پشووی جەژنی ڕەمەزان لە هەرێمی کوردستان دیاری کرا. . .

وتەبێژی حکوومەتی هەرێمی کوردستان، پشووی جەژنی ڕەمەزانی لە هەرێمی کوردستان ڕاگەیاند.

 لە پەیامێکدا کە ماڵپەڕی فەرمیی حکوومەتی هەرێمی کوردستان بڵاوی کردەوە، سەفین دزەیی، وتەبێژی حکوومەتی هەرێمی کوردستان ڕایگەیاند "پشووی جەژنی ڕەمەزان لە ڕۆژی یەكشەممە 7/3ەوە دەستپێدەكات، و تا ڕۆژی 7/9 بەردەوام دەبێت و دەوامی ئاسایی لە ڕۆژی یەكشەممە 7/10 دەست پێدەكاتەوە. "

بەو بۆنەیەوە، وتەبێژی حکوومەتی هەرێمی کوردستان، گەرمترین پیرۆزبایی ئاراستەی پێشمەرگە قارەمانەكان و خانەوادەكانیان و خانەوادەی شەهیدانی سەربەرزی كوردستان و تێكڕای موسڵمانانی كوردستان و عیراق و جیهان کرد و هیوای خواست ئەم جەژنە ببێتە مایەی سەقامگیریی كوردستان و پتەوبوونی یەكڕیزیی گەلەكەمان و دەرچوون لە گرفت و قەیرانەكان.