به‌ڕێوه‌به‌ری ڕاگه‌یاندنی پۆلیسی هه‌ولێر ده‌ڵێت، پاشنیوه‌ڕۆی ئه‌مڕۆ له‌ شارۆچكه‌ی خه‌باتی سه‌ر به‌ پارێزگای هه‌ولێر، ئۆتۆمبێلێكی بارهه‌ڵگر له‌ ڕێڕه‌وی خۆی ده‌رچووه‌ و چووه‌ته‌ ناو چێشتخانه‌یه‌كه‌وه‌، به‌ڵام ته‌نیا زیانی ماڵی هه‌بووه‌.

ڕائید (كاروان خۆشناو) به‌ڕێوه‌به‌ری ڕاگه‌یاندنی پۆلیسی پارێزگای هه‌ولێر ڕایگه‌یاند، ئه‌مڕۆ شه‌ممه‌ 3/1/2015، له‌ شارۆچكه‌ی خه‌باتی سه‌ر به‌ پارێزگای هه‌ولێر، له‌ ئاكامی خێرالێخوڕین و پابه‌ندنه‌بوون به‌ ڕێنماییه‌كانی هاتوچۆوه‌، بارهه‌ڵگرێك كۆنتڕۆڵی له‌ ده‌ست داوه‌ و چووه‌ته‌ ناو چێشتخانه‌یه‌كه‌وه‌.

به‌ڕێوه‌به‌ری ڕاگه‌یاندنی پۆلیسی پارێزگای هه‌ولێر ئاماژه‌شی دا، به‌ گوته‌ی شوفێری بارهه‌ڵگره‌كه‌، ئۆتۆمبێلێك هاتووه‌ته‌ به‌رامبه‌ری و له‌ ئاكامدا له‌ ڕێره‌وی خۆی ده‌رچووه‌ و ئه‌م ڕووداوه‌ی لێ كه‌وتووه‌ته‌وه‌.

گوتیشی، خۆشبه‌ختانه‌ ئه‌م ڕووداوه‌ هیچ زیانێكی گیانیی لێ نه‌كه‌وتووه‌ته‌وه‌.

 

ئه‌و بابه‌تانه‌ی له‌ کوردستان نێت دا بڵاوده‌کرێنه‌وه‌، بیروبۆچوونی خاوه‌نه‌کانیانه‌، کوردستان نێت لێی به‌رپرسیار نییه‌.