) له‌و دیو دێوجامه‌ی نائومێدیدا گۆرستانه‌كانیان ئاوه‌دان ده‌كرده‌وه‌. . .

چ خه‌مت بوو. هه‌ردوو چاوت گیرا بوو

جێی تاڵه‌ هه‌تاوێكیان تیا نه‌مابوو. . .

(ئیساكا) ت له‌ چاوێك و (پنلۆپ) ت له‌ چاوه‌كه‌ی دی هه‌ڵگرتبوو. . . )

چۆله‌كه‌یش هێللانه‌ی هه‌بوو

شه‌وان سه‌ری غه‌ریبی خۆی پی ده‌كرد

بی مرادی،

له‌ كاروانسه‌رای (شكۆ) وه‌ ده‌ستی پێ كرد. . .

ڕه‌زمگێران،

تاسه‌ی كروزانه‌وه‌ی وڵاتێك بوون

نه‌ته‌ختی هه‌بوو نه‌ ته‌لار

له‌ بێپه‌روایی زه‌مه‌ندی خه‌ونه‌كانمان نه‌خشابوون. . .

(ئه‌وه‌ وڵاتی من نییه‌ وه‌رزبازیی

وێنه‌ی تنۆكه‌ ئاره‌قێك

به‌لاجانگی دێته‌ خواری. . .

ئه‌وه‌ وڵاتی من نییه‌،

چۆله‌كه‌ له‌به‌ر خۆری مه‌له‌ بكه‌ن و

بارانی لی نه‌باری. . . )

ته‌می سه‌ر گه‌شته‌یی نه‌بوو ئه‌وه‌ كریڤ

سنگی پێگوزه‌ر

تیلاكی ناكامی

شه‌وقی چاوه‌ڕوانی و

(باران) ی دۆستی هه‌ژاران بوو. . .                                              

ده‌ره‌وشانه‌وه‌ی تارماییه‌كان،

توانه‌وه‌ی ڕه‌شه‌با بوو. . .

مه‌گه‌ر نه‌تدی؟

خونچه‌ی به‌ چڵان و

بارانی به‌ هه‌ورانه‌وه‌ نه‌هێشتبوو. . .

مه‌گه‌ر نه‌تدی؟

چه‌ند ڕه‌ش بوو. . .

به‌ چڵی هه‌تاو توایه‌وه‌؟

مه‌گه‌ر

نه‌تدی؟

(مه‌ڵبه‌ندی دنیا نه‌بوو ئه‌و

شه‌وێكی درێژدادڕ بوو. . .

بێزاری بوو تا ڕاده‌ی

بێزاری شه‌و. . . )

ته‌نی ئاڵای سه‌ری خۆی بوو

ته‌نی من بوو. . .

جامی له‌ ده‌ست شازاده‌ی ساماڵتان نابوو

خوێنی من بوو. . .

تۆ ته‌ماشا. .

ئه‌و زاده‌یه‌ بی وێنه‌یه‌

به‌ چ ژانێكی گلاراو له‌ دایك بوو و

ماڵئاوایی له‌ نیشتمانی برینه‌كان كرد

ته‌ماشا .

له‌ شه‌قامه‌ سه‌رمه‌دییه‌كانی مێژوودا

پیاسه‌ت ده‌كرد. . .

ساڵی سی زستان و

چوار زستان و

پێنج زستانت دی

له‌ ئه‌شكه‌وتی سڕ و بن تاوێران. .

له‌ چاوی هاورێكه‌ت به‌ده‌ر

یاوه‌رێكی دیكه‌ت نه‌بوو. . .

تۆ هه‌ر ڕووه‌و بناوان كشای. .

هه‌بوو هه‌ر زوو چیرۆكه‌كه‌ی دوا پی هێنا

تۆ هه‌ر ڕووه‌و بناوان كشای. .

ڕووه‌و شكۆی گوڵڕه‌نگی ژیان

ڕووه‌و حه‌قیقه‌ته‌كان هه‌مووووی. . .

دێسێمبه‌ری 1991


ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.