یاریدەدەری بەرێوەبەری گشتیی بەرەنگاربوونەوەی توندوتیژی دژ بە ئافرەتان لە وەزارەتی ناوخۆ دەڵێت، كۆبوونەوەیەكی تایبەتیان لەگەڵ راوێژكارانیUN WOMEN ئەنجام داوە و تێیدا بڕیاریان داوە بۆ ئەوەی كەسایەتی و دۆخی دەروونیی ئەو ئافرەتانەی كە لەلایەن داعشەوە رووبەڕووی دەستدرێژیی سێكسی بوونەتەوە، كەسایەتییان بونیات بنرێتەوە.

(ئاری رەفیق) یاریدەدەری بەرێوەبەری گشتیی بەرەنگاربوونەوەی توندوتیژی دژ بە ئافرەتان لە وەزارەتی ناوخۆ ڕایگەیاند: كۆبوونەوەیەكیان لەگەڵ راوێژكارانی UN WOMEN ئەنجام داوە تا دووبارە كەسایەتی و دۆخی دەروونیی ئەو ئافرەتانەی كە لەلایەن داعشەوە رووبەڕووی دەستدرێژیی سێكسی بوونەتەوە، بونیات بنێنەوە.

(ئاری) دەشڵێت: "لەو كۆبوونەوەیەدا رێك كەوتین لەسەر ئەوەی بە هەماهەنگیی هەردوولا راهێنانێكی تایبەت لەلایەن UN WOMEN بە (40) كەس بكرێ و كاری داهاتووی ئەو (40) كەسە تایبەت دەبێ بە دووبارە بونیاتنانەوەی كەسایەتی و دۆخی دەروونیی ئەو ئافرەتانەی كە لەلایەن داعشەوە رووبەڕووی دەستدرێژیی سێكسی بوونەتەوە".

بڕیارە لە چەند رۆژی داهاتووەوە و بە بشتبەستن بە دۆكیومێنتەكانی بەردەست بەڕێوەبەرایەتیی گشتیی بەرەنگاربوونەوەی توندوتیژی دژ بە ئافرەتان، پڕۆژەكە بە هاوبەشی جێبەجێ بكرێت.

This email address is being protected from spambots. You need JavaScript enabled to view it.