کۆڕبەندى کۆمەڵایەتى جیهانى تونس لەبەروارى 24-3 بۆ 28-3 دەستى بەکارە و چالاکیەکانى کرد بەبەشدارى زیاتر لە 120 ووڵات و سەدان رێکخراو کۆمەڵە و کەسایەتى دەستى بەکارەکانى کرد.

سەرەتاى کارەکانى کۆڕبەندەکە لە مەیدانى باب سعدون خۆپێشاندانێکى هەزاران رێکخرا بۆ بەردەم مۆزەخانەى باردۆ بە ناوى خۆپێشاندان لەدژى تیرۆر .
بەشداربوانى کۆڕبەندەکە لە دەرەوەى ووڵات 5 هەزار کەس بوو کە زۆر کەمتر بوو لە ساڵى 2013 کە 70 هەزار کەس بەشداریکرد تێدا.
رێکخەرانى کۆڕبەندەکە هۆکارى کەم بەشداریکردن دەگەرێننەوە بۆ روداوى باردۆ و کارە تیرۆریستیەکان لە تونس، بەڵام بەپێچەوانەى ساڵى 2013 خەڵکى تونس بەگرنگیەوە باسى کۆڕبەندەکەیان دەکرد و شەقامى تونسى گرنگى پێدەدا.
لە کۆڕبەندى کۆمەڵایەتى تونس دەیان سیمینار و گفتوگۆ کرا لەلایەن رێکخراوى ووڵاتان لە زانکۆى مەنار کە زۆربەى سیمینارەکان لەسەر سیاسەتى نێودەوڵەتى و کێشە دبلۆماسیەکان و ئابوورى و نەوت و ئافرەت و بوارى پەروەردە و کۆمەڵایەتى و ژینگەى بوون.
لە نێو ئەو سیمینارانەدا مەسەلەى کۆبانى و شەرەڤانان و شنگاڵ و ئێزیدیەکان مەسەلەیەکى گرنگ بوو تێدا، هەروەها قسە لەسەر کێشەى ئاو لە نێوان تورکیا و عێراق و ئێران کرا .باس لە رزگارکردنى رووباى دیجلە کرا لە گرتنەوەى .
لە هەرێمى کوردستان رێکخراوى مەسەلە سەرپەرشتى کارەکانى کۆڕبەندەکەى دەکرد و یەکێکە لە رێکخراوە دامەزێنەرەکانى ئەمساڵ میواندارى رێکخراوى کارى شەفافیەت بۆ نەهێشتنى گەندەڵى لە سلێمانى و لە هەولێریش رێکخراوى بیمەى کرد.
جگە لەم رێکخراوانە هیچ رێکخراوێکى هەرێمى کوردستان چ وەکو تاک یان وەکو رێکخراو بەشداری نەکردووە لەعێرق و شارەکانى تر چەند رێکخراوێک بەشداربوون کە کۆى گشتى بەشداربوانى عێراق 26 کەس بوو تەنها 6 کەسى کوردبوون.