 |
|
 |
|
|
|
|
|
ئه‌مه ئاراسته‌ی ده‌سپێكردنی كاری ئێمه‌یه .... و. محمد غفور |
|
|
محمد غفور وه‌ری‌گێڕاوه له (همبستگی ویژه هلند) ه‌وه ڕووبه‌ڕووبوونه‌وه‌ی په‌ناخوازان له‌گه‌ڵ سیاسه‌ته دژی ئینسانیه‌كانی ده‌وڵه‌ته ئه‌وروپاییه‌كان، و شه‌پۆلی ڕاگه‌یاندنی هاوپشتی به‌شه جۆراوجۆره‌كانی خه‌ڵكی ئه‌وروپا له‌م خه‌باته، كۆمه‌ڵێك ڕاستی بنچینه‌یی هه‌تا ئێره دووپات كردۆته‌وه. له‌گه‌ڵ ده‌نگی ناڕه‌زایه‌تی په‌ناخوازاندا، له‌هه‌موو جێگایه‌ك سه‌ره‌كان به‌لایدا وه‌رئه‌چه‌رخێن و سه‌رنجه‌كان ڕووی تێ ده‌كه‌ن. په‌نابه‌ران ڕاچڵه‌كیون، ئایا ئه‌مه سه‌ره‌تای ناڕه‌زایه‌تیه‌كی دیكه‌یه؟وه ئه‌مه به‌ته‌نها پرسیاری په‌نابه‌ران نیه. پرسیاری هه‌مووانه. هه‌موو لایه‌ك جێگاوڕێگای بزووتنه‌وه‌ی په‌نابه‌ری‌و نه‌خشی له‌بزووتنه‌وه‌ی مافه مه‌ده‌نیه‌كانی جیهاندا ئه‌زانن. سه‌ره‌ڕای ئه‌وه‌ش ڕووداوه‌كانی ئه‌م دوایی یه ده‌رس و ته‌جروبه‌یه‌ك بوو بۆ هه‌موو ئه‌و كه‌سانه‌ی كه باوه‌ڕیان به‌یه‌كێتی و هاوپشتی په‌نابه‌ران نه‌بوو. له‌وه‌ڵام به‌م بانگه‌وازه‌دا خه‌ڵكێكی زۆر هاتنه‌مه‌یدان بۆ هاوپشتی له‌گه‌ڵ په‌ناخوازندا. بڕیارنامه‌ی ناڕه‌زایه‌تیان بڵاوكرده‌وه‌و وه‌ڵامی ئیجابیان دایه‌وه به‌بانگه‌وازی خۆپیشاندان له‌دژی سیاسه‌تی په‌سه‌ندكراوی ده‌وڵه‌تی هۆڵه‌ندا. ئه‌م شه‌پۆلی هاوپشتیه به‌ربه‌سته‌كانی سانسۆریان تێك شكاند، ومیدیای ده‌ست نیشان كراوی ده‌وڵه‌تی هۆڵه‌ندا ناچاربوو به‌فراوانی هه‌واڵه‌كانی ئه‌م حه‌ره‌كه‌ته بڵاوبكاته‌وه، . له‌هه‌ل و مه‌رجێكدا كه ده‌وڵه‌تانی دیموكرات‌و مه‌خسوسی دیفاع له‌مافه‌كانی مرۆڤ له‌كۆمه‌ڵگای ڕۆژئاوادا بۆ نووسینی یه‌ك دێڕ به مه‌به‌ستی محكوم‌كردنی ڕژێمی ئیسلامی ئێران سه‌د جۆر بڕوبیانوو ئه‌هێننه‌وه‌و ئه‌ملاولا ئه‌دۆزنه‌وه، و سه‌ره‌نجام بێ لایه‌ن ئه‌مێننه‌وه، به‌ڵام به‌ته‌نها ڕاگه‌یاندنی ناڕه‌زایه‌تی‌و ناوبردنی مانگرتن بۆ مه‌سه‌له‌ی هاوپشتی په‌نابه‌ران به‌س بوو بۆ ئه‌وه‌ی شاڵاوی ڕاگه‌یاندنی پشتیوانی جۆراوجۆری خه‌ڵكی ئه‌وروپا وورووژم بهێنێت. ڕاستیه‌كانی ئه‌م دواییه ئه‌و ئیمكانیه‌ته‌ی هێنایه ئاراوه تا هه‌مووان له‌م په‌نجه‌ره‌وه سه‌رنج بده‌نه پۆتانسێلی عه‌زیمی بزووتنه‌وه‌ی هاوپشتی له‌گه‌ڵ په‌نابه‌راندا، وله‌سه‌رووی هه‌موو شتێكیشه‌وه وه‌قایعه‌كانی ئه‌م دواییه ته‌ئكیدی