هه‌رله‌رزیووم به‌ڵامێک له‌ ناخدا نه‌ترساوم

به‌لێدان گه‌ر بکه‌وم هه‌روامه‌ پێی نه‌شکاوم

‌هه‌رجارێ که‌وتبێتم دیسان هه‌ستاومه‌ته‌‌وه‌

ئه‌گه‌ر هات یاوه‌ر نه‌بوو دڵنیا‌ من نه‌دۆڕاوم

ترس کرده‌ی هۆشم بوو‌ به‌هاوکاریه‌وه‌‌ ماوم‌

نه‌زۆر زۆره و‌ نه‌زۆر که‌م له‌نێوانیا داماوم

مرۆ بێ ترس نابێ ترس خۆی ژیاندۆستیه

‌له‌وسنوره‌ی که ‌ده‌شێ هێز و گوڕی پێداوم

تا ئێستاکه‌ش ‌ده‌مبینی وا به‌پێوه‌‌ وه‌ستاوم

به‌هه‌رشت بڕوام هه‌بێ بێ وچان تێکۆشاوم

قه‌ت سه‌رم دانانوێنم بۆ دوژمنێکی خوێڕی

به‌لاشه‌ خۆشم ده‌مرم ‌تاسه‌ر ده‌مێنێت ناوم