نەمانی متمانە بە دەسەڵات (( یاخـیـبوون )) ...

(( تـۆماری ئە تـک کرد نێـکی ســـیاسی ))

لە هۆنراوە سیاسیەکانی نەزار قەببانی :

وەگێرانی عەربی بۆ کوردی و

لەگەڵ گـۆرینی سیما و سیمبۆڵەعەربیەکانیش

بۆ سیما وسیمبۆڵ و ژینگە کوردیەکە

بەکری مێرزاحسەین : سوید // ٢٥-١- ٢٠١٦

 

(( 1 ))

 

بمانبورن لەوەی ئەگەر هەندێ جـنێـومان پێـدابن

بمانبورن لەوەی ئەگەر هاوارەکانمان ئازاری دابن .

کـتێـبەکانی مێـژوو بۆ ئـێـمە بێ مانایە

هەواڵەکانی، سەرکردە و شۆرشەکان، بە کەڵـکـمان نایە . *(١)

 

ئێـمە، بۆ کەسانێك دەگەراین، ئەگەر بیانـتـوانیایە

بە کوردی و دادپەروەرانە، د ەربڕینیان بکردایە *(٢)

بەڵام، ئەوەی کە بـینـیمان

ئەو جـۆرە سەرکردانە بوون کە بێـباک بوون لە میللەت .

زمانی هەرە شە و هێڵی سور و را گەیاندنی بۆش

کە بەتاڵ بوون لە هەموو مانایە

 

بمانبورن لەوەی ئەو پەیوەندی رە حم و پەتی ناوکەمان بچراند کە

بەستونی پێـکەوە

بمانبورن لەوە ی کە، کار گەیشتـۆتە ئە وە

(( 2 ))

بمانبورن

بەرێزەکان، بمان بورن لە رەفـتاری وەک شـێـتەکان

هەزاران ساخـتەچی بەسەر شانمانا هەڵـگـەران

 

لەو کاتەوە لەدایك بوین .

ئەوانە بوونەتە کوێخامان و خـوێـنیان حەڵاڵ کردوین .

هەزاران پۆلیس، بە پاساوی پێـناسەی هە ڵە و نوسینی ناپەسەند

تەقەیان لێکردوین .

بەڵام نەکەوتوین .

هەوڵیان داوە قاچـمان ببرنەوە، بۆ ئەوەی

بەرە وپـێـش کشانمان بوە ستێ .

بەڵام هەر رۆشتوین .  

پەنجەکانیان برینەوە، بۆ ئەوەی قەڵەم نەگرێت .

بەڵام، لە نوسیندا هەر بەردەوام بوین . .

ویستیان، پێـمان بڵێـن، شیعر گوتن کـفرە .

بەڵام ئێمە لەو کـفرکردنە نەکەوتوین .

(( 3 ))

بمان بوورن

ئەگەر ئێمە باوکەکانی خۆمان کوشتبـێـت .

ئەگەر گومانمان لە داستانەکانی کـۆنمان کردبێـت .

ئەگەر پاڵەوانە کـۆنەکانمان، جارێکی تر بۆ لێـپرسینەوە بانگ کردبێـت .

 بمانبورن ئەگەر گومانمان لە دە قە ناسراوەکانی شیعرو پەخـشان کردبێـت *(٣)

یان گـومانمان کردبێت لە حەدیسەکانی، شمشێر، و، رم و

لەوەی فڵان وای گـێرابێـتە وە فڵان وای گـوتبێـت .

بمانبورن کە ئـێـمە لە بنەماڵەی فڵان و لە عەشیرەتی فلان

رامان کربێـت . *(٤)

هەر جارێك ئێمە لە قاوەکانی ئەوانمان خواردبـێـتەوە

لە قورگماندا گیراوە .

هەر کاتێك داوای فریا کەوتنمان لێ کردبن

هیچ سودی نەبوە و هەوڵەکانمان دۆرراوە .

بمانبورن کە، هەرچـیمان خـوێـندبێـتەوە

ئێستا بیر چـۆتەوە و لە بیر نە ماوە .

 

(( 4 ))

 

بمانبورن کە بێ ئیزن

چوبینە ناو کۆشکی شاهانە و هۆڵی ئاوێنە بەند و

دیدەنی تەختی پاشایەتیتان .

لە هەموو سوچێکا بۆنی جەستەی لێدە هات و

بینیمان چـۆن لە ناو سەللاجەکانی سوڵتان .

بە تازەیی پارێزراون گۆشتی جاریەکان .

