کـوڕم چەکــــەکەت بـــــکەرە شـــانت
بۆ رێــگای بـەرزی مـــان و نەمــانت

سنگت قەڵـــغانی خـــاکی پیــــرۆز بێ
گیانت مەشـخەڵی گـڕی نـــەورۆز بێ

نەکـەی بتـــــرسی لە وشەی مــــردن
ئـازادیت بوێت و . . گیان بەخت کردن

گیــانێ نەســـووتێ بۆ وڵاتــــــــەکەی
خـوێنێ نـــەڕژێت بۆ بەراتــــــــەکەی

ئەبێ چەوساوە و هـەر ژێـردەستە بێ
گریان و رۆڕۆ . . هـاوار بەسـتەی بێ

لە کوردســـــــــــــــتانی داگیـــرکــراوا
لەو خــــاکە پاکـــــــەی زەوت کــراوە

بـــــگرە و بــــکوژە لە داگـــیرکـەران
گیانت بەخـت کە و بیـــکە بە قـوربان

ئەوسـا من دایـکی جـــگەرسووتــاوم
بۆکـــــــــــڕووزی دێ دڵ و هـەنــاوم

قوربـــانی ئەدەین بۆ رێـی ئــــــازادی
مـــرۆڤ لە دیـــلی ئەخــەینە شــــادی

ئەبیت بە هاوڕێی ئەستێرەی ئاسـمان
نــاوت ئەهێــنین بە چـــــــەپڵەڕێــزان

بڕیـاربێت نەگریم . . فرمێسک نـاسڕم
یەخـــە و بــەرۆکی کــــراس نــــادڕم

رۆڵە ڕۆ ناکەم . . چونکە نەمـردووی
خاک بۆ مژدانەی ژین هەڵی گرتووی

فرمێسکی قەتیس قرچەی ناو جەرگم
ئەکەم بە خــەندەی سەر لێو و بەرگم

چونکە شــەهیدی بەرگی رەش ناکەم
بە خـــوێن رازاوە رەنــگی ئــــاڵاکەم

سەبریە نوری قادر ( دایکی سۆلاڤ )
سوید : ٢٢/٢ / ٢٠١٤