براو هاوڕێ و هه‌ڤاڵی هێژام شێخ جه‌عفه‌ر شێخ مسته‌فا

سڵاوێكی‌ گه‌رم،

به‌بۆنه‌ی‌ ئه‌و سه‌ركه‌وتنه‌ مه‌زنه‌ی‌ ئه‌مڕۆ هێزه‌كانی‌ پێشمه‌رگه‌ی‌ كوردستان به‌ پاڵپشتی‌ و پشتیوانی‌ فڕۆكه‌كانی‌ هاوپه‌یمانان توانیان گونده‌كانی‌ "وه‌حده‌، خالید، سه‌عد" ئازاد بكه‌ن و ئاڵای پیرۆزی‌ كوردستان هه‌ڵ بكه‌ن، به‌م بۆنه‌یه‌وه‌ پیرۆزباییه‌كی‌ گه‌رمتان ئاڕاسته‌ ده‌كه‌م و ده‌ستخۆشی و ماندوونه‌بوون له‌ یه‌كه‌یه‌كه‌ی‌ پێشمه‌رگه‌ قاره‌مانه‌كان و فه‌رمانده‌ چاونه‌ترسه‌كان و جه‌نابتان ده‌كه‌م.

هه‌ر له‌و رۆژه‌ی‌ جه‌نگی‌ دژ به‌ داعش دروستبووه‌، جه‌نابتان وه‌ك نموونه‌ی‌ فه‌رمانده‌ی‌ قاره‌مان و ئازای‌ گه‌له‌كه‌مان هه‌میشه‌ له‌ ریزه‌كانی‌ پێشه‌وه‌ بوونه‌و هیوادارم هه‌میشه‌ سه‌رفراز و سه‌ركه‌وتوو بن.

كۆسره‌ت ره‌سوڵ عه‌لی‌

جێگری سه‌رۆكی‌ هه‌رێمی‌ كوردستان

16/3/2015