بەریز "مەریوان وریا قانیع" گۆشەیەکى لە رۆژنامەى ئاوینە هەیە ناوى "ئەودیوى شتەکان" ە، بە مافى خۆمم زانى تۆزێک سەرنجى ئەم تایپە نوخبەیەو خوینەران رابکێشم، تا" ئەمدیوى شتەکان" یش ببینن، جا ئەوە ئینگلیس هەرچەندە کورى خانەوادەیەکى دەولەمەندیش بو، ریى کەوتە ناو دونیاى (نوسین، کار، خەباتى چینایەتى، خۆپیشاندان و نارەزایی و هەڵهاتن) هەمیشە ئەو لە مدیوى شتەکان بۆ فاکتەکان ئەگەرا، بروایەکى تەواوى بە شۆرشى گەل هەبو، تا ئەو ئاستەى خودى خۆى لە خەباتى چەکدارى گەل دژى دەستەلات، لە بروسیا بەشدارى کرد، دوايش کە هەرەسى هینا، راى کرد بۆ سویسراو لەویشەوە جوو بۆ لەندەن بۆلاى مارکسى هاوریی . .

ئەزانم کاک مەریوان ئەمدیوى شتەکان نابینى، راى کردووە بۆ ئەودیوى . مەسەلەن چۆن ؟. :

یەکەم: لەهەموو خۆرهەلاتى ناوەراستدا، کە لانکەى لەدایکبونى شارستانیەتە، یەک سانتیمەتر زەوى نییە، ئەم (نوخبەیەى سەر بە بزوتنەوەى گۆران) بەم شیوەیەى کوردوستان بتوانن قسان بکەن و، پەلبهاون، ئەوە میژووى ولاتانى ناوچەکە، تۆ بلیی ئەمان لە جۆرش حەبەش و تەرابیشى و هاشم سالەح وحەمە حەسەن هەیکەل و موحەمەد بوعلی و مەحمود دەرویش و. . . تاد. زیاتریان بۆ کۆمەلگەکەیان کردبێت ؟ کۆمەلیک وتارەو ئەیکەن بەکتیب و تەواو. تازەگەرییان لەچیدا هەیە. . لە ژینگەى کام لە رۆشنبیرانى شەرقدا فەزاى ئازادهەبووە، کەچى رچەشکینى سەردەمەکەى خۆشیان بون . . ئاخەر خۆى سەرهەلدانى ئیخوان لەمیسر (1928) یانى سەرەتاى مەرگى جوولەى سەقافى و سەحافى لە میسر، ، سەرهەلدانى سەلەفیەت لەکوردوستان یانى بۆشایى ئەقل و مەنتق و پرسیارو گومان لەهەرێمەکەدا، کەواتە لەبنەرەتدا نمونەى کاک مەریوان و مولحەقەکانى لە دۆخى نەبوندا بون .

دووەم: ئەم برادەرانە، شتێک کە خۆیان باوەڕیان پێی نییەو ئەیڵێن (وەکو ئەللاهو ئەکبەرەکانى سەراى ئازادى) ئازادن درۆ لەگەل کەسیتى سایکۆباتى خۆیان بکەن، بەلام مافى فەرزکردن و شەرحکردنى (تیز) ى سواویان بۆ سەر چینیکى وەک ئیمەومانان نییە، ئایندەش بریار لەسەر ئەمە ئەدات . . بۆنمونە: ئەوەى بەقەد پاسارییەک هزر و تیروانینى بڕ بکات، ئەزانێت لەدواى شۆڕشى پیشەسازییەوە، نمونەى (هیچ) شۆڕشێکى کۆمەڵایەتى و سیاسی قوول لەئارادا نییە، لیرەو لەوى گروپى ئۆپۆزسیۆن دروست بون و، لەریگەى هەندى کاراکتەرى نێرجسى و سیبەر و رەهەندى! و ئەهلى !یەوە سوارى ئەقڵى خەلکى رەشورووت بون، ئەنجامەکەشى لەسەر چارەنووسى نیشتمان و فەرهەنگ و نەتەوەو زمان و ئابوریی بە نیگەتیڤ کەوتووە، وە یان پرۆسەکە تێکەل بە وەرەقەى هەژمون و بلۆکبەندیى نیوچەیى کراوە . . هەولیکى وا لە بروسیا بە بیرمەندیکى گەورەى وەک (ئینگلس) لە کۆتایی سەدەى نۆزدەدا سەرى نەگرتبێت، کە ئینگلس ڕێکخەر و تەواوکەرى شا بەرهەمى مارکس " سەرمایە" بووە دواى مردنى، بە گۆشەنووسینى پڕوپوچ نوخبەى بەهەلە لەدایکبوى کورد چۆن ئەکرێت ؟.

