باراک ئۆباما لە ووتاری ماڵئاوایی لە کۆشکی سپی ووتارێکی پێشکەش کرد. لەم بەشەی پەیوەست بە دۆخی جیهانی عەرەبی و خۆرهەڵاتی ناوەڕاست، بەتایبەتیش سەبارەت بە شۆڕشەکانی تونس و میسر ووتی: "ئەمریکا ئەو شۆڕشانەی وەکو مەترسییەکی جەوهەری تەماشاکرد کە دەبێت لەبارببرێن"، عەرەبییەکشەشی: "نظرت أميركا إلى تلك الثورات بصفتها خطراً كامناً لا بد من إجهاضه. "!

لە ووتارەکەی ئۆباماوە: " لكن أكبر إنجازات إدارتي هي وأد «الربيع العربي»، فأنتم تعلمون أن الثورات التي نشبت في الشرق الأوسط وشمال إفريقيا عام 2011 هدّدت أمن صديقتنا، إسرائيل، التي نعدّ بقاءها في ذلك الجزء من العالم مرتبطاً ببقاء هُويّتنا نحن. ولهذا، نظرت أميركا إلى تلك الثورات بصفتها خطراً كامناً لا بد من إجهاضه. وقد نجحنا بالتعاون مع حلفائنا في تحويل ليبيا إلى دولة فاشلة، وقضينا على المولود الديموقراطي في مصر، ومنعنا السوريين من الحصول على أسلحة توقف القصف الجوي، وسمحنا لحلفائنا الشيعة باستباحة سوريا وإغراقها بالدم، فلا مصلحة لنا من انتصار ثورة تهدد الشعب اليهودي، وتعزز نفوذ الإسلام المتشدد. وفي الختام، قررنا إنهاء الخلاف مع إيران، بعد أن اكتشفنا أنها ليست مسلمة كما كان يُشاع، وأن التعاون معها لكبح الإسلام السني أكثر أهمية من الخلاف حول برنامجها النووي. وبالفعل، نحّينا الخلافات، وركّزنا على المشتركات، واتفقنا على وضع الشعوب العربية تحت التحكم. " هێڵی تەئکید من کێشاومە. لینکی تەواوی ووتارەکە لە پەروایزدایە.

هەر لەم پەرەگرافەی ووتارەکەیدا بە ڕۆشنی باسی گرنگی و بایەخی چۆنێتی لەباربردن و تێکشکاندنی ئەو شۆڕشانەی کردووە! بەتایبەتیش گرنگی و ڕۆڵی دەوڵەتی شۆڤێنیی ئیسرائیل بۆ ستڕاتیژی ئەمریکاو ڕۆژئاوا، هەروەها گرنگی ئەو دەوڵەتە وەکو سەرچاوەی ئاژاوەو تیرۆرو تیرۆریزمی ئیسلامی و فاکتەری مانۆڕەکانی ئیمپریالیزمی ئەمریکا بۆ شوێنگرتنی سیاسەتەکانی لە جیهان و خۆرهەڵاتی ناوەڕاست و جیهانی عەرەبیش.

بەمپێیە لەم ئاماژە کورتەدا دەردەکەوێت ئەو شۆڕشانە، بەو مانایەی میلۆنان ئینسانی کرێکارو زەحمەتکێش و ستەملێچووی ئەو ووڵاتانەی هێنایەمەیدان بۆ ئەوەی بەشداری سیاسی بکەن لە ئەنجامدانی گۆڕانکاری لە دەسەڵاتدا بەباری قازانج و بەرژەوەندی جەماوەری فراوانی خەڵکی چەوساوەداو بەدژی دەسەڵاتە دیکتاتۆرییەکان، پێش لە هەر هێزو دەوڵەتێکی بۆرژوایی جیهانی و لۆکاڵی، ئەمریکا بە گەورەترین مەترسی داناوە بۆ سەر پێگەو ستڕاتیژی سیاسی خۆی لە ناوچەکەدا. ئایا جێگای پرسیار نییە بۆچی ڕووخانی بن عەلی و حوسنی موبارەک و ڕژێمەکانیان بە شۆڕشی خەڵکی ئەو ووڵاتانە خۆیان، دەبێت مەترسی بێت بۆ سەر بەرژەوەندییەکانی ئەمریکا؟! هەر ئەم مەترسییە ستڕاتیژییەش بوو هەموو هەوڵێکی کۆنەپەرستانەو دژی شۆڕشیان گرتەپێش بۆ دەخالەتکردن و هەوڵدان بۆ پووچەڵکردنەوەو لەباربردنی شۆڕش‌. بینیمان کە چۆن ڕاپەڕینی جەماوەری خەڵکی سوریاو لیبیاو یەمەن بە دژی دەسەڵاتە شموولییەکانیان کردۆتە لیتاوێک بۆ سازدانی سیناریۆ ڕەشەکانیان لەپێناو بەرقەرار ڕاگرتنی دەسەڵاتی سەرمایەداری و دەوڵەتی گوێلەمستی خۆیان لە ناوچەکەدا. دەبینین تاوان دوا تاوان و کارەسات دوای کارەسات ئەنجامئەدەن و ماندوونابن و ڕۆژانە کاولکاری و خوێنڕشتن و ئاوارەکردن و دەربەدەر کردنی سەدان هەزاری لە خەڵکی ئەم ووڵاتانە دەخوڵقێنن، گوایا لەژێر ناونیشانی جەنگ دژی تیرۆریزمی ئیسلامی! بەڵام ئەوان تۆڵەی خۆیان لە ڕاپەڕین و شۆڕش کردنی جەماوەری بەتەنگهاتووی ئەو ووڵاتانە دەکەنەوە لێیان! ئەوان ئامانجیان ئەوەیە جیهانێکی سەرمایەداری لەژێر ڕکێفیاندا بێت، بەڵام کەس تیایدا نەک هەر باسی شۆڕش و راپەڕین و ئیرادەنوواندن نەکاتەوە، بەڵکو جورئەتیش نەکەن بیری لێبکەنەوە.

