سه‌ددام تاوانباره‌ به‌ یاسای نیوده‌وڵه‌تی‌ ... سه‌ركان كوردی

04-01-2004 23:42

sarkan@kurdee. net

            ژیان گه‌ر زۆر به‌ قورسی و گرانیش بیگری هه‌ركۆتایی دێت گه‌ر بێت و به‌ سه‌ربه‌رزی و ئازادی بێت ئه‌وه‌ كه‌واته‌ خوا پێداوی و تۆش پێویسته‌ چاوت له‌ كه‌سانی ده‌وروبه‌رت بێت و وه‌ک ئه‌و چاكه‌یه‌ی كه‌ هاتۆته‌ ڕێگه‌ت چاكه‌ بكه‌ره‌وه‌و كورد ووته‌نی بیده‌ به‌ده‌م ئاوه‌وه‌. نه‌ وه‌ك سه‌ددام دوای وه‌رگرتنی پۆستی به‌رزی حكومی ببیته‌ زاڵم، چونكه‌ زاڵم زه‌واڵی بۆ ده‌بێ و خوا حه‌قی بزنی بێشاخ له‌ شاخدار ده‌سه‌نێ.

گه‌ر گه‌لی كورد و عێراق و هه‌موو ئه‌وانه‌ی كه‌ ڕۆژی له‌ ڕۆژان زه‌ره‌رمه‌‌ندبوون به‌ ده‌ستی ڕژێمی سه‌ددامی تاوانبار باشتره‌ كه‌ داوای یاسایه‌کی دادپه‌روه‌ر و ڕاست و درووست بكه‌ن بۆ تاوانباری جیهانی سه‌ددام و هه‌موو هاوڕێكانی.

سه‌ددام هه‌موو ژیانی هیچكاتێك بڕوای به‌ یاسا ئاسمانێكانیش نه‌بووه‌ كه‌ به‌ناو خۆی و حكومه‌ته‌ فاشیسته‌ عه‌ره‌ب‌په‌رسته‌كه‌ی هه‌ڵگری یاسای ئاینی پیرۆزی ئیسلام بوون. تاكه‌ ڕێگه‌ بۆ سه‌ندنه‌وه‌ی هه‌موو ئه‌و زوڵم و زۆره‌ی كه‌ كردوویه‌تی ده‌ركردنی یاسایه‌كی ڕاست و دادپه‌روه‌ره‌‌ له‌سه‌ر كاره‌كان، چونكه‌ تا بڵێین پیس و زاڵم و خوێن مـژه‌. له‌ سه‌ده‌ی بیسته‌م و بیستویه‌كیشدا جێگای خۆی له‌ ناو ناوی زاڵمانی سه‌رده‌مدا كردۆته‌وه.

            به‌ڵام سه‌یرترین شـت له‌ دنیادا گرتنی پارێزه‌ره‌ بۆ ئه‌و نا (مرۆڤانه‌) ، چونكه‌ من نازانم ئه‌و پارێزه‌ره‌ ‌چی به‌ڵگه‌ و بیانوویه‌ك ده‌هێنێته‌وه‌ بۆ پاراستنی كه‌سێكی وه‌ك و سه‌ددام كه‌ له‌وانه‌یه‌ و دووریش نیه‌ كه‌ ئه‌و پارێزه‌ره‌ خۆی زیندانی یان هیچ نه‌بێت شه‌قێكی سه‌ددام و پیاوانی به‌ركه‌وتووه‌.

            له‌ كۆتاییدا به‌س ئه‌وه‌ ئه‌ڵێم كه‌ خوا حه‌قی كورد و ئه‌و بێتاوانانه‌ی لێكاته‌وه‌ كه‌ به‌ده‌ستی‌یه‌وه‌ زه‌لیل بوون. ده‌ك ڕووڕه‌شی ئه‌ودنیاش بێت وه‌ك هی ئه‌م دنیا بوو.