جێگای داخە لە کاتێکدا، میللەتەکەت زامدارە و بەدستی داعش وئاغای قاسمیەوە لەناو شەپۆلی خوندا دەتڵێتەوە، کەچی تۆش لەهەندەران کەیفم بۆ دەکەیت و سەرەڕای ئەوەش هەرەشە و گوڕەشەش دەکەی!

شاژنی ئەلیزای بەریتانیا، شوکر بۆ خوا لەسایەی گۆران، خەڵکی ستەم دیدەی سلێمانی بێدارە، شار بەدەرن ئەوجارە، تۆ دەتەوێ بەو قسە پڕ و پیرەژنانە، خۆڵ بکەیتە چاوی خەڵکی سلێمانی و کوردستان ! تۆلەکەیەکەوە ئاوا خەمخۆر و دلسۆزی یەکێتی بووی ؟ ! هەردوێنی بوو چ زوو لەبیرت چوو بۆیەکەم جار لەساڵی ٢٠٠٣ لە بەهەشتەکەی بەریتانیا بەسەرفەر و سیاحەت هاتیتەوە بۆ کوردستان ! ئێستاش قور دەپێوی و دڵت بەسۆیە و خواردن و خۆراکت لێ براوە و چۆکت شکاوە بۆ شەهیدان و پێشمەرگە و ئافرەتانی کورد و منداڵە چاوگەشەکان رەحیماوا و ئاو و کارەبا و باری ئابووری کوردستان ! بەسە ئیتر زۆرمان گوێ لەو قسە بێبنەمایانەی تۆو ئەمسالی تۆبوو، زۆرن ئەوانەی کە دەیان ووت دەبێ شارەوانی بمانشارێتەوە ! تۆ دەتەوی لەو روانگەوە راستیەکان دیزە بەدەرخۆنە بکەیت، هەموو کەس باسی یەکێتی بکات بۆ تۆ باسکردنی یەکێتی بڤەیە، خۆت وانیشان دەدەی کە بەشەرتی چەقۆ یەکێتی عەیار ٢٤ی ! تۆ بەخۆت و منالەوە لە بەهەشتی ئەوروپاوە دانشتوون، کەچی هەرەشە لەکادرو سەرکردایەتی ومەکتەبی سیاسی دەکەی، چی تر ئەو سوکایەتی وبێ رێزیەت لێ قەبوول ناکەین و بۆت ناچێتە سەر، من زۆر بەکورتی بە ئەدەبەوە وەلامت دەدەمەوە، وادیارە لەگەڵ رێزمدا کادرو سەرکردایەتی و مەکتەبی سیاسی، هەموویان خەساون بە دەستی تۆوە، بۆیە بێ دەنگن لەئاست لێدوان و کارە نابەجێکانی تۆوە ! من نازانم تۆ شانازی بەچیەوە دەکەیت، بە مێژووی پاکت، بە ئێش و ئازاری سەردەمانی شاخت، بە دزی وبردنی قووتی هەژاری بێ باکت، بەدانای ملیارەها دۆلاری بانقەکانت ؟!                                        وادیارە زۆر بەپەرۆشی بۆ بێ کارەبا و بێ ئاوی خەڵکی کوردستان، گەردرۆناکەی بۆ بەیەکجاری خۆت مناڵەکانت ناگەرێیتەوە و دەست بەرداری بەهەشتی هەندەران بی لە ناو ئەو بێ ئاوەیە و ئەو بێ کارەبایە ژیان بەسەربەری ! گەر درۆ ناکەی بۆهەر کوری هەژار بە کوشتن دەدەن، کورەکانی خۆتان لە لەندەن لە خۆشترین جێگادا ژیان بەسەر دەبەن !                      گەر درۆ ناکەی بۆ راستیەکان دەرناخەی ئەو کۆشکی شاهانەت بەچی کریوە، لەکاتێکدا کە پێشمەرگەیەکی سەنگەر کرێی خانووی بۆ دابین ناکرێ وخواردنی گەنی و ڕزیوە!

باش بوو فیلەکەی هندوستانت بیر هێنامەوە، خۆزگە تۆش بۆ یەک چرکە بیری فیلەکەی هندوستانت بکردبایەوە، نەک هەمیشە بیری فیلەکەی خاوەن شکۆی قاسمی جمهوری نا ئیسلامی بکەیتەوە، کەرۆژانە دەیان لاوی کورد لە سیدارە دەدایت و بەشانازییەوە وێنەی لەگەڵدا دەگری ! لەسایەتی سەری تۆوە، ئێستا ئاغای قاسمی وەک جنۆکە لەگەڵمانە، سێبەرمانە، لەسەر سفرەی ناخواردن لەگەڵمانە لەسەرتەختی شەوان دەستی لەسەر دڵمانە، تاجی سەرە و چاومانە و مێردی دایکمانە !

کام پلەو پۆستەیە تۆ باسی لێوە دەکەیت و بەدەستمان هێناوە ؟ بۆ لەسایەی تۆوە پلەو پۆست ماوە ؟، هەرچی هەبوو قۆرختکردوە، هەمووتان بردوە لەسەرخۆتان تاپۆکردوە !                                                      لەسایەی تۆوە ڕێکخستنەکانی دەرەوەی یەکێتی، هەزارو پێنج سەد برینی تێکەوتووە، کامەی دەبینی بێ دەنگە بۆ خۆی خەوتووە !                                                     باش بوو بیرم کەوتەوە، حەق وایە دەستەواژەی بەشەرتی چەقۆ، لە کۆنگرەی ئایندەدا بخەیتە ناو پەیرەوەی ناوەخۆ ! راست دەکەیت ست شاناز خان، خۆت لەدەرەوەی ئەودارە گەورە بووی، بەلام خۆت پێ گەیاند لەسایەی ئەودارە و خوێنی شەهیدان و پێشمەرگە قارەمانەکانی یەکێتی وئێستا لەهەورانیش بەرزتربووی ! بەوزوانە بۆت دەردەکەوێ کە كێ خاوەن یەکێتی راستەقینەیە، کێش عەیار تەنەکەیە! تۆ چیتر ناتوانی گاڵتە بە چارەنووسی یەکێتی بکەیت و خۆت بەخاوەنی بزانی، دەبێ یەکێتیەکانی راستەقینە ئەو بریارە بدەن، چیتر لێت قەبوول ناکرێ و دەبێ زوو یان درەنگ بدرێیتە دادگا و دادوەرەکەشی کورانی عەیار ٢٤ یەکێتی دەبن و شوێنت زبڵدانی مێژووە !!!

 

٢٧/٢/٢٠١٥                              !