د.فەرهاد پیرباڵ، ڕووناكبیر و نووسەری كورد، دەخوازێت لە چوارڕێیانێكی عەنكاوەدا مێژووی سوڵتان موزەفەر و سەڵاحەدینی ئەیوبی زیندوو بكاتەوە و بە ئامادەبووان بڵێت، ئەو دوو زاتە ئاشتییان لە رۆژهەڵاتی ناویندا بەرقەرار كرد و نەیانهێشت مەسیحییەكانی كوردستان لەنێو بچن و كوشتوبڕی كریستیانەكانیان حەرام كرد.

 

د.فەرهاد لە لێدوانێكدا ڕایگەیاند، پڕۆژەیەكی بە ناوی دامەزراندنی مۆزەخانەی سەرشەقامەوە ئامادە كردووە كە ئەم پڕۆژەیە باكگراوندەكەی تێركردنی رووداوگەلێكی مێژوویی سەردەمی سوڵتان موزەفەری هەولێریان و سەڵاحەددینی ئەیوبی لە خۆ گرتووە كە وەك بنچینەیەك كردوویەتی بە بنەمای پڕۆژەكە.

د.فەرهاد دەڵێ، ئا ئەوانە ئاشتییان بۆ رۆژهەڵاتی ناوین بەرقەرار كرد و نەیانهێشت مەسیحییەكانی كوردستان لەنێو بچن و كوشتوبڕی كریستیانەكانیان حەرام كرد.

پیرباڵ دەیەوێ لەو ڕوانگەیەوە بە وێنە و تابلۆ و نەخشەسازی و تێكەڵكردنی ڕەنگەكان، رووداوگەلێكی مێژوویی لە هێمای ئاشتیانەدا وێنا بكات؛ ساڵانی رابردوویش هەر لەوێدا بە درێژایی ٦٠ مەتر لە زستانێكی زۆر سارددا، هەشت شەو و هەشت رۆژ وێنەی دورست كردن، ئا ئێستایش دەیەوێ وەها جارێكی دی بە ناوی مۆزەخانەی سەرشەقامەوە داهێنانێك بخاتە ڕوو.

وەك پیرباڵ خۆی گوتی، دەخوازێت بەم زووانە مۆزەخانەی سەرشەقام لە چوارڕێیانی عەنكاوە بەرامبەر (هۆتێل لاماسۆ) بكاتەوە.

 

Pishderi81@gmail.com