ئەمریکاو هاوپەیمانەکانی تا بگات بە دژبەرەکانی، چ لە ئاستی جیهانی و چ لە ئاستی لۆکاڵیدا ئامانجی هەرە سەرەکییان کپکردنەوەو بە تەواوی خامۆشکردنی ئەو ئیرادەیەیە کە شۆڕشەکانی ناسراو بە بەهاری عەرەبیی بەرپاکرد. ئامانجێکی گەورەتریشیان لە سەرکوتکردنی ئەو شۆڕشانەدا بە هەر شێوازێک بۆیان بلوێت، لە چەشنی بەرەڵلاکردنی دەیان دارودەستەی ئینسانکوژی چەشنی داعش‌و نوسڕەو بۆکوحەرام و . . تد، تۆقاندن و تەمبێکردنی خەڵکی ئەم ناوچانەو جیهانیشە کە نەکەن هەڵەی وابکەن دەست بەرن بۆ بەرپاکردنی شۆڕش! ئەم کارە لە ڕوانگەی ئۆباماو دەوڵەتە هارەکەیەوە ڕێ پێ دراو نییە، بۆیە کاتێک وەکو خەڵکی ڕاپەڕیوی سوریا هاتنەمەیدان، بەدەردی ئیستای سوریاتان دەبەن!

پەیامی ئۆباما وەکو سەرۆکی گەورەترین دەوڵەتی ئیمپریالیستی و خاوەنی جبەخانەی ئەتۆمی و یەکەم بەکاربەری بۆمبی ئەتۆمی و خاوەنی ستڕاتیژی هێرشبەرانەی پێشوەخت بۆ هەر جێیەک مەترسی شۆڕشی تێدا هەست بکرێت، نەک جەنگ نییە دژی تیرۆریزمی ئیسلامی، بەڵکو درووستکردنی بەربەستێکی گەورەی سەربازی و سیاسی و ئایدیۆلۆژییە لە بەردەم بەرپابوونی شۆڕشە کرێکاری و جەماوەری و سۆشیالیستییەکانی خەڵکی ناوچەکەو جیهانیشدا. ئەوان هیچ کاتێک بەرژەوەندییان لە شۆڕشدا نییەو دەیانەوێ ئینسانەییەت چاەوەڕوانی سیاسەت و پلان و ستڕاتیژە ئیمپیالیستییەکانی ئەوان بێت، تا گوایا بەهەشتی دیموکراسییان بۆ بەرقەراربکات! بۆرژوا-ئیمپریالیستی جیهانی یەک شت دەناسێت، ئەویش بەرقەراربوونی هەلومەرجێکی تەواو ئازاد بۆ سەرمایەگوزاری و چەوسانەوەی هێزی کاری هەرزانی ملیۆن ملیۆن کرێکارو زەحمەتکێشی ئەم ناوچانە. شۆڕش و ڕاپەڕین بڤەیە! لە ڕوانگەی ئۆباماوە وەکو باشترین نۆکەری چینی سەرمایەداری ئەمریکاییەوە، خەڵکی جیهان دەبێت تەنهاو تەنها چاوەڕوان بن ئەمریکا بێت و دادپەروەری و دیموکراسی و مافی مرۆڤیان بۆ بکاتە واقع، کە هەرگیز ڕوونادات! ئەمەش بە واتای ئەوە دێت، ئینسانییەت ملراکێشێت بۆ بەڕبەڕییەتی سەرمایەداری وەکو جارەنووسێکی ئەزەلی و ئەبەدی. بەڵام لە واقعدا خواستەکەی ئۆباما خەیاڵییەو مرۆڤایەتی ناتوانێت تا سەر تەحەمولی ئەم بەڕبەڕیەتەی ڕژێمی سەرمایەو کاپیتاڵیزم بکات.

