منێك له‌ هه‌موو ژیانما 

عاشقى باڵای بونى تۆ .  !
له‌ ده‌رونما سه‌رقاڵی جۆماڵی هێمای ڕونی تۆ .  !

له‌ گۆڕه‌پانی مه‌حشه‌را 
هه‌زار جار گیانم ده‌ربچێت 
نایه‌مه‌ سه‌ر حه‌وزی كه‌وسه‌ر 
ئه‌گه‌ر مه‌لا شوان له‌وێ بێت .  !

گه‌ر موه‌فه‌ق 
وه‌ك ئه‌سكه‌نده‌ر به‌سه‌ر سیراتا تێپةڕێت 
من ده‌چمه‌ ناو قولایی وه‌یل 
ئه‌و مێشكه‌ی تۆ پێت دام و 
به‌ كه‌ڵك نه‌هات 
با وه‌ك سه‌ماوه‌ر بكوڵێت .  !

قه‌سه‌م به‌به‌ژنی حه‌قیقه‌ت
نایه‌مه‌ بن سێبه‌ره‌كه‌ت 
گه‌ر بنلادن و مه‌قدیسی له‌وێ بن و
به‌ده‌م پاقله‌ خواردنه‌وه‌ 

به‌ عه‌قڵی من پێبكه‌نن و 
مێشێكیش میوانیان نه‌بێت .  !

نا نا تۆبه‌ خودایه‌ 
ئاینی تۆ 
هه‌ره‌شه‌ له‌ چاره‌نوسی گه‌لێك ناكات 
په‌ره‌ی ژینی به‌ فرمێسك و خوێن خوسا بێت .  !

په‌یامی تۆ 
موستیله‌ی جادویی نیه‌
له‌ ئه‌و په‌ری ئه‌م دونیایه‌ 
 له‌ ئه‌نگوستی مه‌لایه‌كی جاسوسا بێت .  !