|
به‌یاننامه: بۆ جه‌ماوه‌ری گه‌رمیان
سه‌ر له ئێواره‌ی ئه‌مرِۆ7/9/2005، له باره‌گای حیزبی شیوعی كوردستان
وبه ئاماده‌بوونی به‌رپرسی یه‌كه‌می حیزبه‌كان، شاندێكی فراوان
كۆبوونه‌وه‌یه‌كیان گرێدا كه تایه‌بت بوو به خۆپیشاندانه‌كی ئه‌مرِۆ و
ده‌رئه‌نجامه‌كانی. له‌سه‌ره‌تادا، ئاماده‌بووان، جه‌ختیان له‌سه‌ر ئه‌وه
كرده‌وه، كه گرتنه‌به‌ری شێوازی خۆپیشاندان بۆ خستنه‌رووی كێشه‌كان و
داوای چاره‌سه‌ری گونجاو بۆیان، شێوازێكی مه‌ده‌نی و هاوچه‌رخه و نابێ به
هیچ شێوه‌یه‌ك پشتی لێ بكرێ و رێگای لێ بگیرێ به تایبه‌ت خۆپیشاندنی
ئه‌مرِۆ كه تایبه‌ت بوو به كێشه‌ی (كاره‌با، ئاو و سوته‌مه‌نی) له
لایه‌ن كۆمه‌ڵێ گه‌نجه‌وه، به‌ڵكو ده‌بێ هه‌میشه كار بۆ جێبه‌جێكردن و
به‌ده‌ستهێنانیان بكرێ و ئه‌م ده‌ڤه‌ره و شاره‌ی ئێمه‌ش، خزمه‌تگوزاری
زیاتر و فراوانتر له‌وه‌ی كه هه‌یه، پێویسته بۆی بكرێ، به‌لإم ئه‌وه‌ی
جێی نارِازییه و ره‌وتی خۆپیشاندانه‌كه‌ی ناشرین كرد، ئه‌وه‌یه كه
هه‌ندێ خه‌ڵكی ده‌ره‌وه‌ی خۆپیشاندانه‌كه، ئه‌م بواره‌یان قۆسته‌وه‌و له
په‌ناوه هێرشیان برده سه‌ر هه‌ندێ داموده‌زگای جۆراوجۆر وه‌ك
(په‌روه‌رده، پۆلیس، ئاگركوژاندنه‌وه، هاتوچۆ، ئازادی لاوان و سه‌ندیكای
كرێكاران) و توشی ده‌ستدرێژی تالإنی ده‌بن، له‌به‌رامبه‌ریشدا، هێزه‌كانی
پۆلیس و ئاسایش به ته‌قه له‌گه‌ل خۆپیشانده‌ران هه‌ڵده‌بژێن و رووبه‌رِوو
ده‌بنه‌وه كه ژماره‌یه‌ك بریندار لێ ده‌كه‌وێته‌وه.
ئێمه ئه‌م حیزبانه‌ی له خواره‌وه ناومان هاتووه، ئه‌م جۆره كارانه
ئیدانه ده‌كه‌ین و پێمان وایه ئه‌م جۆر و شێوازه نامه‌ده‌نییانه له
به‌رامبه‌ر داخوازی و مافه ره‌واكانمان، ره‌وتی راسته‌قینه‌ی
خۆپیشانانه‌كه‌ی به ئاراسته‌یه‌كی خراب برد و هه‌وڵه‌كه‌مانی ناشرین كرد.
بۆیه ئیدانه‌ی هه‌ردوو حاڵه‌ته‌كه ده‌كه‌ین: ته‌قه كردن له
خۆپیشانده‌ران و چوونه سه‌ر فه‌رمانگه‌كان و له‌هه‌مان كاتدا، جه‌خت
له‌سه‌ر مافه ره‌واكانی چین و توێژه‌كانی كۆمه‌ڵ و دابینكردنی سه‌رجه‌م
خزمه‌تگوزارییه‌كان ده‌كه‌ین و هه‌روا داواش ده‌كه‌ین قه‌ره‌بووی زیان
لێكه‌وتووان به زووترین كات بكرێته‌وه و حكومه‌ت به هاوكاری حیزب و
رێكخراوه سیاسی و مه‌ده‌نییه‌كان و چین و توێژه‌كان هه‌وڵی به‌په‌له‌ی
چاره‌سه‌ری سه‌رجه‌م كێشه‌كان بدا، گیراوه‌كان ئازاد بكرێن و هه‌ر بژین
·
یه‌كێتی نیشتمانی كوردستان/ مه‌ڵبه‌ندی11ی گه‌رمیان
·
حیزبی شیوعی كوردستان/ كۆمیته‌ی مه‌حه‌لی گه‌رمیان
·
یه‌كگرتووی ئیسلامی كوردستان/مه‌ڵبه‌ندی چواری گه‌رمیان
·
حیزبی زه‌حمه‌تكێشانی كوردستان/لقی گه‌رمیان
·
حیزبی سۆشیال-دیموكراتی كوردستان/مه‌ڵبه‌ندی گه‌رمیان
| 
