لەساڵی ١٩٥٢-١٩٥٣ لە خوێندنگای هەڵەبجە تیپی وەرزش کەوتە چالاکی لەسەر دەستی مامۆستای وەرزش ( سالەح مەلا محەمەد ) بەپشتگیری بەرێوەبەر ( سەعدەدین ئیبراهیم )، وەجەندەها تیپی یاری پێکهێنرا، هەروەها {تیپی دیدەوانی ( جەوالەی )هەڵەبجە } مامۆستا ساڵەح هەستا بەدەستنیشان کردنی ئەندامانی لە پۆلەکانی ٣، ٢، ١ وەکو بەبیرمدا بێت [ شەماڵ کریم – کیسرا عەبداڵا بەگ – ئەحمەد حەمە علی جەواز –حسەین محد ‌غفور – عبدڵا کەرکوکی – جلال حاجی رحیم _محمد علی کریم _محمد سعید حاجی ئەحمەد _ مەلا رەوف _حەمە سعید حەسەن _محمود علی رەمەزان _عوسمان شەمعێ _تەهای ئامەی دایەن _کەمال ملا قادر _ساڵح محمد محمود _سلاح علی بەگ _ئەکرەم ئیبراهیم بەگ _بەهرۆز ئەحمەد بەگ _عوسمان حسەین _وداد مەلا سورە _محمد رەمزی_ ئازاد حمدی . . . }بوون .

بۆ ساڵی ١٩٥٣ -١٩٥٤ لە ناحیەی سیروان (دجیلە ) خێوەتگای چەند رۆژە کرایەوە، تێدا زۆر چالاکی ئەنجام درا، هەرچەندە بارانێکی زۆر باری . . خوێند کارانی سلەیمانی، و قەزاکان بەشدار بوون . . . لە پاشدا دەرکەووت ئامادە کاری بوو بۆ داستنیشان کردن، ئامادە یی بۆ بەشداری کردن لە تیپەکانی عیراق لە شەقڵاوە . . بۆ ماوەی هەفتەیەک کە زۆر گەڕان بە ناوچەکەو چالاکی هەمە چەشنەی لە خۆگرتبوو، شایانی باسە ئەبوایە هەر پارێزگایەک هێمایەک لەبەردەم چادرە کانیان درووستبکردایە، من لەبەردو گەچ شاخی پیرەمەگرونم دروستکرد و بە یەکەمی چالاکیەکان دەرچوو، هەرسێ مامۆستا ساڵەح علی و عزیز محمد، ساڵەح مەلا محمەد . دەست خۆشی زۆریان لێکردم . . لەگەڕانەوەمان بەرێوە بەرەکەمان مامۆستا سەعەدین کتێبێکی (الایام ) ی خەڵاتکردم لەهەمو کارو چالاکیەکدا ، بەتایبەتی لە بۆنەکانی خوێندنگە وشاری هەڵەبجە دا ئەبووایە بەشدار بم. . .