بؤ هاوأص حةميد .... ئارام هةورامي

29/8/2004

هاوڕێم !

كاتێك بۆ یه‌كه‌م جار تۆم ناسی. .

زه‌رده‌ی ئێواره‌

وه‌كو ته‌مه‌نی ئاواته‌كانت،

كێشمه‌كێشی بوو له‌گه‌ڵ

هاتنی شه‌وی ئه‌نگوسته‌دا

ناسینت

ناسینی من بوو بۆ خانه‌قین و مه‌ندلی

بۆ شارێكی تری ئه‌نفالكراو

بۆ برینێكی قوڵی تر

وه‌كو برینه‌كانی جه‌سته‌ت

بۆ هاژه‌ی ڕوباری ئه‌ڵوه‌ند

بۆ پێنج هه‌زار گوڵی هه‌ڵه‌بجه،

بۆ شه‌هیدانی پشت ئاشان و قرناقاو

كه‌یه‌ك یه‌ك ناویانت له‌نێو چه‌وانی

ده‌روێشه ‌دڕنده‌كانی تاڵه‌باندا هه‌ڵكۆڵیبوو

ناسینت ناسینی من بوو

بۆ منداڵانی گه‌رمیان

 

بۆ دایكانی ئامه‌د و ماردین

بۆ پانتایی قامیشلی

بۆ مه‌هابادی قازی و چوارچرا

بۆ هه‌موو پارچه‌ی خاكێكی

سووتاوی نیشتمانه‌كه‌ی من تۆ

تابلۆی نیگاكانت

 له‌قه‌تپاڵی كێوه‌كانی

 هه‌وراماند ده‌بینم

گوێم لێیه ، هاوڕێ گیان !

چرپه‌ت بۆنی وه‌نه‌وه‌شه‌ی باخانی

زه‌ڵم ئه‌دات

تێكه‌ڵ به كه‌فچڕێنی تاڤگه‌ ئه‌بیت و

مژده‌ی به‌هاری پێیه

گوێم لێیه ، هاوڕێ گیان !

 هه‌ناسه‌ت تێكه‌ڵی ‌گڤه‌بای

دۆڵه‌كه‌ی كه‌ره‌جاڵ بوووه‌و به‌ره‌و حه‌مرین

جاڕی سرودی ئه‌یره‌قیب

به‌ گوێی كرێكارانی كورددا ئه‌دات

 ((ئه‌ی ڕه‌قیب هه‌رماوه قه‌ومی كوردزمان

نایشكێنێ دانه‌ری تۆپ زه‌مان) )

ده‌تبینم

قه‌ڵه‌مێكی سورت پێیه و

 وا به‌گه‌وره‌یی ده‌نووسیت:

وا هاتمه‌وه

وا هاتمه‌وه و دێمه‌وه به‌یه‌كجاری

ته‌رمه‌كه‌م پڕ به‌خاكی ئه‌م په‌ڕی دونیا

گزنگی بارانی خۆشه‌ویستی

به‌سه‌رتۆدا ئه‌كات ، خانه‌قینه‌كه‌م !

وا هاتمه‌وه

په‌لكه‌زێڕینه‌ی غه‌ریبیم كروده‌ته

نه‌ردوان و بۆ دڵی شاره‌كه‌م

دێمه‌وه‌ خوارێ

وا هاتم، وا هاتم

كوردستانم بۆت كردوه‌ته‌ كۆڵ و

داگیركه‌رانم وه‌درناوه

هاوڕیم !

ده‌فته‌ته‌ری یادگاره‌كانت

كۆمه‌ڵێك مێژووه ‌بیره‌وه‌رین

كه‌ له‌بیرمدا

هه‌رگیز كاڵ نابنه‌وه

********************************

 

info@kurdistannet.org

ضاثيكة

كاتي بلآوكردنةوة 

www.kurdistannet.org

Hit Counter