بەمەبەستی هەموارکردنەوەی دەستووری هەمیشەیی وڵاتەکەی، پارتی داد و گەشەپێدانی تورکیا، بانگهێشتی نوێنەرانی هەردوو پارتی ئۆپۆزسیۆن، پارتی چەپی کۆماری (جەهەپە) و پارتی نەتەوەپەرستی تورک (مەهەپە) لە پەرلەمانی تورکیای کردووە بۆ دانانی میکانیزمیک بۆ هەموارکردنەوەی دەستوور.

بەپێی هەواڵی میدیاکانی تورکیا، پارتی دیموکراتی گەلان (هەدەپە) کە سەلاحەدین دەمیرتاش سەرۆکایەتی دەکات و بە پەنجا و هەشت کورسیی پەرلەمانی، سێیەم کوتلەی ناو پەرلەمانی تورکیایە، بانگهێشتی ئەو کۆبوونەوەیە نەکراوە.