 

بمانبورن ئەگەر، دەستدرێژیمان کردبێـتە سەر موڵک و ماڵتان

یان بانگەوازی ئازادیمان کردبێت بۆ ژنەکان .

 

(( 5 ))

بمانبورن ئەگەر، بۆ جارێك لێمان تێـکـدابن خەیاڵی سەرخۆشی

ئێوە مان دابریـبێـت رۆژێک، لە ویسکی نـۆشی

 

بمانبورن کە بۆ رۆژێک ڤـیدیوکانمان لێ داگیر کردون

بۆ ئەوەی پیشانـتان بدەین ، کە شێوازی مردنەکانمان چـۆن بوون

 

ئێـمە دەگەراین بەدوای کەسێکـد ا بە ناوی حاجی قادری کـۆیی *(٥)

رۆژێک لە رۆژان، بە را گەیاندن و شیعرەکانی

کوردی بە ئاگا هانی

کە دۆزیمانە وە بینیمان،

 موخابەرات فیشەکیان داوە لە سەری و فیشەکـێک لە زمانی

فیشەکیش لەدڵی میللەت و فیشەکـێـکیش لە دڵی ئێمەی هاوبیرەکانی .

 

(( 6 ))

بمان بورن ئەگەر درندانە

دەستدرێژیمان بۆ سەر پەردەی کچـێـنی دەوڵەت کردبێت .

بمان بورن ئەگەر وەک گورگ گازمان لە دەستی گرتبێت

نەفرە تمان لە دایک و باوکی کردبێـت

میللەتمان لێ هاندابێـت و گـۆشتی مەمکـیمان خواردبێـت

بمان بورن ئەگەر لە داب و نەریت لامان دابێـت و

سەرپـێچـیمان کردبێــت

وەک چەند منداڵێـکی برسی رەفتارمان کردبێـت

بە رۆژی روناک لە خوێنی دەوڵەتمان خواردبێت .

 

 (( 7 ))

بمانبورن ئەگەر میزمان کردبێت بە سەر ئەو هەموو پەیکەرانەی

دەسگاکانی دەسەڵات دایناون لە زۆر جێ و گۆرە پان .

بەسەر ئەو وێنانەی لەسەر هەموو دوکانەکانی شار، هەڵواسران .

بەسەر هەمووئە و دروشمانەی، بەردو تـۆپیان تێـدەگرن مندڵان

 

بمان بورن، ئێمە دواجار لە سە ربانی کەشتیەکان

وەک رانە مەرر، گیرساینەوە

بەسەر دەریاکانی دنیادا، پەرش و بڵاو کراینەوە .

لەناو بازرگانە کوردەکانا، هیچ بازرگانێکی کوردمان نەدی .

دەربەست بێت، هەندێ ئالیکمان بداتێ، یا تۆزێـك ئاو بیخۆینەوە .

 

لە ناو شۆرشگـێـرانی کوردیشدا

هیچ شۆرشگـێرێک نە بووە کە چەقـۆی نەچە قاندبێـتە جە ستەمان و

برینی نە کولاندبـیـنەوە .

بمانبورن، بمانبورن

کە هەموو شتێـکمان، رەفـز کردبێـت

کە هەموو شتێـکمان شکاندبێـت

کە هەموو شتێـکمان لە رەگەوە هەڵـکێـشا بێـت .

ناوەکانی خۆمان فرێ دابێـت .

 

دەشتەکان ئێـمەیان رەتـکردۆتەوە و ورێـگا کانمان لێ گـیراوە

بەندەرەکان ئێـمەیان رەفـزکردوە و درگاکانمان لێ داخراوە

ئەو فرۆکەخانانەی کە پێشوازی دەکەن لە باڵندەکانی بەیانیان و ئێواران

لێـمان قەدەغەکـراوە

بە هەتاوی زە بروزەنگ و چەوسانەوە جەستەمان سووتاوە

بمانبورن ئەگەر تـفمان کردبێـت

لە سەردە مێکی وای، کە نازانین چی نا وە .

بمانبورن لەوەی کە بەرامبەر ئەو هەموو بێـدادیانە

ئەگەر ئەوانەی ووتومانە کـفربێـت

هەر ئەو کـفرانە مان بۆ ماوە .

 

*******************************.

(١) أخبار علی و یزید

(٢) ان يقولون كلاما , عربيا

(٣) روايات أبي زيد الهلالي 
وفي شخصية الزير . . وفي عنترة

(٤) إن هربنا من بني صخر وأوس ومناف . . وكليب.

(٥) المتنبی كان في يوم من الأيام عصفور العرب