خۆشیان دەزانن خەڵک باوەڕی بەم وەهمە نەماوە بۆیە بە زەبرو زەنگ و بە نواندنی مانۆڕی سەربازی گەورە بۆ خاپوورکردنی شارو وولاتی ناوچەکە، لەژێر ناوی لێدان لە تیرۆریزمی ئیسلامیدا، دەیانەوێ جیهان بترسێنن، بەرگری خەڵکی جیهان بەرانبەر سەرمایەو ئیمپریالیزم ووردو خاش بکەن و ملیۆنەها ئینسانی ژێر ستەم و چەوسانەوەی چینایەتی و ستەمی جۆراوجۆری دیکە ملکەچ و زەلیل بکەن تا ئەوان چەوسانەوەی هێزی کاری هەرزان و سەرمایەگوزاریی خۆیان درێژەپێبدەن، وە سەرمایەو سودو قازانجی زیاترو زیاتر کەڵەکە بکەن. ئەم شێوازەی تۆقاندن کاریگەرترەو گونجاوترە لەگەڵ ئەمڕۆی سەردەمی گەشەی سەرسوڕهێنەری پەیوەندییەکان و تەکنۆلۆژیای سەربازی و پیشەسازیدا، لەوەی بەشێوازی جەنگی جیهانی یەکەم و دووهەم بێن و تەقسیمکردنی جیهان و ناوچەی نفوزو بازاڕەکان لەنێوان خۆیاندا بکەنەوە.

 

جەماوەری خەڵکی ئەم ووڵاتانەش دەخوازن و بەرەژوەندییان لەوەدایە شۆڕش بەرپابکەن دژی سەراتاپای دارودەستەو تاقمە ئیسلامی و قەومییەکان و غەیری ئەوانەش، کە داردەستی ئیمپیالیزمی جیهانین و بۆ سەرکوتی خەڵکی ستەمدیدەی ئەم ووڵاتانە لەلایەن ئەمریکاو ڕۆژئاواو ڕوسیاو چینەوە سەپێنراون بەسەریاندا، وە بە هەموو تواناو ئیمکاناتێکەوە پشتیوانییان لێدەکەن. ئەمریکاو هاوپەیمانانی تا بگات بە ڕوسیاو چین دەخوازن- دیارە بۆ هەمیشە کە ناتوانن- بەڵام بۆ درێژماوە مەترسی شۆڕش و ڕاپەڕینی جەماوەری خەڵکی کرێکارو زەحمەتکێش لە خۆیان و سەرمایەو سیستەمی دڕندانەی سەرمایەداریان دووربخەنەوە! ئەمە ناوەرۆکی ووتارەکەی ئۆباماشە!

بە دێڕێکیش، لەم نێوەدا ئەرک و وەزیفەی هەر کۆمۆنیستێک، هەر چالاکوانێکی سیاسی چەپ، کە بەجۆرێک لە جۆرەکان خۆی بە دژی سەرمایەو سەرمایەداری دادەنێت، یان ئیمپریالیزم و سیستەمی سەرمایەگوازییەکەی بە سەرچەشمەی تەواوی ناکۆکی و گرفتاری و ناهەمواری و کارەساتەکانی جەنگ و هەژاری و برسێتی و بێکاری دادەنێ، ئەمەیە کە دەست لە ناو دەستی یەک بنێن بۆ بەهێزکردنی ئەو ئیرادە شۆڕشگێڕانەیەی کە بۆرژوایی جیهانی لێی تۆقیوەو هەموو تواناکانی خۆی خستۆتەکار بۆ بەرپێگرتنی. ئەرکیان لەوەدا بەرجەستە دەبێتەوە، بێن و هەوڵ بدەن ئەو ڕاپەڕین و شۆڕشە کۆمەڵایەتییە فراوانە بخەمڵێ و سەردەربێنێت و تەواوی پەروەندەی ئیمپریالیستی و دارو دەستە دژی ئینسانییەکانیان لە ناوچەکەدا بپێچێتەوەو دەروازەیەکی جیاواز لەوەی ئۆباماو سەرمایەدارانی دیکەی جیهان دەیخەنە بەردەمی ئینسانییەت، بەڕووی خەڵکی ناوچەکەو جیهانیشدا واڵابکەن، دەروازەی شۆڕشێک بۆ دامەزراندنی سیستەمێکی سۆشیالیستی کە هیچ پێویستییەکی نە بە تیرۆرو تیرۆریزم هەیە، چ ئیسلامی چ دەوڵەتی و غەیری ئەویش، نە پێویستی بە جەنگ و دەعواو کاولکردنی شارو ووڵاتان دەبێت و هەیە!

حەمە غەفور

٣١ئۆکتۆبەر٢٠١٦

 ووتارەکەی ئۆباما بە عەرەبی:

http://kanassalatlass.  com/2016/05/19/%D8%A7%D9%84%D8%B1%D8%A6%D9%8A%D8%B3-%D8%A7%D9%84%D8%A7%D9%85%D8%B1%D9%8A%D9%83%D9%8A-%D8%A7%D9%88%D8%A8%D8%A7%D9%85%D8%A7-%D9%81%D9%8A-%D8%AE%D8%B7%D8%A7%D8%A8-%D9%88%D8%AF%D8%A7%D8%B9%D9%87-%D9%84/