سەرچاوەیەک لە حکومەتی ئەڵمانیا ڕایگەیاند وڵاتەکەی بەردەوام دەبێت لە ڕەوانەکردنی هاوکاریی سەربازی بۆ هێزی پێشمەرگەی هەرێمی کوردستان. سایتی کوردپرێسی ئێرانی هەواڵیکی ئاژانسی سپۆتنیکی ڕووسیای بڵاو کردەوە کە تیایدا ڕۆبەرت هابرمەن، وتەبێژی هێزەکانی سوپای ئەڵمانیا لە عێراق ئاشکرای دەکات، جگە لە کاروانی هەفتەی ڕابردووی چەک و تەقەمەنیی ئەڵمانیا بۆ هێزی پێشمەرگە، لە داهاتوویەکی نزیکدا چەندین کاروانی دیکەی هاوکاریی سەربازی، ڕەوانەی هەرێمی کوردستان دەکرێت.

جێی باسە، وڵاتی ئەڵمانیا هەفتەی ڕابردوو کاروانێکی ٧٠ تەنی لە چەک و کەرەستەی سەربازی ڕەوانەی هەریمی کوردستان کرد، وەک پاڵپشتیی سەربازیی ئەو وڵاتە بۆ هێزی پێشمەرگەی هەرێمی کوردستان لە بەرەنگاربوونەوەی داعش.