ئەوەی لە دوای کۆرەوەکە بۆ کورد رێککەوت، سەبارەت بەرەو هەنگاونان بەرەو دەوڵەتی کوردی، لە مێژودا نەک بۆ خودی کورد بۆ هیچ نەتەوەیەکی تر بێ دەوڵەت لە سەر گۆی زەوی رێک نەکەوتوە. 

ئەنجومەنی ئاسایش بە بریاری ٦٨٨-٥/٤/١٩٩١، ناوچەیەکی ئارامی رەخسان، دەرفەتی دا بە کورد خۆبەرێوەبەرایەتی بەکات، کورد هیچ کێشەیەکی نەبوو تەنیا تێرکردنی دانیشتوانەکەی و هۆشیار کردنەوەیان نەبێت. زۆری نەبرد بە بریاری ٩٨٦-١٤/٤/١٩٩٥ نەوت بەرامبەر بە خۆراک ترسی برسیێتیش رەویەوە، ئەوەی ما, کورد تەنیا بەتوانێ نمونەیەکی جوانی بەرێوەبەرایەتی خۆی پیشانی جیهان بدات لە دەرفەتێکا بە خشکەیی دەوڵەتی خۆی رابەگەیەنێ.
هەرسهێنانی دەوڵەتی عێراق لە شەری هاوپەیمانان لە ساڵی ٢٠٠٣، ئەو هەلە مێژوویە بوو بۆ دەوڵەتی کوردی. بەڵام دوو دڵی سەرکردایەتی حزبەکان، ترسی داخستنی سنورەکان بوو بە روی دەوڵەتی کوردیدا و بە فشاری خراپ گوزەرانی دانیشتوانی دەوڵەت، خۆی پێ نەگیرێ لە باربرێ.
لە ٢٠٠٣ تا ٢٠١٤، کورد لە چوارچێوەی عێراق وەکو هەرێمێک هەژمار کرا. ئەو ترسە ئابورییەی نەیهێشت دوڵەت لە دایک بێت، لەم ماوەیەدا باشترین دەرفەت بۆ کورد رەخسا، بە پارەی لێشاوی عێراق، ژێرخانێکی ئابوری بەهێز دامەزرێ ئیدی دەوڵەتی نوێی کوردی پێویستی بە سنورەکان نەبێت. بەتایبەت کە شەری داعش رووی لە ناوچەکە کرد، کورد گەر لە دوای راپەرین تەنیا ستراتیژیەتی یەکخستنی ماڵی کوردی و هۆشیارکردنەوەی تاکی کۆمەڵگەی هەبوایە. دواتر لە ساڵی ٢٠٠٣ بە دواوە زەمانەتی چەند ساڵێکی بژێوی خەڵکی لە ئەستۆ گرتبا. ئێستا دەوڵەتی کوردی تەنیا بەیاننامەی راگەیاندنەکەی کەم دەبوو.
بە دانپێنانی سەرۆکی حکومەتی هەرێم، کە کوردستان لە قەیرانێکی خراپتر لە ساڵی ١٩٩١، و دوو پارچەیی سیاسی هەرێمی کوردستان و نا هۆشیاری تاکی کۆمەڵگاکەی و نە بوونی هێزێکی چەکداری نیشتیمانی. بۆ کوردی باشور پێش قۆناخی دەوڵەت هەرێمێکی بەهێز باشترە.