.
ره‌نگه سوبه‌هی ئه‌و و هه‌ڤسۆزێن وی بێژن: ه‌ڤه ژێ سیاسه‌ت بوو!
تشتێ کو هه‌رده‌م دوباره و ده‌هباره دکه‌ت، هه‌ر ئه‌وه: ئه‌ز ئیمزا
ناکه‌م.
سه‌رۆک مام جه‌لال، کورد باوه‌ریێ ب ڤێ گۆتنێ ناکه‌ن و ناچیته مه‌ژیێ وان.
راستیێ بۆ گه‌لێ مه دیار بکه.
ئه‌گه‌ر ئه‌مریکا بخازیت سه‌دام بێت سێداره‌دان، نه به‌س جاره‌کێ هون وی
حوکمی ئیمزا ناکه‌ن، به‌لکو رۆژێ دێ 100 جاران ئیمزا که‌ی بێ راوه‌ستان دێ
ئیمزا که‌ی. ئه‌ڤه راستیه‌که و ناهێته ڤه‌شارتن.
پیرۆزترین تشت ل نک ته، پۆستێ سه‌رۆک کوماریا ئیرقێ یه. ئه‌گه‌ر رۆژه‌کێ
به‌ر پێت وه له‌ق ببن، و ئه‌و پۆست ل ده‌ست هه‌وه بچیت، نه به‌س تو ب
قه‌له‌مێ خۆ ئیمزا ناکه‌ی، به‌لکو دێ ب هه‌ر 10 تلیێن خۆ مۆر که‌ی.
هه‌وه د بن گڤشتنا بریمه‌ر دا یاسایا فیدرالیه‌تا پارێزگه‌هان ژێ ئیمزا
کریه، چاوان وێ ناکه‌ن. زێده‌باری هزاران تشتێن دی.
دیاره هون یێ بازاری د شدینن، وداخوازێن خۆ فه‌رز دکه‌ن یان سۆزا
ئه‌ره‌بان بۆ خۆ رادکێشی.
هیڤیدارم ڤێ ده‌لیڤا زێرین ل ده‌ست خۆ و گه‌لێ کورد نه‌به‌ی.
| 
