چیتر ماوه‌ به‌سه‌ر کورد بێت له‌پێناوتانا بۆ ئه‌یکوژن؟!! ... خاڵه‌ حه‌مه‌

 

له‌44 ساڵه‌ی خه‌باتی خوێناوی شۆڕشدا، سوکایه‌تی، ده‌ستدرێژکردن بۆ سه‌ر هه‌مووشته‌ پیرۆزه‌کان ‌و پێ لێنان له‌گه‌وره‌یی وسه‌روه‌ری و له‌که‌سایه‌تی. شکاندنی هه‌موو به‌هاکان و داماڵینی ئابڕوو. سه‌رکزی و بێده‌نگی و داچوون، خۆفرۆشتن، نیشتمان فرۆشتن و له‌ش فرۆشتن،هه‌ژاری وبرسیه‌تی و نه‌داری. . هه‌رچی ئه‌شێ و هه‌رچی ناشێ له‌ده‌ستی براعه‌ره‌به‌ ڕه‌شتاڵه‌کانمان و سه‌رشۆڕانی کوردا که‌ له‌ڕۆژگاری (سه‌دام) ی گۆڕبه‌گۆڕا سه‌ربازو (رفیق) حیزبی بوون به‌سه‌ر تاکی کوردا شکایه‌وه‌و درێخییان نه‌کرد له‌پیاده‌کردنی سیاسه‌تی قڕکردن و جینۆسایید و ئه‌نفال و کیمیایی باران و ده‌رکردن له‌زیدی باپیران و گۆڕینی ناسنامه‌. .

ئه‌مڕۆش هه‌ر ئه‌و خه‌ڵکه‌ خۆڕاگره‌ی کورد‌ به‌دیوه‌که‌ی تری سیاسه‌تدا له‌ ژێر په‌رده‌یه‌کی سپی بێگه‌ردا سوکایه‌تی پێده‌کرێ و هاوڕێکانی (عوده‌ی و قوێه‌ی) ی و کورده‌ جلخواره‌کانی دژ به ‌کوردوکوردستان به ‌ئاره‌زووی مێشکه‌ پڕ له‌ هیچه‌که‌ی خۆیان مامۆستای زانکۆ و کارمه‌ندانی زانکۆ ده‌رده‌که‌ن له‌ کاتێکدا خۆیان ناتوانن به‌ کوردی نامه‌یه‌ک بنوسن!!. . هه‌رچی هه‌رده‌په‌نجه‌که‌ی بۆ لایه‌نێک پیس نه‌کات ده‌بێت (ئه‌سپێ) له‌گیرفانیا سه‌وزه‌ڵێ خانم بڵێت!!. . هه‌رچی داوای مافی خۆیی بکات به‌ئاگرو بارووت وه‌رامی ئه‌د‌رێته‌وه‌. . هه‌رکه‌سێک نه‌ته‌وایه‌تی بیربکاته‌وه‌و پشتی پارچه‌یه‌کی تری کوردستان بگریت له‌لیستی ڕه‌شا ناونوس ده‌کریت بۆشیان بکرێت له‌رڕه‌گه‌وه‌ ڕیشه‌ی بیری نه‌ته‌وایه‌تی له‌مێشکی ده‌ر‌ئه‌هێنن و ئه‌شیخه‌سێنن!!. .

لێره‌دا ئێمه‌ روو ناکه‌ینه‌ به‌رپرسیارانی ئه‌و دوو ئیداره‌ دژ به‌یه‌که‌ ڕوویی ده‌ممان ده‌که‌ینه‌ کاکی پێشمه‌رگه‌و ئه‌ڵێین. . سبه‌ینێش نه‌ته‌وه‌ی کورد پێویستی به‌ تۆیه خۆت مه‌که‌ به‌مه‌قاشی ده‌ستی خه‌ڵکێکی دۆراو که‌ ته‌نها تۆیی بۆ شه‌ڕئه‌وێت و به‌ خزمه‌تکاری به‌ر قاپیه‌که‌ی باوکیت ئه‌زانێ. ئه‌وه‌شت لا ئاشکرابێت هه‌رکه‌سێ دژی میلله‌ت بێت سه‌رئه‌نجام سه‌رشۆڕو دۆڕاو ده‌بێت‌ و له‌ زبڵدانی مێژوودا قێزه‌ونترین جێگه‌ی به‌ئه‌ر‌که‌وێت. .

خاڵه‌حه‌مه‌ /دانمارک. ڤالبی/8/9/2005