بەڕێوەبەرایەتیی پۆلیسی پارێزگای هەولێر، دەستگیركردنی دوو باندی دزیكردنی ڕاگەیاند كە لە هەولێر و دەوروبەریدا چەند دزییەكیان كردووە.

لەو بارەیەوە، نەقیب هۆگر عەزیز، وتەبێژ و بەڕێوەبەری ڕاگەیاندنی پۆلیسی هەولێر ئاشكرای كرد، لە ماوەی ڕابردوودا دوو باندی دزیكردنیان قۆڵبەست كردووە كە لە چەند تاوانێكی دزیكردن لە هەولێر و دەوروبەری، تێوەگلاون.

هۆگر عەزیز ڕوونیشی كردەوە، هەردوو باندەكە لە شەش تۆمەتبار پێك هاتوون و بەم زووانە زانیاریی زیاتر سەبارەت بە ناسنامەی تۆمەتباران و چۆنیەتیی دزیكردنەكان بۆ میدیاكان دەخەنە ڕوو.

ڕاگەیاندنی پۆلیسی هەولێر

ئومێد بابان

This email address is being protected from spambots. You need JavaScript enabled to view it.

 

سێ منداڵ لە هەولێر خنكان

لە شاری هەرشەم٢ی نزیك ناحیەی بەحركە لە پارێزگای هەولێر، چوار منداڵ كەوتنە ناو گۆمێكی ئاوەوە كە سیانیان خنكان و یەكێكیشیان ڕزگار كرا.

نەقیب هۆگر عەزیز، وتەبێژ و بەڕێوەبەری ڕاگەیاندنی پۆلیسی هەولێر ڕایگەیاند، دوێنێ (٩\١٢\٢٠١٥)، بنكەی پۆلیسی بەحركە لە بوونی ڕووداوی خنكان لە ناحیەی بەحركە - شاری هەرشەم٢ ئاگادار كرانەوە، دوای چوونیشیان بۆ شوێنی ڕووداو، دەركەوت كە چوار منداڵ كە بە ڕەگەز كوردی ڕۆژئاوان، كەوتوونەتە ناو گۆمێكی ئاوەوە.

بە وتەی نەقیب هۆگر، توانراوە یەكێك لە منداڵەكان بە ناوی (قەساب مەیسۆ بەرەكات) تەمەن (١٢) ساڵ ڕزگار بكرێت كە دانیشتووی گەڕەكی باداوەیە، بەڵام ئەوانی دیكە بە ناوەكانی (باسێ مەیسۆ بەرەكات) تەمەن (٩) ساڵ، (جەمیل محەممەد رەشۆ) تەمەن (٧) ساڵ، (حەمود مەیسۆ بەرەكات) تەمەن (١٠) ساڵ، گیانیان لە دەستدا و تەرمەكانیش ڕەوانەی پزیشكی دادی كران.

وتەبێژی پۆلیسی هەولێر دەشڵێت، دادوەری لێكۆڵینەوە بڕیاری دا بە وەرگرتنی وتەی داواكارانی مافی كەسیی خنكاوان، تا ئێستایش لێكۆڵینەوە بەردەوامە.

ڕاگەیاندنی پۆلیسی هەولێر

This email address is being protected from spambots. You need JavaScript enabled to view it.