سێهەم:کاک مەریوان و مولحەقەکانى . . . . گۆشەیەکیان هەیە لە رۆژنامەى ئاوینە، واز لەوە بێنین کە رۆژنامەى ئاوێنە لەوەندە سالەدا، مرێنەرى دەیان دەنگ و سەداى تازە بووەو، رێگەى وتنى لێگرتون و، لە باشترین حالەتیشدا راویژکارى حزبێکن (150) دۆنم زەوى و (3)کارگەى چیمەنتۆ و(2)سۆپەر مارکێتى گەورەو (6) ملیار بودجەى لەسەر سکى خەلک هەیە، لەگەل تەلەفزیۆنیک کە بەپارەى نەوت دەرئەچێت . . بەلکو هەر لەسەرووى گۆشەى ئەم نوسەرانەوە، کەباسى مافیاى ئابوریی ئەکەن، ریکلام بۆ چەندین کۆمپانیاى مافیایی ئەکریت وەکو کۆرەک و ئاسیاو زەین و قەیوان و نۆکان و. . . تاد . ئایا نایبینن ؟. !. ئایا ئەپرسن کەنالى نالیا بە چ پارەو داهات و دەستکەوتێک پەخش ئەکات ؟. ئیشى چییەو بۆچى کراوەتەوە ؟. ئایا نرخى شووققەو ڤیەللا ئەزانن ؟. ئایا ئیوە لە هەلومەرجى ئیستاى ناوچەکەو جیهان تیگەیشتون، ئەزانن قۆناغى رزگاریخوازیی نیشتمانى چیەو ئەرکەکەى چیە ؟؟.

چوارەم: ژیان لەپێناو بەرجەستەکردنى وەهم و یۆتۆپیادا زۆرجار تەنها ستەمکردنە لەووزەى فیزیکیانەى خۆت و هیچى تر. . هەروەک چۆن یۆتۆپیا سیاسیەکان ئەو تیۆرییە دەولەتداریانەن کە باسى کۆمەلگایەکى خەیالى و مۆدیلیکى دەولەتدارى خەیالى دەکەن لەناو جیهانیکى تایبەت بەخۆیاندا. . لە راستیدا ئەمە وەک وەهم یان ئایدیایەک بیرى لیدەکریتەوە بەس جیبەجى ناکرێت . . بەتایبەت دواى کۆتایی نازیەت و فاشیەت و سۆسیالیزم، باسى یۆتۆبیا کۆتایی بیهاتووە، جیهانى دواى (1991) جیهانى بازار و بەرژەوەندیی و، تویژینەوەى ووردى زانستى و مامەلەکردنە لەگەل فاکت . .

بەکورتى و بە پوختى، لە (5) ساڵى رابردوودا، هەموو ئەم رۆشنبیرە نەزۆکانە، بەهەموو هیزى خۆیان پشتگیریی حزبیک یان کردووە، کە نەگوتارى نەتەوەیی، نە ئایدۆلۆجیاى سیاسیی هەبووە (تەنانەت سوعبەتیشى بێئەکەن). یەکێک ئەلف باى قانونى سیاسى بزانێت، تێئەگات (بەبەشدارى کردن لەدەستەلات سیستەمى سیاسی ناگۆڕێت)، سەرەنجام سیستمەکەیان نەگۆری، خەریکە بارودۆخى سیاسى کوردیش لەناوچەکە دا تووشى غوبن و سەرلیشیواوى ئەکەن، ئیستا ئەیانەوى بە وتارى سواو و کاى کۆنى ئەم رۆشنبیرە تێرو تەسەلانە، شەرعیەتى خەلک وەرگرنەوە .

جۆرنالیستەکە، لە سەرۆکى حزبى کرێکارانى پرسى:

- بۆچى زۆربەى کادروبەرپرسەکانتان سەرمایەدارن و، ناوى حزبەکەشتان کریکارە. ؟.

- سەرۆکى حزبیش گوتى: ئەوە تەنها ناوێکى خۆشەو هیچى تر . .

ئەگەر پرسییان، ئەوە بزوتنەوەى گۆران و ميدياى ئه هلى و مەریوان وریا قانع و مولحەقەکانى هەبون و، هیچیش لە ئەقل و بیرکردنەوەى خەلک و، لە بزاڤى نەتەوایەتى نەگۆڕا، بێژن :ئەمانە هەر ناوێکى خۆش بوون .

بؤ زانيارى زياتر، خوينه ر با سه يرى ئه م شيكردنه وه زانستيه بكات كه له ئايارى 2014 دا نوسراوه :

http://penusakan. com/nusaran/171-behroz-ceafer/22541-2014-05-20-21-34-37. html

     " بەهرۆز جەعفەر"