ژبو کو پێژانێ کوردستانێ د هەر وەرچەرخانەکێدا بێتە پاراستن و هەموەلاتی د تەناهێدا بژین. پێتڤیە هەمی ئالێن کوردی، دوور ژهزرێن چەوت و ناکوکێن بێ بها، ب دوربینی پێشەروژا کاودانێ ئیرویێ کوردستانێ ب شوپینن. وەلاتی د کومتیکاندا ب بینن و بەرژەوندیا گەل لسەر هەر بەرژوەندیاکا دی راگرن. بیر ل یەک گرتنەکا ب هێز و خودان بنگەهەکا نەلڤ بکن. رێکا هەر دەرزینەکا ژ بەرئێکچونا ناڤمالا کوردی بگرن و وەنەکن دوژمن ب لەیزتوکا گەلێ کورد بو هەر ئالوزیەکا ناڤخوی یا نە چاڤەرێکری بخرینن.

 

یا دیارە کو ئول و نەتەو، ئالاڤێن خوەراگرتنا گەلێ کوردە. هەر دوو ژی تەمامکەرێن یەکن. لەوماژی لێڤەگەر لسەر بنسترا ڤان هەر دوو ئالاڤا دێ سەرکەفتنەکا ئێکجار مەزن ب دەست بخە و بێ جوداهی هەمی ئالێن کوردستانی دێ همبێز بکە. ئەڤەژی دێ رێکا گومانێ و خیانتێ د هەر کاودانەکێ دا بگرە. ماویتێکرنا دوژمنا وێ بدە راوەستاندن. سەنگەکا مەزن وێ بدە مللەتی. تەپکێن ڤەشارتی ژبەری پێکەفتنێ وێ بێنە ڤەدیتن. یا فەرە ب زیترین دەم پێنگاڤێن پیت دڤی واریدا بێنە ئاڤێتن و لێڤەگەرەکا ئولی و نەتەوی بێتە راگەهاندن. هەمی پارتێن سیاسی و تەخێن جڤاکێ خوە دناڤدا ب بینن و هەمی ئولێن کوردستانێ ژی جهێ خوە د لێڤەگەرا ئولیدا بگرن.

 

دڤێ تێکڤەدانێدا و پشتی دەربازبونا نیزیکی سەد سالان لسەر ژ ناڤچونا سەلتەنەتا ئوسمانیان، وەسا یادیارە کو دیسا دیروک وێ توفێ خوە بقەلشینە و پیلانگێریەکا نوو یا نە جاڤەرێکری برێڤەیە. کو روژهەلاتا ناڤین سەر ژ نوو وێ بکەڤە بەر بڤرێ دابەشکرنێ و سەیرترین رودان وێ بێن دیتن. لەوماژی ژبو کو جارەکادی زورداری ل گەلێ کورد نەئێ کرن و هیڤی و ئارمانج نەفەتسن و دەستکەفتی بێن پاراستن، پێتڤیە گەلێ کورد لسەر پیابە وانە ژ کێماسی و خەلەتێن دیروکی وەربگرە و ئامادەبە بو هەر ئەنجامەکا نە دیار. ئالاڤێن کاریگێر ێن دەستخستنا هەر ئەرینیەکێ نەئێن پاژڤەلێدان و سود ژ هەر رێبنەکێ بێنە وەرگرتن.

 

 

سەدیق سنداڤی

 ئەلمانیا