له‌سه‌ر ده‌ورو نه‌خشی یه‌ك ڕێكخراوی پێگه‌شتوو وهوشیاری په‌نابه‌ری كرده‌وه. شكڵدان به‌م شه‌پۆله له‌هاوپشتی نێونه‌ته‌وه‌یی‌و به‌رزكردنه‌وه‌ی خه‌باتی په‌نابه‌ران بۆ ئاستی مه‌ركه‌زی سه‌رنجی زۆرێك له‌ڕاگه‌یاندنه‌كان‌و كۆمه‌ڵه‌كان له‌دوورترین شوێنه‌کانی جیهاندا، به‌بێ هه‌ڵسووڕانی ماندوونه‌ناسانه‌و به‌به‌رنامه‌ی فیدراسیۆنی سه‌رتاسه‌ری په‌نابه‌رانی ئێرانی، جێگای باوه‌ڕكردن نه‌بوو. ئه‌مه‌ی كه ڕیزێكی ئاماده‌به‌كار بۆ ڕابه‌رایه‌تی كردنی ئه‌م كه‌مپینه له‌ئارادایه، هه‌رگیز به‌ڕێكه‌وت نیه. ئه‌مه بزووتنه‌وه‌یه‌كه ناسنامه‌ی سیاسی خۆی به‌پێ‌داگرتن له‌سه‌ر په‌یوه‌ندی وێڵاش‌بوونی له‌گه‌ڵ مه‌سه‌له‌ی په‌نابه‌ری له‌ناو هاوپشتی، و فیدراسیۆنی سه‌رتاسه‌ری په‌نابه‌رانی ئێرانیدا پێناسهکردووه. ئه‌م ڕێكخراوه به‌درێژایی ساڵانێكی زۆر له‌سه‌ر بنه‌مای ئه‌م په‌یوه‌ندی‌و باوه‌ڕبوونه‌وه خشت‌به‌خشت دیواری هه‌ڵچنراوه. هیچ شتێك له‌وه سروشتی‌تر نیه له‌هه‌ل‌ومه‌رجێكدا كه جه‌ره‌یاناتێك هانی په‌نابه‌ران ئه‌ده‌ن بۆ گه‌ڕانه‌وه بۆ ناو دۆزه‌خی جمهوری ئیسلامی ئێران، فیدراسیۆن ته‌ركیز بكاته سه‌ر هێزی كۆمه‌ڵگاو په‌نابه‌ران‌و ئاماده‌بێت كه په‌رچه‌می ئه‌م خه‌باته له‌هه‌ر جێگایه‌ك‌و له‌هه‌موو شوێنێك به‌رز ڕابگرێت. واقعیه‌ته‌كانی ئه‌م ئاخره باشترین به‌ڵگه بوون بۆئه‌م تواناییه. ئه‌مه سه‌ره‌تای ده‌س پێكردنی كاری ئێمه‌یه. په‌نابه‌رانی تێكۆشه‌ر ئه‌گه‌ر خه‌باتی ئه‌م جاره‌ی ئێوه ده‌سبه‌جێ سیاسه‌تی پیسی دژی ئینسانی ده‌وڵه‌تانی ئه‌وروپایی به‌شكست نه‌هێناوه، به‌ڵام ئه‌توانێت شه‌یپووڕی ناڕه‌زایه‌تیه‌كی فراوان‌تر بێت له‌ئاینده‌یه‌كی نزیك‌دا. مه‌رجی سه‌ركه‌وتن ئه‌مه‌یه كه ئه‌م جاره په‌نابه‌ران خۆیان له‌ناو دڵی ئه‌م بزووتنه‌وه‌یه‌دا كاریان كردو، ته‌واوی كۆمه‌لگایان هێنایه پشتی خواسته‌كانی خۆیان. خاڵی لاوازی گرنگی ئه‌م بزووتنه‌وه‌یه ئه‌وه‌یه كه‌ئێوه خۆتان هه‌ڵسووڕاوانه ئاماده‌ی مه‌یدانی خه‌باتتان نه‌بن. یه‌كگرتوو وڕێكخراوبن‌وله‌گه‌ڵ ئێمه‌داو شانبه‌شانی كۆمه‌ڵگا له‌پێناوی مافه‌كانی خۆتاندا تێ‌بكۆشن. ئه‌مه سه‌ره‌كی ترین بانگه‌وازی ئێمه‌یه. له‌گه‌ڵ ئومێدو ئاره‌زووی سه‌ركه‌وتن‌وبنیاتنانی دنیایه‌كی باشتر مجید په‌سته‌نچی / لێپرسراوی فیدراسیۆنی سه‌رتاسه‌ری په‌نابه‌رانی ئێرانی/هۆڵه‌ند |
||