گەر مێژووی گەلەكەمان بنوسرێتەوە ، زۆربەی راپەڕین و شۆڕش بووە، دەرئەنجامی شكەست ومالوێرانی بووە، بەردەوام بەشی سەرەكی دەسكەوتەكانی بریتی بوونە لەكوشتن، دەركردن، ئاوارەبوون ، زیندان ، سێدارە ، شوناسی مرۆڤی كوردی خەباتگێرلای داگیركەران بریتی بووە، لە یاخیبوو ، تێكدەر، بەكرێگیراو، جاسوسی بێگانە، ئێستاش بەتیرۆریست‌ ناودەبرێن.

سیاسەتی بێ باكانەی داگیركەران و بەرژەوەندی ئەو وڵاتە زلهێزانەی، كوردستانیان بێ ویستی گەلەكەی دابەشكرد، تا ئەمڕۆش لێناگەڕێن كوردستانێكی سەربەخۆ، لە هیچ ئاست و قەوارە و جوگرافیایەك دروست ببێت، داخوازیەكانی گەلێكی دابەشكراوە لەخەونیشد بوونی نەبێ، ببێتە هۆكارێكیش بۆ سەركردەكان كەبریاری قورس و پێویست نەدەن وزۆر جاربۆ پاراستنی بەرژەوەندی داگیركەران، فێڵ لە خۆیان وگەلەكەیان بكەین .

هێزە كوردیەكانی رۆژئاوا، كە پەیەدە نەخشەدارێژەر وھێزی كاریگەرو خەباتكارو قوربانیدەر بوو، توانی ببیتە خاوەن پێگە ودەسەلاتێكی خۆجێی ، جێگای دلخۆشی بەشێكی زۆری كوردان بێت لەهەر چوار پارچەی كوردستان، یەكێتی نیشتمانی كوردستان لەم روەوە بەشێك لە ئەركی نەتەوەیی خۆی بەجێ هێناوە و بەشێوەیەكی فەرمی دانی بە ئیدارەی رۆژئاوادا دانا ، هاوكاری و پشگیری مادی و مەعنەویان بووە، ئەمڕۆش كە دروشمی فیدرالیان هەڵبژارد بۆ ئایندەی سوریا، سەرەرای هەستكردن بە توڕەیی تورك و كاردانەوەی هەندێ وڵات، بەڵام دیارە حەق دەسێندرێ، نادرێ، نەبووە داوای كەم بكەن و زۆرمان پێببەخشن ، دەكرا لە فیدرالیش زیاتر داوابكرێ، بەڵام مەسەلەكە پێویستی بەهەنگاوی لەمە گەورەترە، لەسەر ئاستی هەرێمی كوردستان و ناوچەكە .

یەكێتیی وەك ستراتیژ، كار بۆرزگاری گەلی کورد دەكات لە هەموو پارچەكانی كوردستان بەگشتی و رۆژئاوای کوردستان بەتایبەتی، كە ئێستا بەشێکی زۆر لە ناوچە کوردستانیەکانی ئازاد كردوە، چارەنوسی کوردستان بەگشتی رۆژئاوای کوردستان بەتایبەتی بەلایەو یەكێتی گرنگە، لەسەرەتاوە یەكێتی كەمتەرخەمی نەنواندوە بەرامبەر بەگەلەكەمان لەڕۆژئاوا ئەگەر لەئاستی پێویستیش نەبوبێ، لەوانەیە هۆكاری تایبەتی خۆی هەبێ، بەڵام ئێستا كاتێكی گرنگ و پێویستە بۆ ئەوەی یەكێتی و هێزەشۆڕشگێرەكانی تر هەموو توانا مادی و مەعنەوی و دیبلۆماسیەكانیان بۆ پشگیری رۆژئاوا بخەنەگەڕ، لە ئاستی ناوچەكەو جیهان ، وەك ئەركێكی مێژوویی، پشگیری كۆبكەنەوە لەپێناو پاراستنی بەرژەوەندی نەتەوەكەمان.

ئەمڕۆ رۆژێکی یەکلاکەرەوەی گرنگە بۆ هێزەكوردیەكان، لە مامەڵە لەگەڵ ئەو داخوازیەی پەیەدە، بۆ سەركەوتن و رزگاربوون و بەرەو پێشبردنی دۆخەکە، هەرچەندە ھەڕەشەکان لەسەر چارەنوسی ھەرێمی رۆژئاوا كەم نین ، بەڵام ھەڵوێستی لایەنەکان بۆ دروستکردنی کۆدەنگیەکی نوێی راستەقینە بۆ رووبەرووبونەوەی هەر ئەگەرێكی نەخوازراو پێویستیەكی سەرەكی قۆناغەكەیە . .