پۆلیسی هەولێر پلانی ئەمنیی جەژنی ڕاگەیاند

بەڕێوەبەرایەتیی پۆلیسی پارێزگای هەولێر، بە هەماهەنگی لەگەڵ هێزە ئەمنییەكانی دیكە، پلانێكی ئەمنیی تۆكمەی ڕاگەیاند و هاووڵاتیانیش دڵنیا دەكاتەوە، سەروماڵیان پارێزراو دەبێت.

لیوا عەبدولخالق تەڵعەت بەڕێوەبەری پۆلیسی پارێزگای هەولێر ڕایگەیاند، هێزەكانیان بە هەماهەنگیی سەرجەم هێزە ئەمنییەكانی هەولێر، پلانێكی ئەمنیی تۆكمەیان بۆ رۆژانی جەژن داڕشتووە و بەوپەڕی وریاییەوە پارێزگاری لە ماڵوحاڵی هاوڵاتیان دەكەن.

لە لایەكی دیكەوە، نەقیب هۆگر عەزیز، وتەبێژ و بەڕێوەبەری ڕاگەیاندنی پۆلیسی هەولێر گوتی، پلانەكە لە ناوشار و دەرەوە پەیڕەو دەكرێت و تێكڕای هێزە ئەمنییەكان (پۆلیسی هەولێر، پۆلیسی نەهێشتنی تاوان، پۆلیسی چالاكییە مەدەنییەكان، پۆلیسی دەرەوەی شار) سەر و ماڵ و گیانی هاووڵاتیان دەپارێزن.

بە وتەی بەڕێوەبەری ڕاگەیاندنی پۆلیسی هەولێر، بەندیخانەی ناوەندیی هەولێر ڕۆژی دووەمی بۆ ئافرەتانە و رۆژی سێیەمی جەژنیش بۆ پیاوان كراوەیە لە كاتژمێر 8ەوە تا 12ی نیوەڕۆ.

ڕاگەیاندنی پۆلیسی هەولێر

ئومێد بابان

07504302755

This email address is being protected from spambots. You need JavaScript enabled to view it.