گەر چی هەڵبژاردن لە ئێرانی ژێر دەسەڵاتی مەلاكاندا چەمكێكی بێ واتا و بێ بنەمايە و ئەوەی هەيە لە ناو بازنەی سيستەمێكی ديكتاتۆريدا دەخولێتەوە كە پێ دەوترێ «حكومەتی ويلايەتی فەقيهی»، لێ ئەمساڵ زۆر جياوازە لە چاو ساڵانی رابردوو. .

بە نۆشكردنی ژەهری رێككەوتننامەی ئەتۆم، شەڕێكی قورس كەوتۆتە ناو دەسەڵات لە نێوان دوو باڵی خامنەئی و رەفسەنجانی دا، بارودۆخی ناوچەكە لە گۆڕانكاريی گەورەيەدا بە زيانی ئەم سيستەمە حوكمڕانيەی ئێران. باری ئابووری وڵات داڕماوە و جەماوەر زۆر تووڕەيە. ئۆپۆزيسيۆنی رووخێنەری حكومەتيش توانيويەتی بە سەر زۆرێك لەو كۆسپانەی دەوڵەتانی رۆژئاوا خستبوويانە سەر رێی تێپەڕ بێت و خۆی رێك بخاتەوە بەرەو هەنگاوێكی يەكلاييكەرەوە لەم ساڵدا كە هەموو لايەك هاوڕان لەسەر ئەوەی گۆڕانكاری گەورە لە ناوچەكە به‌ڕێوه‌یه‌.

لە هەل و مەرجێكی ئا لەمجۆرەدا هەڵبژاردن لە ئێران دەكرێت لە نێوان دوو باڵی دەسەڵاتدار لە ئێران، كە لە پێوەند لەگەڵ خەڵكی ئێران هيچ جياوازييەكيان لە نێوان دا نيە و هەر دوو باڵ بەشداربوون لە هەموو تاوانەكانی سی و چەند ساڵی رابردووی حكومەت بە ئێستاشەوە. .

هەر چەند دوای مردنی ئايەتوڵڵا خومەينی لە 13ی جۆزەردانی 1368 (1990) باڵی خامنەئی باڵادست بووە بەڵام بەرەو لاوازی چووە و تەنها بە هۆی سياسەتی هەڵە و نەرم و نيانی دەوڵەتانی رۆژئاوا، يا وەك ئاخوندان ئاماژەی پێ دەدەن (ئيمداد غەيبی!)، واتا فريادڕەسانی ناديار لە سەر پێ ماوەتەوە و نەڕووخاوە بەڵام باڵی بەزيو واتا باڵی رەفسەنجانيش تا توانيويەتی كاری كردووە بۆ هێشتنەوەی ئەم سيستەمە ديكتاتۆرييە و هاوكات هەوڵی لادانی باڵی خامنەئی داوە كە دەكرێت رێككەوتتنامەی ئەتۆم كە ئاخوندان پێی دەڵێن (بەرجام) وەك سەركەوتنێك لە ناو دەسەڵات بۆ باڵی رەفسەنجانی و روحانی تۆمار بكرێت هەر چەند كە ئەوەی جامی ژەهری ئەتۆمی بە گەرووی دەسەڵاتدا كرد، نەك باڵی رەفسەنجانی بەڵكو ئۆپۆزيسيۆنی ئێران بوو بە ئاشكراكردنی پرۆژە ئەتۆمييەكانی مەلاكان بە درێژايی 15 ساڵی رابردوو. ئەگينا رۆژئاوا لێی بێ ئاگا بوو!

لە حاڵی حازردا خامنەئی بەرەوڕووی چەندين قەيرانی كوشندە بووەتەوە، باڵی رەفسەنجانی و هەڵبژاردن لە لايەك و تووڕەيی جەماوەری خەڵكی ئێران لە لايەكيتر كە هاكا وەك بوركان كەوتە گەڕ. . بەڵام لەم دووانە كوشندەتر، ئەو گۆڕانكارييەيە بەرێوەيە و لەناوبردنی دەسەڵاتی مەلاكانی ئێرانی لە ناخدايە.

