ژبه‌ركو روژنامه‌ڤان ونڤیسه‌ر و پوله‌تیكڤانێن كورد یێن شاره‌زاى دزمانێ عه‌ره‌بیدا هه‌ین و جاران ب زمانێ ناڤهاتى گوتاران به‌لاڤ دكن و داخوینیان ددن ودیداران و پانێلان ئه‌نجام ددن و ته‌ڤلى پروگرامان دبن بلا ئه‌زژى یه‌كبم ژوان نه‌كارینه‌ وه‌كو پێویست په‌یام و مه‌ساجا گه‌لێ كورد ب شێوه‌یه‌ك روهن و زه‌لال بگه‌هینن گه‌لێ عه‌ره‌ب ته‌نانه‌ت نه‌كارینه‌ په‌یام و حه‌زا گه‌لێ كورد هه‌رهیچ نه‌به‌ بگه‌هینن خوینده‌ڤان و ره‌وشه‌نبیرێن عه‌ره‌ب ژبو ڤێ یه‌كێژى كو خاله‌كى گرنگه‌ من هه‌ر تم وتم دگوت گه‌له‌ك پێتڤیه‌ مه‌ سازیێن ئاراسته‌كرى مینا سه‌تلایت رادیو روژنامه‌ و گوڤار وسایتێن ئه‌نترنێتێ ب زمانێن عه‌ره‌بى و تركى و فارسى هه‌بن بڤى ئاواى نه‌به‌ په‌یاما راسته‌قینه‌ و ره‌وایا گه‌لێ مه‌ نا گه‌هه‌ ڤان گه‌لان وئارێشا هه‌رى مه‌زنژى ئه‌ڤ لهه‌ڤ نه‌گه‌هشتنه‌یه‌ ژبه‌ركو رژێمێن سیاسى لڤان وه‌لاتان وه‌كى وان ڤیاى گه‌لێن خوه‌ تێگه‌هاندینه‌ و وێنه‌یێ كوردان و دوزا وان یا ره‌وا ره‌شكریه‌ ل پێش چاڤێن وان وگه‌لێ كورد وه‌كو هوڤ و ژ رێ ڤارێ ددایه‌ پێشبندان و دوزا ره‌وایا كوردیژى ب پیلانێن ئیمپریالیزمان ددایه‌ نیشاندان پێتڤیبو كوردان ئه‌ڤ ئالیێ گرنگ پاشگوه نه‌ ئێخستبا ئه‌و جورَ سازیا راگه‌هاندنێ یاكو مه‌ دڤیا ب زمانێ عه‌ره‌بیبا مه‌ مه‌ره‌م پێ مه‌دیایه‌كا كوردیا بێ ئالى و وه‌لاتپارێز كوردستان په‌رێس و ده‌نگێ دوز و ته‌ڤگه‌را كوردى با بێهنا حزبایه‌تیێ ب هیچ ره‌نگه‌كێ ژێ نه‌هاتبا و زمانحالێ كوردانبا كوردبون و دوزا كوردى ل سه‌رێ هه‌موو ئوله‌ویاتانباتنێ و تنێ زه‌لالكرنا ئارمانجا ته‌ڤگه‌را ‌وازادیخوازا كوردستانێ خه‌ما سه‌ره‌كیبا كارهاتبا كرن لسه‌ر په‌یداكرنا سوزداریێ د جادا عه‌ره‌بى یان تركى یانژى فارسیدا ژبلى یا جیهانى ئه‌ڤ كه‌ناله‌ ببا سه‌ده‌مه‌ك بهێز ژبو په‌یداكرنا لوبیه‌كێ د ناڤ گه‌لێن ناڤ بهوریدا هه‌روه‌سا گرنگیه‌كا مه‌زن ب دیكومه‌نتێن راست لسه‌ر شورشێن كوردى و سه‌ده‌مێن به‌رپا بون و شكه‌ستنێن وان كورتییا وێ كانێ چه‌وا هه‌ر گه‌له‌گ ب پوزه‌تیف و ئه‌رێنى دیروك و هه‌بونا خوه‌ نیشانى جیهانێ دده‌ مه‌ژى وه‌كربا و نه‌ زێده‌تر كو ئه‌ڤه‌ژى ئارمانجا هه‌ر كورده‌كێ یه‌ ل هه‌ر جهێ هه‌به‌ كو مه‌ كه‌نالێن راگه‌هاندنێ ب زمانێن دوژمنێن خوه‌ هه‌به‌ گرنگه‌ كو دوژمنێ مه‌ ل ده‌ردێ مه‌ بگه‌هه‌ و بزانه‌ چما دوژمناهى و كوشتن كه‌تیه‌ د ناڤبه‌را مه‌دا و چاره‌ژى وێ چه‌وا به‌ یانژى گه‌لو دوزا مه‌ چه‌ند راسته‌ و ئه‌م چه‌ند خوه‌دى مافین؟ لێ ب دیتنا من ڤه‌كرنا كه‌ناله‌كى كوردى ئاراسته‌كرى ب زمانه‌كى جیهانى مینا ئنگلیزى یانژى فره‌نسى ئیسپانى تایبه‌ت ئنگلیزى براستى دڤیا ژمێژه‌ هزر لێ هاتبا كرن چونكى هه‌تانى به‌رى شه‌رێ ده‌وله‌تا خیلافه‌تا ئیسلامى دژى كوردان ده‌ست پێ بكه‌ و سه‌هم و مه‌زناهیا وێ ژ ئالیێ كوردانڤه‌ وه‌ره‌ شكاندن وناڤێ پێشمه‌رگه‌ وه‌كو بریسكه‌كێ ده‌نگ ڤه‌ده‌ رێژه‌یه‌كا كێم ژ خه‌لكێ كورد ناس دكرن یان یانژى وه‌لاته‌ك هه‌یه‌ بناڤێ كوردستان لێ ئه‌ز پشتراستم كوردان چارێكا ئه‌و پارێن ل كه‌نالێن ناڤخوى د مه‌زاخت ل سه‌تلایته‌كێ ب زمانێ ئنگلیزى مه‌زاختبا هه‌ر هیچ نه‌با رێژه‌یه‌ك باش ژ خه‌لكێ جیهانێ وێ زانیبان گه‌له‌ك یێ هه‌ى بناڤێ كورد لێ نیڤشكێ بابه‌ تێ مه‌ ئڤه‌: ل ڤان نێزیكان ژ ئالیێ تورا مه‌دیایا nrt ڤه‌ كه‌ناله‌ك سه‌تلایت ب زمانێ عه‌ره‌بى وێ وه‌ره‌ ڤه‌كرن ئه‌ڤ تورا هه‌نێ هه‌ر تم وتم دبێژه‌ تاكه‌ كه‌نالى ئه‌هلى بێ لایه‌ن كو هیڤیا مه‌ هه‌موویانه‌ وسانبه‌ و بێ ئالیبه‌ نه‌كه‌ڤه‌ د ئه‌نیا پارتیێن كوردستانیدا ل هه‌رێما كوردستانێ لێ ب مخابنیڤه‌ ده‌ما مروڤ گوهدایا پروگرامێن ڤى كه‌نالى دكه‌ ژبو مروڤى خویا دبه‌ كو كه‌ناله‌كى ئوپوزسیونا هه‌رى هشكه‌ وسا هشكه‌ ب ره‌نگه‌كێ كو هه‌تانى ئه‌گه‌ر حكومه‌تا هه‌رێما كوردستانێ پێنگاڤه‌كێ د به‌رژه‌وه‌ندیا وه‌لاتیانداژى باڤێت ئه‌ڤ كه‌ناله‌ ده‌ستخوشیێ لێ ناكه‌ و ئه‌ڤه‌ژى نه‌سه‌خله‌تێن ئوپوزسیونانن تو د كارى بێژى ئوپوزسیونه‌كى نه‌ساخله‌مه‌ هه‌لبه‌ت كه‌نالێ كو دێ ب زمانێ عه‌ره‌بى به‌ هه‌ر ئه‌ینى تشته‌ ئه‌ینى ئارمانجه‌ ئه‌ینى په‌یره‌وه‌ ئانكو خودیكا ئێن ئارتى یا كوردیه‌ ئانكو سپیكرنا سلكا كوردایه‌ ڤێ جارێ ب عه‌ره‌بى ئه‌ز وه‌كو وه‌لاتیه‌ك گه‌له‌ك لگه‌ل هه‌بونا ئازادیا روژنامه‌ڤانیێ مه‌ وهیڤى دكم روژ ب روژ پێشڤه‌ هه‌ره‌ و چاڤدێره‌كى بهێزبه‌ لسه‌ر حكومه‌تێ لێ ب هیچ ره‌نگه‌كێ لگه‌ل وێ یه‌كێ نینم ئارێشه‌و پرتو به‌لاڤبون نه‌یه‌كده‌نگیا كوردان ب زمانێ دوژمنێ خوه‌ بێژم و خالێن لاوازین خوه‌ نیشانى دوژمنێ خوه‌ بدم چونكى ئه‌ڤه‌ژى گرێداى ئاسایشا نه‌ته‌وه‌ییه‌ باشتره‌ حكومه‌تا هه‌رێما كوردستانێ ب هه‌ما هه‌نگى لگه‌ل كه‌سانێن شاره‌زا د بوارێ راگه‌هاندن و یاسا و یاسایا روژنامه‌ڤانیێ پێنگاڤێن ژڤى ره‌نگى هاڤێتبان ل گوره‌ى یاسایه‌كا تایبه‌ت رێكخستبان به‌رى پروژێن ژڤى ره‌نگى روناهیێ ب بینن یانژى بكه‌ڤنه‌ بوارێ جێبجێ بونێ چونكى نابه‌ بناڤێ هه‌بونا ئازادیا هزر و بیران و ئازادیا ده‌ربرینێ و ئازادیا راگه‌هاندنێ هه‌مى نهێنیێن خوه‌ ئه‌شكه‌ره‌ بكین و سوبه‌هى نه‌ دووسبا ژ ده‌ڤێ مه‌ بدنه‌ ناڤچاڤێن مه‌ هیڤیدارم وه‌كو هزرو دیتنا من نه‌به‌ و ئه‌ڤ كه‌ناله‌ ببه‌ خه‌مخورێ دوزا ره‌وا و راسته‌قینه‌یا كوردى و زمانحالێ هه‌موو

كوردانبه‌ ب زمانێ عه‌ره‌بى