ئەو سەددامانەی مێژوو سەپاندوونی، قەت لە كورد نابڕێن، شاندی كوردی نەوتی رادەستی عەبادی (سەددامەكەی دیكە) كرد، كەچی مووچەی مانگی یەك و دووی هەرێم نانێرن، بە بیانووی ئەوەی كە بودجەیان لە بەردەستدا نییە، بەڵام بودجە بۆ مووسڵ هەیە كە چەتەكانی داعش بەڕێوەی دەبەن و تەخشان و پەخشان بە پارەی میللەتەوە دەكەن و پارەكە بە گوللە و شمشێر دەدەن و وەك سەردەمی قوڕەیشییەكان ئینسانییەتی پێ دەكوژن.

 ئێستا، سەركردایەتیی سیاسیی كورد ئەركێكی قورسی لەسەر شانە، كشانەوە لە حكوومەتی (سەددام) هەر كێشەیە، نەكشانەوەش گرفتێكی دیكە.

 دەبێ لەو قۆناغەدا ژیرانە بڕیار بدرێت، بڕوای من وایە هەولێر نەوت ڕادەستی بەغدا نەكات باشترە، ئەلتەرناتیڤیش ئەوەیە، لەبری بەغدا، نەوت بە دەوڵەتە هەرێمییەكان و وڵاتانی دەرەوە بفرۆشرێت و ژیانی خەڵكی پێ دابین بكرێت.

 من پێشتر لەو تۆڕە كۆمەڵایەتییە (فەیسبووك) بە دوو دێڕ نووسیومە، تا شیعەكان ستراتیژ و دنیابینیی خۆیان دەرهەق بە كورد و سوننە نەگۆڕن، هیچ لە دۆخەكە ناگۆڕێت و سەددامەكان و نەوەكانی، وەك هەمیشە دیكتاتۆرییەت پەیڕەو دەكەن و هەموو مافێك لە ئەوانی دیكە زەوت دەكەن.