وەك ئاماژەدانێك بەو هەڵتەكاندنە، خامنەئی لە وتارێكی ئەم دواييانەيدا وێڕای رێزگرتن لەو پاسدارانەی لە سوريا لە لايەن ئۆپۆزيسيۆنی سورياوە كوژراون وتی: ”ئەگەر ئەوانە نەبوونايە كە لە سوريا كوژران، دوژمن رووی لە ناوخۆی وڵاتمان دەكرد و ناچار دەبووين لێرە، واتا لە كرماشان و هەمەدان و پارێزگاكانيترمان بجەنگين” (ماڵپەڕی انتخاب، سەر بە حكومەت 16ی رێبەندان). واتا دەسەڵاتدارانی ئێران لەوە گەيشتوون و تەنانەت نايشارنەوە كە شەڕەكە بەرەو ناو خاكی ئێران لە نزيكبوونەوەدايە و ئەوەش دەرفەتێكی مێژوويی دەدات بە ئۆپۆزيسيۆنی ئێران و هەڵڕشتنی رق و كينی پەنگخواردووی جەماوەر بەرانبەر بە دەسەڵاتداران و رەوڕەوەی دوو (سوپای ئازادی و سوپای راپەڕين) دەكەونە كار و كە كەوتە كار ئەمجارە بەری پێ ناگيرێت.

كەواتە دەرەنجامی ئەو هەڵبژاردنە، هەر چييەك بێت، هيچ لە پێناسەی ئەو حكومەتە و بەرنامە و سياسەتەكانی ناگۆڕێت بەڵام ئەوەی گرينگە ئەوەيە كە ئەم حكومەتە دوای هەڵبژاردن لاوازتر دەردەكەوێت. ئەوەش خۆی لە بەرزبوونەوەی رێژەی ئيعدام و تيرۆر و توندڕۆيی و دەست تێوەردان لە كاروباری وڵاتان دەردەخات كە هەڵبەت كاتی دەبێت و بە خێرايی ئەپووكێتەوە و . . . تاد.

ئەوەی پێويستە جێی سەرنج و بەدواداچوونی هەموو لايەك و بە تايبەت هێزە ديموكراتی و نيشتمانييە ئێرانيەكان بێت بە كورديشەوە، بە پلەی يەكەم، ئامادەكارييە بۆ قۆستنەوەی ئەو دەرفەتە ئاڵتونيەی ئەمساڵ هاتۆتە ئاڕا و دەسەڵاتدارانی ئێرانی به‌ ته‌واوی لێی تۆقاون بە هەر دوو باڵەكەيەوە و بە پلەی دووەم، بايكۆتكردنی هەڵبژاردنەكەيە ئەمساڵيش. چون بايكۆتكردن تاكە پێوەرە بۆ تاك و لايەن كە ئاخۆ لە بەرەی حكومەتدايە يا بەرەی بەرانبەری، لەگەڵ ئەوەشدا بايكۆتكردن واتا رەتكردنەوەی بنەما و سيستەمی ويلايەتی فەقيهی كە مەترسيدارترين جۆری ديكتاتۆرييەتە لە مێژوودا.

وەك بەڵگەيەك بۆ راستييەكان، شەڕی ئەمجارەی دەسەڵاتخوازی لە نێوان باڵی خامنەئی و رەفسەنجانيدا ئاماژەيە بە دواقۆناغی ئەم حكومەتە بەر لەوەی بەهاری ئێرانی ئامانجی خۆی بپێكێت.

دواوتە. .

هەروەك وتراوە ”مار هەرگيز كۆتری لێ ناكەوێتەوە”. واتا بە پشت بەستن بە ئەزموونی 37 ساڵی رابردوو، ئەم حكومەتە هەرگيز ئيسلاحی و مۆدێرە و ريفۆرمخواز و . . . هەڵناگرێت و تاكە رێگە له‌ناوچوونی ئەم حكومەتەيە و داڕشتنی سيستەمێكی نوێی شارستانيانەی ديموكراتی و نيشتمانی بە پشت بەستن بە دەنگ و رەنگی هەموو بەشەكانی گەلی ئەو وڵاتە بێ جياوازی، كە پلاتفۆرمی سەرۆكی ئۆپۆزيسيونی ئێرانی كە لە (10)خاڵدا راگەياندراوە باشترين نموونەيەتی و مافە سەرەتاييەكانی كورديشی تێدا گەرەنتی كراوە.

22ی فێبرایری 2016