پێشكه‌شه‌ به‌ خاتوو په‌ری عه‌زیزی شاعیری دوور وڵات

ده‌نگێ له‌ دوور دووری نیشتیمان

به‌ ئه‌وینیی هاوێر ده‌بێ و

به‌ گڕه‌وه‌ باڵده‌گرێ

به‌ جوانییه‌وه‌ ده‌خرۆشێ و

به‌ شه‌ڵته‌یه‌ك ئاونگباران

ڕێگا ده‌بڕێ

له‌ هه‌گبه‌ی شاڵاوی وشه‌

بوخچه‌یه‌ك بۆن،

كۆڵێ خه‌یاڵ،

باوه‌شێ چاو،

قرتاڵه‌یه‌ك قژی كاڵ و ده‌ستو په‌نجه‌ و سیماو مه‌چه‌كی ساف و لووس،

سه‌به‌ته‌یه‌ك سینگی پڕ بۆنی هه‌ڵه‌بجه‌،

بارێ خه‌می ئه‌به‌دییه‌ت،

قومێ هه‌ناسه‌ی سپاردن،

رێگای چۆڵه‌وانی ئه‌وینم پێده‌گرێ

22 / 6 / 2015